Lovoang At Ne Pol Ti Limixin Nunu to Rom 12:18 - Madak

¹⁸ Mina lok lempanga avukat i epovo atnimi, kusu minabak lok at lenmila eburu mi limixin axap.

Lovoang At Ne Pol Ti Limixin Nunu to Rom 12:18 Iomraidhean Croise

Sam 34:14

Mina repukus basinge laxakapmek la minak lok leveloklok avukat. Mina lolos amisik ti ruuna ka limila ukeneng at lorooro axap atnemi.

Metiu 5:24

una ke xepe be letaba ram go melamgo at loxonin laplavang; la unat pas avot be xusu una lok lumulum eburu mi netam; la melemu ba unamlong la una raba letaba ram ti ne Moroa.

Metiu 5:5

Luvukat mo ik lok tinedi dik lox asi di, mila ne Moroa naba raba di mi lixitkis to xeneng at Linintoo ren.

Metiu 5:9

Luvukat mo ik lok tinedi, di lok lumulum kantubu atnedi dit kis munepen, Moroa naba so asen nedi do luvutnitna.

Lagale Lavavang At Ne Iesu Karisito Mak Ga Malagan I 9:50

Laxakures neni lavanga avukat. Ket do lololos teren na xap, kopmen bok ba tangas kusu diba lox i la na so xakures manga. Kuren la mina lox aumsu lorooro atnimi mi leven gugu nunuan kusu mibat kis eburu at limila.”

Lovoang At Ne Pol Ti Limixin Nunu to Rom 1:15

Kuren la lodoxoma rak iplivi aleng, kusu ana vavang tinemi bok limixin mi nemen dom Rom.

Lovoang At Ne Pol Ti Limixin Nunu to Rom 14:17

Linintoo at ne Moroa neni xopmen loklok ti anan la ti inin, ketla neni lomokmokso, la limila, la lomomo at Loroonan Kaala im taba i.

Lovoang At Ne Pol Ti Limixin Nunu to Rom 14:19

Kuren la minak paxaru li levendoxoma atnemi at levempanga naba raba nimi mi limila, la naba lok tooro bok ti lox alolos lunuunu at limixin axap.

1 Korin 7:15

Ketla do tara atdu xopmen na nuunu at ne Karisito la i vara i do na soxope mo lara i nuunu at ne Karisito, i lox avukat mene do mina ke xepe i na mu asu lodoxoma ren. La i lox avukat do lara i nuunu, latlok kopla latkin, na siam do mo latlok kopla latkin na on basinge i. Moroa ga soxolik ka dik limixin nuunu at ne Karisito kusu ata nemen at lumulum.

2 Korin 13:11

Atnimi bok be luvutnetak mi luvurinuk. Mina lolos ti ruuna ka luruptuvuk i nunuan aleng mene nga la mina ronga res at lisingising tarak tinimi, la levendoxoma atnimi na ngan legesara mun; la mina nemen keneng at limila. La ne Moroa ni lavasuun at labalamu la limila, neni naba nemen eburu minimi.

Galesia 5:22

Ketla mo lara i ruuna Loroonan Kaala at lorooro ren i pisik asu labalamu, lomomo, lenmila, loklox atnaasan, loklox anare, luvukat, loklok tuturun,

Epesas 4:3

La mina lolos kusu mina tu buru mi legesa doxoma at Loroonan Kaala, la lorooro atnimi nat kis atnaasan mi limila.

1 Tesalonia 5:13

La mina balamu aleng di mila di gugu at lugugu at ne Moroa. La mina umsu mi limila at lixitkis atnimi.

2 Timoti 2:22

Kuren la una ke xepe leveloklok kakapmek, kerekngan loklok at luvuraau; la una lolos kusu una mu asu leveloklok keretna; loklok mokmokso, lunuunu, labalamu, la limila. Una lok na levempanga eburu minedi limixin di nuunu at Leeme Silok la nedi lorooro atdi i lok nunuan.

Ibru 12:14

Mina lolos kusu mina nemen at lumulum eburu mi limixin axap, la mina nemen mokmokso, mila do tara noxo ruuna loklok mokmokso, neni noxo ven ne Moroa at lorooro melemu.

1 Pita 3:11

La neni na ke xepe laxakapmek la nak lok luvukat, la neni na lolos ti lok ka limila keneng axap at leveve ren.