Lovoang At Ne Pol Ti Limixin Nunu to Rom 1:30 - Madak

³⁰ Di lox asi limixin mi levelinga, di velox angtungun mi ne Moroa, di ekilu, dim simi di la dit las di, la di doma xaka bok leventaangas petpes ti lok laxakapmek, kopmen dina ronga res at luvuttemen di mi luvutnen di.

Lovoang At Ne Pol Ti Limixin Nunu to Rom 1:30 Iomraidhean Croise

Sam 10:3

Laradi xapmek it las i mi levendoxoma xakapmek teren; laradi mokmorong i paase aksaksa ri Leeme Silok la im taba sinta i.

Sam 106:39

La kerepmo bok diga lox abilinga nedi xa; diga ke xepe rinotno levelinga at ne Moroa.

Sam 49:6

Mo limixin kakapmek di nunua i do dinaba ruuna ka lorooro nunuan mumu laxampanga solo atdi la dim simi xaka di at leven apnovos atdi la dik lox aru ka bok di.

Sam 5:5

Nenu uxo tu ebelen tinotno minedi limixin loklox aaso; uxopara rinotno rinedi axap limixin kapmek.

Sam 52:1

Nu laradi silok, tila um simi u at laxapmek taram, la mumu bok mo lempanga xapmek uk lox i ri limixin at ne Moroa?

Sam 81:15

Nedi ua digang long angtungun tia, dinabak milik tiding mi lanmarat to melamgo rak; la mo loklox asongot tinedi naba nemen amisik noxo xap.

Sam 94:4

Mo loklox aaso at luvuttadi dit los polo Lenavolo naba xap ba lingisa la dirak lox aru di mumu leveloklok kakapmek atnedi?

Sam 97:7

Ik lox amangan nedi axap no diplavang ti laxampoovo vanga; laxanmoroa xaxarang axap dit kis tintiding to melamgo at Leeme Silok.

Sam 99:8

O Leeme Silok, nenu ne Moroa atnema, uga lox epovo lodoxoma at limixin taram; uga lox asuusu i ridi do nenu ne Moroa umdoma xepe lengkakapmek, la uga lox asongot nedi mumu levengkakapmek atdi, ketla melemu uga doxoma xepe laxakapmek atnedi.

Metiu 15:4

Levelinga at ne Moroa i lok keretna, ‘Mina lok ngangao at luvuttemen nimi mi luvutnen nimi, la do tara i paase kapmek ti ne temen mi nenen, limixin dina sev amer i.’ Pas 20:12, 21:17

Metiu 16:21

Ga se ap mo laaleng ne Iesu ga ru ka i xusu na tong i ri luvuttadi loklok ka anasa ren do neni na onon uto Jerusalem; la mo go loxongkulao silok, lavamaasa silok la luvuttadi loklox ase at Lenavolo diba lox asongot aleng i la diba sev amer i la at laaleng sepsev avantun neni naba roo xat amlong.

Lagale Lavavang At Ne Iesu Karisito Luk Ga Malagan i 21:16

Luvuttemen nimi, la luvutneton nimi, la lempat atnimi la larapen tangas atnimi diba song araba nimi uto atdi nom limixin di munepen minimi la diba sev amet lentaba atnimi.

Lagale Lavavang At Ne Iesu Karisito Jon Ga Malagan I 7:7

mila limixin at lavatkangka di noxo musak nimi; ketla diba musax ia, mila nia a tong amisix i do loklok atdi i lok kapmek.

Leven Gugu 5:36

Gano ne Tiudas ga vot, ga lok do neni mo i silok aleng; la mo limixin diga mumu asu i ga epovo at lavanuet sangaun kobot (400). Ketla neni ga uu la mo limixin teren diga epeseves la mo lugugu atdi ga met gamasa nga.

Lovoang At Ne Pol Ti Limixin Nunu to Rom 2:17

La kereva nimi? Mi tong i do nemi luvuttadi me Judaia la mi nuunu at Lenavolo, la mit las nimi do mit kis esogo mi ne Moroa;

Lovoang At Ne Pol Ti Limixin Nunu to Rom 2:23

Mit las nimi mi Lenavolo at ne Moroa, ketla mik lox amangan ne Moroa atla mixo mu asu Lenavolo ren.

Lovoang At Ne Pol Ti Limixin Nunu to Rom 3:27

Kereva, i epovo dik taba simi dik mi lorongtonga res at Lenavolo? Kopmen tinotno. Ixo epovo do dik ta simi dik min mila nedik di nuunu.

2 Korin 10:15

La kopmen mana lox aru nema mumu leven gugu at leventaba vetpes. Ketla lavavara atnema do mo lunuunu atnemi na sisilok, la manaba lok bok buaang teven gugu xantubu atnimi.

2 Korin 12:20

A marat do at loxonaleng nia ana vot dom, aba long lenget nemi do mira lok petpes aleng pam ti lodoxoma nia a vara i do mibap tuvuk kuren; la nemi bok miba long lenger i do nenia bok aba lok petpes ti lodoxoma nemi miga vara i do nia aba lok kuren. A marat do aba ven lenget levenedak la levereven peves la levenmukmusak la levenekarakat la lavapaase nemnem la loklox asilok patlak la levempanga xopmen na sixit nunuan keneng at lotu.

2 Tesalonia 2:4

Avot be mo laradi xapmek naba sok tixirixes ne Moroa la levelotu axap; la neni naba tong i do neni i silok aleng la nabat kis to at loogu laplavang at ne Moroa la neni naba lok ti limixin keretna, “Nenia ne Moroa.”

2 Timoti 3:2

Buaang limixin dinaba doxoma xa di, di noxo ruuna bok ba labalamu ri limixin petpes, diba vavara solo lempilas, diba lox asilok axa di, diba emi asu xa midi, diba paase kapmek ti limixin petpes, di noxo ronga res at luvuttemen di mi luvutnen di, di noxo tong avukat ti tara, di noxo lok ngangao at ne Moroa.

Taitas 3:3

Gano nedik limixin ta goxoklen lorooro avukat, ta goxo ronga res at levelinga at ne Moroa la levelinga bok at lavaeme silok. Satan ga xarang dik la tagara puse ri levempanga at na lavatbung menemen; la taga mumu mene nga lavavara atnedik. Lorooro atdik ga umsu mi laxakapmek mi levereven peves at lempanga at limixin petpes; la limixin diga musak dik la ta goxo epen avukat.

Jems 3:5

Na lisitia i lok ngan lagam at laradi; ni loxot lixilik mun at labantuxu ren, ketla lagam i epovo do na tong asu levelinga loklox asilok. Nemi minam doma mumu i na; laxao lixilik i epovo ri an kaka axap laxairing silok.

Jems 4:16

Ketla nemi xa mi xip aurut levenasen atnimi la mi tong asu levelinga loklox asilok. Mo axap leveloklox asilok patlak kerepmo, ni i lok kapmek.

2 Pita 2:18

Dim simi aurut nedi mi levendoxoma rangtangku la levelinga gamasa. La dik lok lengkot mamangan kusu dinang kan kaka nedi dik lok do dinak sixiro basinge limixin di mumu asu langas kapmek.

Lovoang At Ne Jut 1:16

Nedi na limixin di paase xuxurung amisik, la dik sok taba xusuk mun limixin petpes mi laxapmek atdi; di mumu asu mun lavavara xapmek atdi xa, la di lox asilok levenasen atdi; la dik lox atdan limixin petpes kusu dinap kip paxat ka lempanga atnedi.