Lovoang At Ne Pol Ti Limixin Nunu to Rom 12:2 - Madak

² Nemen gat mita reven seo at laxaloklok at na lavatbung menemen, ketla mina ke ne Moroa na lox ekun levendoxoma atnemi mi lodoxoma ren kusu miba ravasu ngan luvuttadi maxat at levempanga mik lox i, la minaba epovo ba xusu mina long lenget ka lodoxoma at ne Moroa ri levempanga i lox avukat la ik lox amomo i la ik mokso.

Lovoang At Ne Pol Ti Limixin Nunu to Rom 12:2 Iomraidhean Croise

Sam 119:103

Levelinga ram i so misigisigis aleng, la i volo loso at ladan misiu.

Sam 119:128

Kuren la ara mumu asu lempapaase auru ram; la ak sok sisixe leveloklok axap i lok kapmek.

Sam 119:174

O Leeme Silok, labalak ing teng aleng ti loklox arooro ram; ketla Lenavolo ram ik lox amomo ia.

Sam 119:72

Mo levelinga nenu uga raba ia min, ni i lok nunuan aleng ti lempilas axap at na lavatbung menemen.

Sam 119:97

Labalak i tu munLenavolo ram, la am doma mumu amisix i at levenaleng kangking la kanimin.

Sam 34:8

Nemi xa mina ven terek luvukat at Leeme Silok. Laradi ik soxolik ka loxokok at Leeme Silok, ni na sosoro.

Sam 51:10

O Moroa, una lox amaxat labalak, la una lox aumsu lorooro rak mi lodoxoma maxat mo ik mokso.

Metiu 13:22

Ti levenit piao ga subu ro at livin gagas, ni i ru katling nedi limixin di ronga levelinga, ketla dik bulu mu solo laxampanga at na lorooro, la nom labalamu atnedi ri lapnovos i itis nom levelinga la dixo pisik tempeven una.

Lagale Lavavang At Ne Iesu Karisito Mak Ga Malagan I 4:19

ketla di bulu mu solo laxampanga at na lorooro la nom labalamu atnedi ri lapnovos, la levereven peves ti lempanga at na lavatkangka i vubeles at lorooro atdi la di itis nom levelinga la dixo visik tempeven una.

Lagale Lavavang At Ne Iesu Karisito Jon Ga Malagan I 14:30

Anoxo vaase babaalom eburu bok minimi mila laradi gomgo at na lavatbung menemen monga na vot. Kopmen tololos teren mavana rak.

Lagale Lavavang At Ne Iesu Karisito Jon Ga Malagan I 15:19

Ketla nia aga soxolik ka nimi basinge na lavatbung menemen. Do nemi mede at na lavatbung menemen, limixin diba vara aleng nimi. Ketla kopmen nemi mede; kuren la limixin at na lavatbung menemen diba belemamao nimi.

Lagale Lavavang At Ne Iesu Karisito Jon Ga Malagan I 17:14

Nia aga raba vam di mi levelinga ram ketla limixin at na lavatbung menemen diga sok tixirixes di, mila nedi xopmen di mede at na lavatbung menemen, kerekngan nenia xopmen ia mede.

Lagale Lavavang At Ne Iesu Karisito Jon Ga Malagan I 7:7

mila limixin at lavatkangka di noxo musak nimi; ketla diba musax ia, mila nia a tong amisix i do loklok atdi i lok kapmek.

Lovoang At Ne Pol Ti Limixin Nunu to Rom 12:1

Luvutnetak mi luvurinuk. I vasuun mun at lebelemumu silok at ne Moroa rinedik, kuren la a sing nemi xeretna; mina raba axap nemi ngan laramtaba i rooro ri ne Moroa ri lok lugugu ren la ti lox amomo i. Neni na langas i lox asuusu lotu ruturun, mina raba i min.

Lovoang At Ne Pol Ti Limixin Nunu to Rom 13:14

Ketla mina lok ka levempanga esep at Leeme Silok ne Iesu Karisito, la mina doxoma xepe leveloklok kakapmek ngan lavavara at labantuxu mun.

Lovoang At Ne Pol Ti Limixin Nunu to Rom 7:12

Ketla Lenavolo neni i xaala, la leventaangas linga xeneng teren bok i xaala, la ik mokso la i lox avukat.

Lovoang At Ne Pol Ti Limixin Nunu to Rom 7:14

Nedik diklen i do Lenavolo neni boro at Loroonan Kaala; ketla nenia laradi mene nga la aga ravasu ngan lasaxaruki at laxapmek.

Lovoang At Ne Pol Ti Limixin Nunu to Rom 7:22

La to xeneng tinotno rak, a vavara rinotno ri Lenavolo at ne Moroa.

1 Korin 3:19

Limixin at na lavatbung menemen di lok do lakleklen atnedi i silok aleng tinotno, ketla nom lakleklen atnedi i lok ngan mun lavanga gamasa at lemeren ne Moroa. I ngan Lovoang Kaala i tong i xeretna, “Moroa i vuulu lugugu at limixin akleklen.” Jop 5:13

2 Korin 4:4

Dixo nuunu mila levendomdoma atdi, lomoroa at na lavatbung menemen iram tu kobot pe vam i. La neni i tu kobot pe mo laxasep at Lagale Lavavang kusu noxo soosoo axasep di, mo laxasep i susu boro at lisisixam at ne Karisito, neni lampenaxa at ne Moroa.

2 Korin 5:17

Do tara i nuunu at ne Karisito, neni i ngan laradi maxat at loroonan teren; levempanga xapmek at lorooro maut ira xap pam, la lorooro maxat mo ira vot ta.

Galesia 1:4

Iesu ga raba lorooro ren ti ru korop ti laxapmek atnedik kusu neni naba lox asepmus nedik basinge leveng kakapmek at na levenaleng lolos; ana ga ravasu ngan lavavara at ne Moroa ne Temen nedik.

Epesas 1:18

Nia a sing bok ne Moroa do lodoxoma atnemi na rem suang kusu miba xasep ap mo leveloklox anarong, neni ga ro ka nimi ri lok ka i. Mo leveloklox anarong i ngan lapnovos silok i lox avukat aleng la i nemen tangais limixin axa ren.

Epesas 2:2

mo ga umsu at lorooro atnimi ap mo levenaleng miga mumu asu leveloklok at na lavatkangka la levelinga at laradi gomgo, ne Satan, ik lok to vana at lamavangkap, la na loroonan kapmek i gugu keneng at limixin tongtonga xepe.

Epesas 5:17

Kuren la nemen nimi mita lok lempanga rangtangku, ketla mina xasep at lavavara at Leeme Silok.

Kolosi 1:9

Maga ronga i nom, kuren la kopmen mana xap mi lisingising tinimi. Ma sing ne Moroa, kusu na suxa aumsu nimi mi lakleklen at lavavara ren, la kerepmo miba ruuna ka lodoxoma avukat keneng at lorooro atnimi, mo lodoxoma i ravasu boro at Loroonan Kaala.

Kolosi 3:10

la miga sang ka lorooro maxat, mo ne Moroa ik lox amaxat amisix i mi lakleklen teren kusu miba lok ngan lampoovo at ne Moroa, lanat tuntudum li.

Kolosi 4:12

Lavapaase momo rinimi boro at ne Epapras, lara at libinam tadi atnemi; neni lasaxaruki at ne Iesu Karisito. Neni i ngising lolos amisik tinemi, i ngising amisik ne Moroa ri lox alolos nemi kusu miba tu tuxuruxun keneng at lunuunu atnemi kerekngan limixin mukun la miba xasep aleng at lodoxoma at ne Moroa.

1 Tesalonia 4:3

Moroa i vara i do lorooro atnimi na xaala aleng. Mina ke xepe loklok ti elongka la loklok kakapmek maxamang at lixitkis epot.

Taitas 3:5

la neni ga lox arooro dik. Neni goxo lox arooro dik mumu leven gugu nunuan atdik; ketla neni ga balamu gamasa mun dik. Lebelemumu ren ni lavasuun at loklox arooro ren. Moroa ga lox arooro dik keretna; Loroonan Kaala ren ga gos kepe vam leveloklok kakapmek atdik la ga raba dik mi livipisik amaxat.

Jems 1:27

Leveloklok mo i nemen, ne Moroa i vara i do limixin dina lox i. Do dina lox epovo i, i lox asuusu i do di nuunu ruturun. Nom leveloklok i lox avukat aleng la i lok keretna. Limixin dina lok tatao avukat lubungkarun la lavakin, lavatlok atdi diga met pam; la dina lok tooro di at levenmumuat atdi. La lara lavanga bok, nedik ata lok tatao avukat lavatpas atnedik, la loklok at na lavatkangka noxo lox abilingot lorooro atnedik.

Jems 4:4

Loklok atnimi i lok ngan loklok at laradi ing longka tixin. Do laradi i vara mu loklok at na lavatkangka, neni i sok tixirixes kepe ne Moroa. Kerepmo la laradi i vara na etangas mi loklok at na lavatkangka, neni i munepen mi ne Moroa.

1 Pita 1:14

Minang tonga res at ne Moroa, la nemen gat mi gutam lomlong ti mo lavavara xapmek miga ruuna i gano at levenaleng migak lok at larangtangku.

1 Pita 1:18

La nemi miklen luunun, ne Moroa ga un kaka amlong nemi min basinge lorooro etaba ga ravasu at lavalabat atnemi. La mo luunun ixo epovo xusu tara na lok kapmex i, ngan lisiliva xopla logol;

1 Pita 2:3

I ngan Lovoang Kaala i tong i xeretna, “Nemi xa miga long terex i do lebelemumu at Leeme Silok i lox avukat.” Sam 34:8

1 Pita 4:2

Kuren la mina ke axap lorooro atnemi at na lavatbung menemen kusu mina mu asu lodoxoma at ne Moroa, la kopmen lavavara kapmek mun at luvuttadi at na lavatkangka.

2 Pita 1:4

Keneng at na lempanga, neni gara raba vam nedik mi leventamtaba i nunuan aleng, neni ga tong li i rinedik, kusu na leventamtaba naba beng pe nemi basinge levendoxoma xapmek at na lavatkangka la lavavara xapmek, la kusu na leventamtaba naba lam kaka nemi xusu minaba ruuna xaka luruptuvuk nunuan la minak mokso kerekngan neni.

2 Pita 2:20

Amo dola limixin digara sixiro vam at laxapmek at lavatbung menemen mumu lakleklen atnedi xeneng at Leeme Silok atnedik, la Laradi Loklox Arooro ne Iesu Karisito; la melemu, nedi diramlong mu manga loklok me gano. Nedi na limixin dik lok keretna, dik lok tinotno xeneng at loxot kapmek aleng la i lok kapmek tinotno ri no lorooro xapmek avot nedi digak lok teren.

1 Jon 3:13

Luvutnetak mi luvurinuk. Nemen mita sangu dola limixin at na lavatkangka dinak milik angtungun tinemi.

1 Jon 5:19

Nedik takleklen i do nedik limixin at ne Moroa, la limixin at na lavatbung menemen kopmen dina nuunu at ne Iesu Karisito, di nemen maxopok at lololos at laradi xapmek, ne Satan.

Lisilimet 12:9

La ne Mikael eburu mi lubungangelo ren diga lu asi mi mo lavattulaava eburu mi lubungangelo ren. Neni lavattulaava me gaxatnak, luasen teren ne Devel la ne Satan, mo i sasar asoogong limixin axap ti laxapmek; nedi diga lu asi midi ude xopok at na lavatbung menemen.

Lisilimet 13:8

La limixin axap at na lavatbung menemen diba lotu parav i; nedi limixin kopmen levenasen atdi ik lok at lubuk at lorooro, mo lubuk ga nemen avot ti luruntudum li at na lavatbung menemen, la ni lubuk at Lanasip, mo ga uu at laxaba.