Lovoang At Ne Pol Ti Limixin Nunu to Rom 1:14 - Madak

¹⁴ Nia a ruuna lugugu silok anaba lox i ri limixin axap, ti leme Grik la tinedi bok limixin petpes, ti limixin akleklen la tinedi bok kopmen takleklen solo atnedi.

Lovoang At Ne Pol Ti Limixin Nunu to Rom 1:14 Iomraidhean Croise

Metiu 11:25

Ap mo laaleng ne Iesu ga lok ti ne Moroa, “Nia a emi asu minu, Tamak; nenu Leeme Silok at laxalibet mi lavatkangka. Nia a emi asu minu mila ugara lox ase vam nedi limixin gamasa mi levelinga mumu Linintoo; la uga lipe i basinge limixin leklen la limixin diga lox ase.

Lagale Lavavang At Ne Iesu Karisito Luk Ga Malagan i 10:21

Ap mo mun loxonaleng Loroonan Kaala ga suxuna ne Iesu mi lomomo, la ni ga lok, “Tamak, nenu Leeme Silok at laxalibet mi lavatbung menemen! A tong avukat tu mila ugara lox ase vam nedi limixin gamasa mi na lempanga; la uga lipe i basinge limixin leklen la limixin dokdoxoma. I ruturun, Tamak. Anai uga lox i mi lodoxoma la lomomo ram.

Leven Gugu 22:21

Moroa ga lok tia, ‘Una vas kaxat basinge na lemenemen; nia aba riki u uto vaxalom tinedi limixin kopmen di me Judaia.”

Leven Gugu 28:2

Limixin mego diga lok tooro avukat nama. Larakabu mo ga vot kaxat la maga mudut aleng tinotno; la diga xip kaka lengkumut la diga mas antos laxao la diga lox avukat tinotno nama.

Leven Gugu 28:4

Limixin ap mo losoxan diga ven mo lisii ga merem to at lekngen ne Pol la diga lok tinedi getgesara xeretna, “Na laradi neni laradi sepsev amet tadi, kuren la ne Moroa noxo lok arooro i, keke i do ni goxo seeve ro at laras.”

Leven Gugu 9:15

Leeme Silok ga lok tin, “Una vot pasa i, mila nia ara soxolik ka vam i xusu ni na mumu asu ia, la ni naba lox axasep laasen tarak tinedi limixin kopmen di me Judaia la ti lavaorong silok la ti limixin me Israel.

Lovoang At Ne Pol Ti Limixin Nunu to Rom 1:22

Diga lok do nedi luvuttadi leklen, ketla xopmen; nedi luvuttadi baulang mene.

Lovoang At Ne Pol Ti Limixin Nunu to Rom 11:25

Luvutnetak mi luvurinuk. Levelinga ruturun mo ik lox alipe, la a vara i do minaklen i. La ni naba rupe levendoxoma atnemi la mina doma i do lakleklen atnimi i volo lentaba vetpes. Mo levelinga i lok keretna; loonon taba aralu at limixin me Israel basinge ne Moroa noxok lox abao, naba se mun do buaang timixin kopmen di me Judaia dina rem gili saparap ne Moroa.

Lovoang At Ne Pol Ti Limixin Nunu to Rom 12:16

Mina nemen eburu mi limixin axap at limila. La nemen gat mita xip aurut axa nemi, ketla mina siam kaka leven gugu ik lok kopok. Nemen gat miguta doma i do lakleklen atnimi i volo aleng.

Lovoang At Ne Pol Ti Limixin Nunu to Rom 13:8

Nemen gat miguta sing kaka tavanga at tara vetpes, kusu miba vorang bok ba i rin, ketla mina lolos kusu mina raba labalamu ri leventaba vetpes. Nege do i balamu leventaba vetpes, na i lox asuusu i do neni ing tonga res at Lenavolo.

Lovoang At Ne Pol Ti Limixin Nunu to Rom 16:19

Limixin axap digara ronga vam lorongtonga res atnimi saparap Lagale Lavavang, kuren la a momo aleng minemi. Ketla a vara i do minaklen leveloklox avukat, la mina ven kepe lavanga i lok kapmek.

Lovoang At Ne Pol Ti Limixin Nunu to Rom 8:12

Kuren la luvutnetak mi luvurinuk, nedik ta ruuna lugugu xusu tanaba lox i xeneng at lorooro atnedik. Ketla kopmen do nedik atap tuvuk gamasa mene nga mi lorooro at labantuxu.

1 Korin 14:11

Ketla mo do nia xopmen anaklen lavapaase lara i vaase asu i, mo laradi i paase na levelinga, naba lok ngan laradi xadiong tia la nenia bok aba lok ngan laradi xadiong tin.

1 Korin 14:16

Do mina emi asu mi ne Moroa mi levempapaase vetpes boro xeneng at loroonan kusuk mun atnimi, la do taradi go xopmen na lotu i nemen eburu minimi ap mo lixitkis buru, la neni ixo xasep at levempanga salai mo mi paase asu i. La ni naba tong i do “I ruturun!” kereva, do mina lox axap lisingising loklox avukat atnimi?

1 Korin 2:13

Na lavavang atnama luvuttadi vavang ma vavang min, kopmen at limixin akleklen at na lavatbung menemen, ketla lavavang atnama boro xa at Loroonan Kaala mo ga anasa nama min. La kerepmo mak soxomus levelinga mumu ne Moroa rinedi di ruuna Loroonan Kaala.

1 Korin 3:18

Nemen gat tara guta xarang axa i. Mo do tara xantubu atnimi i doxoma i do neni mo laradi akleklen ngan limixin at na lavatbung menemen, i epovo do neni na ke xepe mo lakleklen teren la na lok kaka lakleklen tuturun at ne Moroa.

2 Korin 10:12

Maxo lok do mana mii poovo nema ri leventaba la mana ila mumu nema rinedi leventaba di lok do di silok aleng. Ketla di soxovo lorooro atnedi mi leventaba atdi xa, la dira ila mumu nedi ri leventaba atdi xa, nedi xopmen dinaklen tempanga.

2 Korin 11:19

Mi momo rip kip tutu mi mo luvuttadi xaxarang la mo loklok baulang atdi mila mi lok ngan luvuttadi akleklen.

Kolosi 3:11

La ti lususu ba ren keretna, kopmen bok ba leme Grik dina lok petpes ti leme Judaia, leme Judaia la nedi kopmen me Judaia, limixin etaba, limixin at lamain, limixin saksaxaruki la limixin di nemen gamasa mun; legesa Karisito mun ik lok la i suxuna lorooro atnedi axap.

2 Timoti 2:10

Kuren la nia a tu lolos keneng at levesongsongot kusu ri lok tooro mo lavaanat soxolik at ne Moroa la kusu nedi bok dinaba lok kaka loklox arooro at ne Iesu Karisito la ri lox asuusu bok lisisixam avolo ren.

Taitas 3:3

Gano nedik limixin ta goxoklen lorooro avukat, ta goxo ronga res at levelinga at ne Moroa la levelinga bok at lavaeme silok. Satan ga xarang dik la tagara puse ri levempanga at na lavatbung menemen; la taga mumu mene nga lavavara atnedik. Lorooro atdik ga umsu mi laxakapmek mi levereven peves at lempanga at limixin petpes; la limixin diga musak dik la ta goxo epen avukat.