Lovoang At Ne Pol Ti Limixin Nunu to Rom 1:7 - Madak

⁷ Nia a malagan na levelinga rinemi axap mi nemen dom Rom, Moroa i balamu nimi la ga ro xaka nimi do nemi limixin teren. Letaba nabalamu la lenmila rinimi boro at ne Moroa ne Temen nedik, la Leeme Silok ne Iesu Karisito.

Lovoang At Ne Pol Ti Limixin Nunu to Rom 1:7 Iomraidhean Croise

Sam 60:5

Una lox asepsu nama mi lolos taram; una siam at levesingising atnema, kusu mo limixin u kok nedi dinaba roo suu.

Metiu 5:16

La kerepmo bok laxasep atnemi na soso ro melamgo at limixin, kusu diba reven leveloklok nunuan mik lox i, la diba emi asu mi ne Moroa ne Temen nimi boro vana at laxalibet.”

Lagale Lavavang At Ne Iesu Karisito Jon Ga Malagan I 20:17

Iesu ga lok tin, “Nemen uta ranga tu rak, mila a xovisi ana onon uto vana at ne Tamak. Ketla una vosiga luvutnetak la una tong i ridi do anamlong be uto at ne Tamak, neni ne Temen nimi bok, Moroa rak, neni ne Moroa box atnimi.”

Leven Gugu 15:23

Diga raba nedu mi mo lovoang ga lok keretna; “Nema na luvuttadi vavang la loxongkulao silok, luvutneton nimi; ma lox aonon lomomo atnama rinemi limixin kopmen nemi me Judaia mo mi nemen to Antiok, Siria, la Silisia.

Leven Gugu 9:13

Ananias ga vorang i rin keretna, “Leeme Silok, buaang limixin diga tong lempanga ria mumu nom laradi, la mumu bok lempanga xakapmek ni ga lox i ri limixin taram to Jerusalem.

Lovoang At Ne Pol Ti Limixin Nunu to Rom 1:6

La nemi bok limixin dom Rom, ne Moroa gara ro xaka vam nimi ri ne Iesu Karisito.

Lovoang At Ne Pol Ti Limixin Nunu to Rom 5:1

Amo nga mumu lunuunu atnedik, Moroa ga lox asepmus pam dik basinge laxakapmek, kuren la nedik di ruuna ka lumulum eburu mi ne Moroa mumu Leeme Silok atdik ne Iesu Karisito.

Lovoang At Ne Pol Ti Limixin Nunu to Rom 5:5

Na lodoxoma voovo xopmen na lox abulu nedik, atla ne Moroa gara soli asu vam labalamu ren ukeneng at lorooro atnedik mi Loroonan Kaala, ni laramtaba at ne Moroa rinedik.

Lovoang At Ne Pol Ti Limixin Nunu to Rom 8:28

Nedik ataklen i do ne Moroa i gugu mi luvukat at levempanga axap, keneng at lorooro atnedi di balamu i, la nedi no neni gara ro xaka vam nedi xerekngan lodoxoma ren kuren.

Lovoang At Ne Pol Ti Limixin Nunu to Rom 8:39

kopla lempanga ro mavana at lavatbung menemen, kopla lempanga ro maxopok teren, la kopmen tinotno tepanga de at luruntudum li at ne Moroa i epovo xusu ri lox epeseves nedik basinge labalamu at ne Moroa, mo ga lox asuusu i rinedik keneng at ne Iesu Karisito, Leeme Silok atdik.

Lovoang At Ne Pol Ti Limixin Nunu to Rom 9:25

I ngan neni ga vaase i ro xeneng at lubuk at ne Osea xeretna, “Limixin di goxo ruuna ka ia, nia anaba tong di do nedi limixin tarak. Lara lubungmixin no nenia a goxo xok di, anaba tong di do nedi at laxat tinotno rak.” Ose 2:23

1 Korin 1:24

Ketla ne Moroa ga soxolik ka leventaba atnedi leme Judaia la leme Grik. Ma vavang mi laasen at ne Karisito, neni i lox asuusu lololos la lakleklen at ne Moroa rinedi.

1 Korin 16:23

Letaba nabalamu at Leeme Silok atdik ne Iesu na nemen eburu minimi.

2 Korin 13:14

Letaba nabalamu at Leeme Silok ne Iesu Karisito la labalamu at ne Moroa la loklok mukmulus at Loroonan Kaala nak lox eburu amisik minemi axap. I ruturun

Galesia 6:18

Luvutnetak mi luvurinuk. Letaba nabalamu at Leeme Silok atnedik ne Iesu Karisito nabak lox eburu axap minemi. I ruturun.

Epesas 1:2

Letaba nabalamu mi lenmila rinemi boro at ne Temen dik la Leeme Silok ne Iesu Karisito.

Epesas 6:23

Moroa ne Temen dik la Leeme Silok ne Iesu Karisito duna raba nemi luvutneton nama mi lenmila, la labalamu eburu mi lunuunu,

Pilipai 1:2

Letaba nabalamu la lenmila rinemi boro at ne Moroa ne Temen nedik la ne Iesu Karisito, Leeme Silok atdik.

Pilipai 4:13

Nenia a epovo xusu ana lok levempanga axap mi lololos mun, ne Karisito im taba ia min.

Pilipai 4:20

Leemi asu amisik ti ne Moroa ne Temen dik la kopmen taxavaxap teren. I ruturun.

Pilipai 4:23

Letaba nabalamu at Leeme Silok ne Iesu Karisito na nemen eburu mi lorooro atnemi. I ruturun.

Kolosi 1:2

Nema’ ma malagan na lovoang tinemi limixin nuunu do Kolosi. Nemi limixin at ne Moroa la mi nuunu ruturun at ne Karisito. Letaba nabalamu la lenmila tinemi boro at ne Moroa ne Temen dik.

Kolosi 3:12

Nemi lavaanat soksoxolik at ne Moroa la neni i balamu nimi. Kuren la, mina siga ka lebelemumu, labalamu, langsangan loklok ngangao, loklox anare la loklox atnaasan.

Kolosi 3:15

Mina ke limila na suxuna lorooro atnimi, mo limila ne Karisito im taba i; mila ne Moroa ga ro xaka nemi kusu mina nemen keneng at limila ngan legesa bantuxu. La amisik mina tong loklox avukat ti ne Moroa.

1 Tesalonia 1:1

Nenia ne Pol. Nema mi ne Sailas la ne Timoti, ma malagan na lovoang tinemi limixin nuunu dom Tesalonia. Nemi limixin at ne Moroa, ne Temen dik la Leeme Silok, ne Iesu Karisito. Letaba nabalamu la lenmila rinemi boro at ne Moroa.

1 Tesalonia 1:3

Mam doma su amisik atnimi at lemeren ne Moroa mumu leven gugu nunuan miga lox i, mila mi nuunu at ne Iesu Karisito, la mi balamu box i. La mi tu lolos mila mim doma voovo ri lovotpot at Leeme Silok, ne Iesu Karisito.

1 Tesalonia 1:4

Luvutnetak mi luvurinuk. Moroa i balamu nimi la ma ven kibis i do gano neni ga soxolik ka nimi xusu mina nuunu ren.

1 Tesalonia 4:7

Moroa ga ro ka nimi xusu mina dadat aleng, kopmen do ri lox abilinga lorooro atnimi.

1 Tesalonia 5:28

Letaba nabalamu rinemi boro at Leeme Silok atdik, ne Iesu Karisito. I ruturun.

2 Tesalonia 1:2

Letaba nabalamu la lenmila boro at ne Moroa ne Temen dik la Leeme Silok, ne Iesu Karisito na nemen eburu minemi.

2 Tesalonia 3:16

A sing Leeme Silok at limila do neni xa na raba nimi mi limila ren at levenaleng axap la at leventaangas axap. Leeme Silok na nemen eburu amisik minemi axap.

2 Tesalonia 3:18

Letaba nabalamu at Leeme Silok atdik ne Iesu Karisito na nemen eburu minemi axap. I ruturun.

1 Timoti 1:2

Nia a malagan na lovoang ti ne Timoti, lamdak tinotno rak maxeneng at legesa nuunu. Letaba nabalamu, lebelemumu, la limila bok tu boro at ne Temen dik la ne Iesu Karisito, Leeme Silok atdik.

1 Timoti 6:2

Lavasaxaruki at luvuttadi nuunu, nemen di guta lox amangan luvuttadi amgomgo, mila nedi vam loxoeton di. Ketla i lox avukat do dina lok lugugu avukat tidi, mila nedi di ru orong mumu lugugu atnedi nom luvuttadi amgomgo atdi. Una lox ase limixin mi na levelinga.

2 Timoti 1:2

A malagan na levelinga ru ne Timoti; nenu lamdak orong tarak. Letaba nabalamu, lebelemumu, la lenmila bok tu boro at ne Moroa ne Temen dik la ne Iesu Karisito, Leeme Silok atdik.

2 Timoti 4:22

Leeme Silok na nemen eburu mi loroonan taram. Letaba nabalamu at ne Moroa na nemen eburu minu. I ruturun.

Taitas 1:4

Nenia a malagan na levelinga ru ne Taitas, nenu u lok ngan ne nuruk tino, mila nenu u nuunu at ne Iesu Karisito xerekngan ia. Letaba nabalamu mi lenmila tu boro at ne Moroa ne Temen dik eburu mi ne Iesu Karisito, Laradi Loklox Arooro atnedik.

Pilimon 1:25

Letaba nabalamu at Leeme Silok ne Iesu Karisito na nemen eburu minemi. I ruturun

Pilimon 1:3

Letaba nabalamu eburu mi lenmila tu boro at ne Moroa ne Temen dik la Leeme Silok, ne Iesu Karisito.

Jems 1:1

Nenia ne Jems, lasaxaruki at ne Moroa la at Leeme Silok ne Iesu Karisito. Nia a malagan na levelinga ri lasangaun mi legepura larabibinat me Judaia di epeseves at na lavatbung menemen axap. Nia a malagan lavapaase momo rinemi.

1 Pita 1:15

La levempanga minak lox i, minak lox i eburu mi lorooro axap atnemi nan manton; atla ne Moroa neni ga ro xaka nemi, neni in manton.

1 Jon 3:1

Labalamu at ne Temen dik i silok aleng, ni gara lok asuusu vam i ridik keretna. Neni ga soxot nedik do luvutnitna ne Moroa. La i ruturun tinotno, nedik luvutnitna ne Moroa. Limixin at na lavatkangka dixokleklen ne Moroa; kuren la nedi xopmen dinaklen bok dik.

2 Jon 1:3

Letaba nabalamu, lebelemumu, la lenmila rinedik boro at ne Temen dik, la ne Iesu Karisito, Nitna ne Moroa; la lorooro atdik naba lox asuusu levelinga ruturun la labalamu.

Lisilimet 2:1

Leeme Silok ga lok bok tia, “Una malagan na levelinga ti laangelo ik lok tatao limixin lotu ro Epesas. ‘Na levelinga boro ap mo lara im tebeng lavanuti larapenti at lekngen tino la neni it pas kantubu at lavanuti levenbabao gol.

Lisilimet 2:12

La Leeme Silok ga lok bok tia, “Una malagan na levelinga ri laangelo ik lok tatao limixin lotu ro Pegamam. ‘Anai levelinga boro ap mo laradi i ruuna lavarise sepsep i anan evan.

Lisilimet 2:18

La Leeme Silok ga lok bok, “Una malagan bok na levelinga ti laangelo ik lok tatao limixin lotu to Taiataira. ‘Anai levelinga boro at ne Nitna ne Moroa, luxatli ren i babao ngan laxao bokbolot, la luxangkedek teren i ngangao ngan loxonuat, laxao i an amemeles i.

Lisilimet 2:29

Do tara i ruuna lubaalung, i lox avukat do neni na ronga levelinga Loroonan at ne Moroa i tong asu i ri limixin lotu.”

Lisilimet 2:8

Leeme Silok ga lok bok tia, “Una malagan na levelinga ri laangelo ik lok tatao limixin lotu to Smena. ‘Anai ni levelinga ap mo lara neni Lurutu Kaxat la Lumumupit, mo ga met ketla gara roo xat amlong pam.

Lisilimet 22:21

Letaba nabalamu at Leeme Silok ne Iesu nak lox eburu mi limixin at ne Moroa. I ruturun.

Lisilimet 3:14

La Leeme Silok ga lok bok tia xeretna, “Una malagan na levelinga ti laangelo ik lok tatao limixin lotu ro Lodisia. ‘Ana levelinga boro at ne Luruturun, ni laradi ruturun i tong asu levelinga at ne Moroa la ni lamgomgo at luruntudum li at ne Moroa.

Lisilimet 3:22

Do lubaalung mo at tara, i lox avukat do neni na ronga na levelinga at Loroonan at ne Moroa i tong asu i ri limixin lotu.”

Lisilimet 3:7

Leeme Silok ga lok bok tia, “Una malagan na levelinga ti laangelo ik lok tatao limixin lotu dik lok ro Piladelpia. ‘Ana levelinga neni boro at laradi i melemelengan la i ruturun. La neni im tebeng lengki at ne Devit, loorong silok me gano; mo lengki i susuang lumusaragu at Linintoo at ne Moroa. Mo lumusaragu neni i susuang i, kopmen tara na epovo xusu na vi pe i, la mo lumusaragu neni i vi pe i, ixo epovo do tara na suang i.