Lovoang At Ne Pol Ti Limixin Nunu to Rom 10:16 - Madak

¹⁶ Ketla limixin axap di goxo siam kaka Lagale Lavavang. I ngan bok ne Aisaia ga lok keretna, “Leeme Silok. Goxo buaang nedi diga nuunu at levelinga maga vaase asu i.” Ais 53:1

Lovoang At Ne Pol Ti Limixin Nunu to Rom 10:16 Iomraidhean Croise

Metiu 13:14

Kuren la na lavapaase alii at ne Aisaia ira sorun pam. Moroa ga lok keretna, ‘Mibang tonga amisik, ketla mi noxo xasep; miba reven amisik, ketla mi noxo ven kibis.

Lagale Lavavang At Ne Iesu Karisito Jon Ga Malagan I 10:26

Ketla kopmen mina nuunu rak mila nemi xopmen laxasipsip tarak.

Leven Gugu 28:24

Lentaba atnedi diga nuunu at levelinga ren, ketla lentaba xopmen di goxo nuunu.

Lovoang At Ne Pol Ti Limixin Nunu to Rom 1:5

Keneng mun at ne Iesu la ti lox aurut laasen teren, Moroa ga raba ia mi letaba nabalamu ren kusu nia ana ru katling i ri lok lugugu ngan laradi vavang at ne Karisito, la ana sasar asu ka limixin boro xamang at limixin kopmen di me Judaia, kusu dinaba nuunu ren la dinang tonga res teren.

Lovoang At Ne Pol Ti Limixin Nunu to Rom 11:17

Lentaba levengkakan at luuna olip toonu ga repit su basinge luuna ren, la levengkakan at luuna olip aaxa boro at laxairing gara ru kun ta i. Nemi limixin kopmen nemi me Judaia mi lok ngan na levengkakan una aaxa, la na nga mi lolos la mipnovos at lorooro at loroonan atnemi xerekngan leme Judaia.

Lovoang At Ne Pol Ti Limixin Nunu to Rom 16:26

Ketla amo nga, mo levelinga ruturun gara ru asuvos pam ti laxasep, keneng at levenmamalagan at luvuttadi vapaase alii; ne Moroa laradi xopmen taxavaxap teren ga vaase asu i xusu limixin at laranep silok axap dinabaklen i, la nedi axap dinaba nuunu ren la dinang tonga res teren.

Lovoang At Ne Pol Ti Limixin Nunu to Rom 2:8

Ketla leventaba atnemi limixin di doxoma mene di, la di sok tixirixes levelinga ruturun at ne Moroa, di vavara i do dina mumu asu levempanga i lok kapmek; nedi na dinaba ekip tangarang mi lebelemamao la lumukmusak at ne Moroa.

Lovoang At Ne Pol Ti Limixin Nunu to Rom 3:3

Naba lok ba xereva do teventaba atnedi di goxo ruturun at levendoxoma atnedi ri ne Moroa? I milik ngan ta do ne Moroa noxo ruturun ta, do?

Lovoang At Ne Pol Ti Limixin Nunu to Rom 6:17

Ketla a tong loklox avukat tinotno ri ne Moroa. Gano nemi migak lok ngan lavaanat saxaruki at laxapmek; ketla melemu ren mi lorooro axap atnemi, miga ronga res at levelinga ruturun miga ronga i.

Galesia 3:1

Laxampanga rangtangku nemi leme Galesia. Nege rinotno ga sar asoogong lodoxoma atnemi basinge lunuunu ruturun, kusu mina mumu asu Lenavolo? Gano migara ven axasep pam lavasuun at lanmet at ne Iesu Karisito ro vana at laxaba.

Galesia 5:7

Gano nemi miga mumu asu avukat tinotno levelinga at ne Moroa. Ketla lavanga sala gara sep pepe bok ba nemi xeneng at lorongtonga res at luruturun? Nege gara sat amlong bok ba lodoxoma atnemi?

2 Tesalonia 1:8

La ne Moroa naba lox asongot nedi, dixokleklen i la nedi bok kopmen dinang tonga res at Lagale Lavavang at Leeme Silok atdik ne Iesu.

Ibru 11:8

Abaram ga ruuna lunuunu. Kuren la at lara laaleng ne Moroa ga tong i rin do na on basinge lemenemen teren kusu nat pas ti lara lemenemen to vaxalom; Moroa ga vaase alii rin do neni naba raba i min melemu ngan lemenemen tino rin. La ne Abaram ga ronga res teren la ga vas kaxat, neni goxoklen i do mo lemenemen gak lok ua.

Ibru 4:2

Nemi bok miga ronga Lagale Lavavang kerekngan nedi diga ronga i. Ketla mo lavavang diga ronga i, goxo lok tooro di mila di goxo nuunu ren.

Ibru 5:9

Kerepmo la ne Moroa ga lox agagas li i, la neni ga ravasu ngan ta lavasuun at lorooro avolo rinedi ding tonga res teren,

1 Pita 1:22

La mo nga, mira ronga ka vam levelinga ruturun la kerepmo lorooro atnemi ira dadat pam la labalamu ruturun i ravasu at lorooro atnimi ti luvutneton nimi; kuren la mina ebalamu ela mi lorooro axap atnemi;

1 Pita 2:8

La loxot bok at Lovoang Kaala i vaase xeretna, “Na luat naba lok limixin kusu dina sak kikixin la naba lox asubu nedi.” Ais 8:14 Di sak kikixin atla xopmen dina nuunu at levelinga at ne Moroa; anai i epovo mi lavavara at ne Moroa rinedi.

1 Pita 3:1

At na mun langas bok la nemi lavakin minang tonga res at levendoxoma at lavatlok atnemi, kusu do tentaba atnedi do dixo nuunu at levelinga at ne Moroa, loklok mun atnemi naba lok nedi la dina nuunu. La ixo epovo bok do minaba vaase axa toxolinga ri lox amlong levendoxoma atnedi.