Lovoang At Ne Pol Ti Limixin Nunu to Rom 1:32 - Madak

³² Diklen i do Lenavolo at ne Moroa i tong i do limixin di mumu asu na leventaangas dinaba seeve. Ketla move dik lok na leventaangas la di momo mun midi limixin petpes ua di lok mo langas.

Lovoang At Ne Pol Ti Limixin Nunu to Rom 1:32 Iomraidhean Croise

Sam 50:18

Mi etangas mi luvuttadi xipkip pilo, la mi vemu eburu mi limixin longlongka.

Lagale Lavavang At Ne Iesu Karisito Luk Ga Malagan i 11:48

La kerepmo nemi xa mi lox asuusu i do, nemi xa miga siam ap mo laxakapmek lavalabat atnimi diga lox i; mila diga sev amet lavaeme vapaase alii, la nemi miga lok lara maaut tidi.

Leven Gugu 22:20

La at laaleng diga sev amet laradi vapaase ram ne Stiven, nenia mo aga tu saparap di, la nia aga siam ti mo laniu ren la agak lok tatao levempanga singsiga ap mo limixin diga sev i.’

Leven Gugu 8:1

La ne Sol ga mulus ap mo laniu at ne Stiven. Ap mo mun laaleng luvuttadi nuunu ro Jerusalem diga vaxaru ka i xusu dina suma ka laxasongsongot silok. Luvuttadi nuunu diga epeseves at lengkot axap Judaia la Samaria, ketla luvuttadi vavang diga nemen to Jerusalem.

Lovoang At Ne Pol Ti Limixin Nunu to Rom 1:18

Moroa ira lox axasep pam i ri limixin axap dola neni ixot kis epen mi leveloklok kakapmek at limixin, atla nom loklok kakapmek atnedi i sasar angtang kaka di basinge luruturun at ne Moroa, kuren la ni naba lox asi nom lebelemamao ren ti sev asongot di.

Lovoang At Ne Pol Ti Limixin Nunu to Rom 1:21

Digaklen ne Moroa, ketla digoxo emi asu min kopla digita tong loklox avukat tin. Levendoxoma atnedi ga rebonot axap, la levendoxoma rangtangku atnedi ga umsu mi lubuxumin.

Lovoang At Ne Pol Ti Limixin Nunu to Rom 6:21

Miga ven livipisik sala at laxaloklok nemi migak lox i, la mo ba mira mamangan teren? Livipisik ap mo levempanga, ni lanmet!

Lovoang At Ne Pol Ti Limixin Nunu to Rom 6:23

Luunun at laxapmek, ni lanmet; ketla laramtaba at ne Moroa, ni lorooro avolo keneng at ne Iesu Karisito, Leeme Silok atnedik.

2 Tesalonia 2:12

la kusu dinaba lok kaka lumumuat silok, ni lemenemen songsongot, mila di noxo nuunu at levelinga ruturun teren la dibak lok momo mene mi levempanga kopmen nak mokso.