Lovoang At Ne Pol Ti Limixin Nunu to Rom 12:13 - Madak

¹³ Mina lox epovo lavakpakes at limixin at ne Moroa, la mina lok maraose mi limixin petpes.

Lovoang At Ne Pol Ti Limixin Nunu to Rom 12:13 Iomraidhean Croise

Sam 41:1

Nedi di doma mu solo limixin banbalo, dina momo; Leeme Silok naba lok tooro di mo do dina ekip tangarang mi levenmumuat.

Metiu 25:35

mila agak toxo la migam taba luxa ia; agak minu la migam taba dan ia; aga nemen ngan laradi xadiong la migak lok maraose minia.

Leven Gugu 10:4

La ni ga ven tooro laangelo mi lanmarat la ni ga lok, “Lavanga salai mo, Leeme Silok?” Laangelo ga lok, “Moroa ira siam ka vam levesingising taram la leven gugu nunuan taram, la ni ira doxoma vam u.

Leven Gugu 4:35

la diga raba luvuttadi vavang min; la mo levempilas diga epes ba i xantubu atnedi ga epovo at lavakpakes atnedi getgesara.

Lovoang At Ne Pol Ti Limixin Nunu to Rom 12:8

Mo dola ti paase tooro lentaba vetpes, ata lox epovo box i xuren. Mo dola tim taba, ata raba solo mi lempanga atdik; mo dola ti lok tatao limixin, ata lok tatao avukat di; mo dola ti belemumu leventaba vetpes, ata lox epovo i mi lomomo.

1 Korin 16:15

Miklen ne Stiven midi loxoetemen, nedi avot diga lok ka lorooro maxat to Grik, la nedi xa diga raba axap pam di ri lugugu at ne Moroa xantubu at limixin teren. La a sing nimi, luvutnetak mi luvurinuk,

2 Korin 9:1

Ixok pakes tia xusu ana malagan tinimi mumu loklok tooro miba lox aonon i uto ri limixin at ne Moroa di nemen to Judaia.

2 Korin 9:12

Mo loklok tooro ap mo laramtaba atnimi noxo ven mun ti lavakpakes at limixin at ne Moroa, ketla ba lox asuusu bok buaang lorotong avukat keneng at lorooro atdi ri ne Moroa.

Galesia 6:10

Kuren la amo nga nedik move di ruuna levenaleng, i lox avukat do atanak lok loklok i lox avukat ti limixin axap, i ngan tinedi rinotno bok dik lox eburu minedik keneng at lunuunu atnedik.

1 Timoti 3:2

Laradi gomgo at lotu neni laradi kopmen tosoogong teren at lemeren limixin; neni latlok at leges atkin mun la it kis atnaasan; la ik lok tatao avukat luruptuvuk teren, loklok teren i lok nunuan mene nga; neni ik lok maraose minedi limixin boro vetpes; la neni i epovo ri lox ase limixin;

1 Timoti 5:10

la lorooro ren i umsu mi leven gugu nunuan la lorooro ren ga lok keretna. Neni latkin loklok tatao avukat laxamdak mi laxaalik teren, la ni ga lok maraose mi limixin kadiong diga vot to at loogu ren, la ni ga lok levempanga nunuan tinedi limixin nuunu la ni ga lok tooro nedi diga xip tutu mi levenmumuat, la ga raba axap lorooro ren ti lok leven gugu nunuan.

Taitas 1:8

Ketla nedi dina lok maraose mi limixin boro vetpes; dina mumu asu loklok i nunuan ti lok tooro limixin; lodoxoma atdi na lox avukat mun; dina mumu asu loklok i nunuan; loklok atdi xopmen taxakapmek teren; la di epovo ri lok tatao avukat luruptuvuk atdi at lempanga ua xopmen na lox avukat.

Taitas 3:14

La limixin axap atnedik, dina lolos amisik ti lok leven gugu nunuan kusu diba lox epovo lavakpakes atdi la diba lok tooro limixin petpes.

Pilimon 1:7

Netak orong. Nenia a lok momo aleng la lorooro rak i lolos atla nom labalamu silok taram saparap limixin nuunu i umsu aleng. La kerepmo bok uga lox alolos lorooro at limixin axap di nuunu.

Ibru 13:16

La nemen mita domampe loklok tik lok lununuan la loklok tim taba panga nedi dik pakes, mila ana leveloklok i lok ngan laramtaba atdik ti ne Moroa la neni i momo ren.

Ibru 13:2

Nemen mita ke xepe loklok ti lok maraose mi luvuttadi xadiong. Leventaba diga mu asu na loklok, ketla di goxoklen i do diga lok maraose mi lubung angelo at ne Moroa.

Ibru 6:10

Moroa neni laradi mokmokso la neni noxo domampe leveloklok nunuan nemi miga lox i, la mo labalamu nemi miga lox asuusu i at laasen teren ap mo levenaleng miga lok tooro limixin teren la move mik lok tooro di.

1 Pita 4:9

Mina lok maraose abeles kaka leventaba vetpes uto xeneng at laraugu atnemi la nemen gat mita gagalinga.

1 Jon 3:17

La kerepmo, do taradi apnovos i ven ti neton ik pakes aleng, ketla kopmen na raba i mi tempanga, kereva, i balamu ne Moroa? Kopmen tinotno.

3 Jon 1:5

Lentangas orong tarak. At lugugu ram ti lok tooro luvutneton dik, uk lox ampana avukar i, keke i do nedi limixin dik taxoklen di.