Lovoang At Ne Pol Ti Limixin Nunu to Rom 1:1 - Madak

¹ Nenia ne Pol, lasaxaruki at ne Iesu Karisito, la nia luun pavang, ne Moroa ga soxolik ka ia la ga ro ka ia xusu ana vavang mi Lagale Lavavang teren.

Lovoang At Ne Pol Ti Limixin Nunu to Rom 1:1 Iomraidhean Croise

Lagale Lavavang At Ne Iesu Karisito Mak Ga Malagan I 1:14

At lara laaleng diga ranga alis ne Jon la diga lok li i ro at loogu xokoxo, la melemu ren ne Iesu gamlong uto at lenep Galili la ga tong asu Lagale Lavavang at ne Moroa.

Lagale Lavavang At Ne Iesu Karisito Jon Ga Malagan I 12:26

Do tara i vara i do na lok lugugu rak, neni na lok kaka be loklok tarak, kusu neni ba lok ngan lasaxaruki rak la ba nemen ap mo lenep nenia anak lox e. Ne Tamak naba lox asilox i do neni na lok lugugu rak.”

Lagale Lavavang At Ne Iesu Karisito Jon Ga Malagan I 15:15

Axo tong bok ba nimi do lavasaxaruki, mila lasaxaruki xopmen naklen levempanga, lamgomgo ren ik lox i. Ketla, a tong nimi do larapen tangas tarak, mila agara vaase vam nimi mi levempanga axap ne Tamak ga tong i ria.

Lagale Lavavang At Ne Iesu Karisito Jon Ga Malagan I 15:20

Mina doxoma levelinga nia aga tong i rinimi i lok keretna, kopmen tasaxaruki na silok ti laradi gomgo ren. Do dina lox asongor ia, diba lox asongot bok nimi; do dina ronga res at levelinga rak, diba ronga res bok at levelinga atnimi.

Leven Gugu 13:9

La ne Sol, laasen bok teren ne Pol, ga umsu mi Loroonan Kaala, ni ga saga xatli ap mo laradi sak,

Leven Gugu 20:24

Ketla nia a lok do lorooro rak i lok ngan ta do lavanga gamasa mun tia; nia a vara mun i do ana lox axap lavatpas tarak la ana lox axap lugugu at Leeme Silok ne Iesu ga raba ia min; mo lugugu ri tong asu Lagale Lavavang mumu letaba nabalamu at ne Moroa.

Leven Gugu 21:40

Leeme gomgo ga siam do ni na vaase; kuren la ne Pol ga xatu kaxat to at laata ap mo loogu la ga sep makmak di. Diga lok pilo, la ne Pol ga vaase ridi mi lavapaase Ibru.

Leven Gugu 22:21

Moroa ga lok tia, ‘Una vas kaxat basinge na lemenemen; nia aba riki u uto vaxalom tinedi limixin kopmen di me Judaia.”

Leven Gugu 22:7

Aga subu ukopok ti laxangka la aga ronga laxaka at lara ga sue ia, ‘Sol, Sol. Tila uk lox asongor ia?’

Leven Gugu 26:1

La ne Agripa ga lok ti ne Pol, “I lox avukat do una lok lavapaase ram.” Pol ga sep makmak di, la ga lok keretna,

Leven Gugu 26:14

Nema axap maga subu ukopok at laxangka, la aga ronga laxaka at lara ga vaase Ibru ria, ga lok keretna, “Sol, Sol! Tila uk lox asongor ia? Uk lox asongor axa u xerekngan lodongki i rubut alu mi laxangkedek teren la kerepmo i lok asongor i at loxonuna at laradi loklok tatao ren!’

Leven Gugu 27:23

Nia aklen i na mila at laxanimin laangelo boro at ne Moroa no nenia ateren la a lotu saparav i, i vot pasa ia.

Leven Gugu 9:15

Leeme Silok ga lok tin, “Una vot pasa i, mila nia ara soxolik ka vam i xusu ni na mumu asu ia, la ni naba lox axasep laasen tarak tinedi limixin kopmen di me Judaia la ti lavaorong silok la ti limixin me Israel.

Lovoang At Ne Pol Ti Limixin Nunu to Rom 1:16

Nia xopmen ana lok mamangan ti vavang mi Lagale Lavavang, atla ni lololos at ne Moroa ri lox arooro nedi axap di nuunu, leme Judaia avot la melemu rinedi limixin kopmen me Judaia,

Lovoang At Ne Pol Ti Limixin Nunu to Rom 1:5

Keneng mun at ne Iesu la ti lox aurut laasen teren, Moroa ga raba ia mi letaba nabalamu ren kusu nia ana ru katling i ri lok lugugu ngan laradi vavang at ne Karisito, la ana sasar asu ka limixin boro xamang at limixin kopmen di me Judaia, kusu dinaba nuunu ren la dinang tonga res teren.

Lovoang At Ne Pol Ti Limixin Nunu to Rom 1:9

Moroa nia a gugu rin mi lorooro axap tarak, la nia a vavang mi Lagale Lavavang at ne Nitna, neni iklen i do na levelinga rak i ruturun aleng do nia am doma amisik nimi,

Lovoang At Ne Pol Ti Limixin Nunu to Rom 11:13

Nia a paase nga na rinemi limixin kopmen nemi me Judaia. I ngan ta do nenia laradi vavang ti limixin kopmen di me Judaia la a momo ri lok na lugugu rak.

Lovoang At Ne Pol Ti Limixin Nunu to Rom 15:16

i ngan laradi gugu at ne Iesu Karisito ti gugu ri limixin kopmen nedi me Judaia. A vavang mi Lagale Lavavang boro at ne Moroa ngan lamaasa, kusu ne Moroa naba siam kaka limixin kopmen di me Judaia ngan laramtaba at Loroonan Kaala ga gagas min tin.

Lovoang At Ne Pol Ti Limixin Nunu to Rom 15:29

Do nenia ana vot posiga nemi, aklen tinotno i do anabat pas eburu mi loklox anarong silok tinotno at ne Karisito.

Lovoang At Ne Pol Ti Limixin Nunu to Rom 16:18

Leventaba dik lok mo leveloklok, kopmen dina gugu ri Leeme Silok atnedik, ne Karisito, ketla di gugu mun tinedi xa. Levempapaase atnedi ik lox avukat tinotno eburu mi levendoxoma atnedi; kerepmo dik lox atdan kaka limixin, lunuunu atdi xopmen na lolos, kusu dina sar asoogong di.

Lovoang At Ne Pol Ti Limixin Nunu to Rom 16:25

Ata emi asu mi laasen at ne Moroa. Neni i epovo ri lox aru lolos lunuunu atnemi, mumu Lagale Lavavang nenia a vavang min. Ni Lagale Lavavang at ne Iesu Karisito, mo lavapaase asu at luruturun gak lok lipe at laxanmaares buaang.

1 Korin 1:1

Nenia ne Pol. Nema’ mi ne Sositenes, neni neton dik at laasen at ne Karisito ma vaase momo rinimi. Moroa ga ro ka ia kusu ana paase asu Lagale Lavavang at ne Iesu Karisito ngan laradi vavang teren.

1 Korin 9:1

Kereva, nenia laradi sepmus la nenia laradi vavang at ne Moroa? Kereva, nenia aga ven ne Iesu, Leeme Silok atdik? La kereva, nemi livipisik at lugugu rak ngan laradi vavang at Leeme Silok?

2 Korin 1:1

Nenia ne Pol, laradi vavang at ne Iesu Karisito; Moroa xa ga soxolik ka ia ri mo lugugu; ne Timoti, neton dik i paase aru box ia at na lovoang. Nia a sok na lovoang tinemi limixin mi nuunu at ne Moroa dom Korin, la tinemi bok limixin nuunu mik lok to at lengkot axap at lenep silok Grik.

2 Korin 11:5

Ketla a doma i do nia xopmen ana lixilik tinotno rinedi luvuttadi vavang kaxarang, di lok do di silok aleng.

2 Korin 11:7

Nia goxo ro unun tinimi at levenaleng nia aga vavang mi Lagale Lavavang at ne Moroa rinimi. Aga lox asi ia kantubu atnimi kusu ana lox aurut nimi mi Lagale Lavavang. Kereva, nenia aga lok laxapmek mi na loklok?

2 Korin 12:11

A lok ngan tinotno laradi baulang mumu mo levelinga a tong pam i, ketla nemi xa miga pu soso ia rin. I epovo do nemi mina lox aru ia, mila nia xopmen ana lixilik tino ti nom luvuttadi vavang kaxarang mi lok do di silok aleng, keke i do nenia laradi gamasa mun.

2 Korin 2:12

Gase aga vot to Troas kusu ana vavang mi Lagale Lavavang mumu ne Karisito, aga long lenger i do Leeme Silok ga suang langas tia ri lok lugugu go.

2 Korin 4:5

Nema maxo vavang minama xa, ketla ma vavang asu mi ne Iesu Karisito ngan Leeme Silok; la nema ma lok ngan lavasaxaruki atnimi mumu lugugu at ne Iesu.

Galesia 1:1

Nenia ne Pol, la nenia laradi ga lok ka lorotoro ngan laradi vavang la mo lorotoro goxo ravasu at taradi gamasa, ketla ga ravasu boro at ne Iesu Karisito eburu mi ne Moroa, ne Temen, no ga lox aroo amlong i at lanmet.

Epesas 1:1

Nenia ne Pol, laradi vavang at ne Iesu Karisito; Moroa ga soxolik ka ia ri na lugugu. Nia a malagan na levelinga rinemi limixin nuunu boro Epesas, mi nuunu ruturun keneng at ne Iesu Karisito.

Epesas 1:13

La nemi bok miga ravasu ngan limixin at ne Karisito at loxonaleng miga ronga xisip levelinga ruturun teren, ni Lagale Lavavang i vaase axasep loklox arooro ri limixin. Ap mo loxonaleng miga ru ka lunuunu saparap ne Karisito, Moroa ga lok li nimi ngan limixin teren la ga raba nimi mi loklok katling teren, ni Loroonan Kaala, mo ne Moroa ga paase alii min ti limixin teren.

Epesas 4:11

Neni vam ga raba leventamtaba ri limixin teren. Ni ga soxolik ka lentaba ri gugu ngan luvuttadi vavang la lentaba ri gugu ngan luvuttadi vapaase alii. Lentaba diga lok ka lugugu ngan luvuttadi vapaase asu levelinga at ne Moroa, la lentaba ri gugu ngan luvuttadi loklok tatao lotu la lentaba ti lox ase limixin mi levelinga at ne Moroa.

Pilipai 1:1

Nenia ne Pol. Nema’ mi ne Timoti, luasaxaruki at ne Iesu Karisito. Ma sok na lovoang tinemi limixin at ne Moroa mi nemen keneng at lemenemen silok Pilipai, la ti luvuttadi amgomgo bok at lotu la luvuttadi loklok tooro, mo miga siam kaka ne Iesu Karisito xeneng at lorooro atnimi.

Pilipai 2:11

La nedi axap diba tong asu i dola ne Iesu Karisito neni Leeme Silok la kerepmo dina emi asu mi ne Moroa, ne temen dik.

Kolosi 1:1

Nenia ne Pol, laradi vavang at ne Iesu Karisito, Moroa ga soxolik ka ia xuren, la ne Timoti bok, neton dik.

Kolosi 1:25

La aga lok ka na lugugu ngan lasaxaruki ti limixin at lotu; la ne Moroa axa ga soxolik ka ia rin kusu ana paase asu levelinga at ne Moroa rinimi, la a noxo ke xepe toxot teren.

1 Tesalonia 2:2

Miklen i do maga vavang avot to Pilipai la limixin mego diga lox asongot nama, la diga paase sese kapmek tinama. Melemu magat pas uto at lemenemen atnimi dom Tesalonia, la buaang atnedi diga xopara nama; ketla ne Moroa ga lok kepe lanmarat basinge nama; la maga tong asu Lagale Lavavang tinimi.

1 Tesalonia 2:8

La maga lolos aleng kusu mana tong asu Lagale Lavavang tinimi la magap kip levenmumuat. Kerepmo maga balamu nimi.

1 Tesalonia 2:9

Luvutnetak mi luvurinuk. Mina doma bilong ti mo lugugu lolos atnama. Maga tong asu Lagale Lavavang at ne Moroa rinimi, la maga gugu at lengkangking la at lengkanimin, maga gugu pilas kusu nemi mi noxo kepe tevempilas atnimi xusu ri lok tooro nama.

1 Timoti 1:1

Nenia ne Pol, laradi vavang at ne Iesu Karisito, mo nedik ta doxoma voovo rin. Nedu mi ne Moroa, Laradi Loklox Arooro atdik, duga soxolik ka ia ri na lugugu.

1 Timoti 2:7

La nai lavasuun teren la ni ga sak tiki ia ngan laradi vavang la laradi loklox ase ti limixin kopmen me Judaia, kusu ri tong asu levelinga ruturun at lunuunu ridi. Nia xopmen ana xaxarang, nia a tong asu levelinga ruturun.

2 Timoti 1:11

Ne Moroa gara soxolik ka vam ia ngan luun pavang la laradi loklox ase ri paase asu Lagale Lavavang.

Taitas 1:1

Nenia ne Pol, lasaxaruki at ne Moroa la nenia laradi vavang at ne Iesu Karisito. Nenia a gugu rik lox alolos lunuunu at lavaanat soxolik at ne Moroa. Nia a vanasa nom limixin mi levelinga ruturun at ne Moroa xusu lorooro atdi nak mokso aleng,

Ibru 5:4

Kopmen na epovo do tara na lok ka mo lugugu mi lavavara mun teren, ketla ne Moroa xa naba soxolik ka i ngan neni ga soxolik ka ne Aron.

Ibru 7:26

Lamaasa gomgo xerepmo i lox epovo lavakpakes atdik; luruptuvuk teren i nunuan axap, neni xopmen goxo ronga xepe levelinga at ne Moroa, goxopmen taxakapmek gak lok teren. Ap mo levenaleng neni ga nemen de at na lavatbung menemen neni goxo vubeles ti laxakapmek eburu mi limixin kapmek; la melemu ne Moroa ga lox asilox i ro vana at laxalibet.

Jems 1:1

Nenia ne Jems, lasaxaruki at ne Moroa la at Leeme Silok ne Iesu Karisito. Nia a malagan na levelinga ri lasangaun mi legepura larabibinat me Judaia di epeseves at na lavatbung menemen axap. Nia a malagan lavapaase momo rinemi.

1 Pita 4:17

Laaleng ira auret pam ti laaleng ete na ru kaxat, la ne Moroa naba viila mumu avot be loklok at limixin tinotno ren. Do na ru kaxat avot minedik, naba lok kapmek tinotno rinedi, dixo ronga res at Lagale Lavavang at ne Moroa.

2 Pita 1:1

Nenia ne Simon Pita, lasaxaruki la luun pavang at ne Iesu Karisito. La a malagan i na levelinga rinemi limixin miga ruuna xaka lunuunu xeneng at lomokmokso at ne Moroa atnedik, neni Laradi Loklox Arooro ne Iesu Karisito; la mo lunuunu i lox avukat ngan lunuunu atnama.

Lovoang At Ne Jut 1:1

Nenia ne Jut, lasaxaruki at ne Iesu Karisito, la neton ne Jems. Nia a malagan na lovoang tinemi limixin, mo ne Moroa gara ro xaka vam nimi do tin, la mi rooro xeneng at labalamu at ne Moroa ne Temen dik, la mik lok keneng at loklok tatao at ne Iesu Karisito.

Lisilimet 1:1

Ana lovoang, ni lisilimet boro at ne Iesu Karisito, ne Moroa ga raba i min, kusu na lox ase lavasaxaruki ren mi lempanga salai mo naba vot soso mun. La ne Iesu ga riki laangelo ren kusu na vaase axasev i ri ne Jon, lasaxaruki ren,

Lisilimet 22:6

La laangelo ga lok tia, “Na levelinga i ruturun amet la i epovo do limixin dina nuunu ren. La Leeme Silok, ne Moroa im taba Loroonan Kaala ren ti lavaeme vapaase alii ren la ni ga riki laangelo ren kusu na lox ase lavasaxaruki ren mi lempanga salai naba vot soso.”

Lisilimet 22:9

Ketla neni ga lok tia, “Nemen uta lotu parav ia. Nenia mun lasaxaruki at ne Moroa kerekngan u la luvutnetam, nedi lavaeme vapaase alii la nedi bok ding tonga res at levelinga at na lubuk. Una lotu parap kusuk ne Moroa.”