Pilipai 4:9 - Madak

⁹ Mina lok mo levempanga nia aga lox ase vam nimi min la miga lok ka box i rak, at levempapaase la at loklok la at lugugu bok tarak. La ne Moroa nom im taba dik mi lenmila naba nemen eburu minimi.

Pilipai 4:9 Iomraidhean Croise

Metiu 1:23

‘Tatkin maxat naba balan madak la naba visik tamdak temes la limixin diba so asen i mi ne Emanuel.’ Ais 7:14 Lavasuun teren do, ‘Moroa eburu midik.’

Metiu 28:20

La mina lox ase di xusu dinang tonga res at levelinga axap nenia agara tong pam i rinimi. La nenia anabak lox eburu amisik minemi naba se at laxavaxap at na lavatbung menemen.”

Metiu 7:21

La ne Iesu ga lok bok tidi, “Limixin diba tong ia do Leeme Silok, Leeme Silok; ketla kopmen nedi axap diba beles at Linintoo no vana at laxalibet; nedi xusuk mun di mumu asu lavavara at ne Tamak, diba vubeles teren.

Lagale Lavavang At Ne Iesu Karisito Luk Ga Malagan i 6:46

La ne Iesu ga tong bok lavapaase poovo ridi xeretna, “Tila mi tong ia do, ‘Leeme Silok, Leeme Silok,’ ketla kopmen mina mumu asu levelinga rak?

Lagale Lavavang At Ne Iesu Karisito Luk Ga Malagan i 8:21

Ketla ne Iesu ga lok tidi axap keretna, “Nedi mun ding tonga levelinga at ne Moroa la di mumu asu i, nedi mun luvutnaga mi luvutnetak.”

Lagale Lavavang At Ne Iesu Karisito Jon Ga Malagan I 13:17

Do mina xasep at na levelinga, la mina lox epovo i, Moroa naba lox anarong nimi.”

Lagale Lavavang At Ne Iesu Karisito Jon Ga Malagan I 15:14

Do mina lok levempanga nia aga tong i rinimi, nemi larapen tangas tarak.

Lagale Lavavang At Ne Iesu Karisito Jon Ga Malagan I 2:5

Nenen ne Iesu ga lok ti mo luvuttadi gugu, “Mina mumu asu levempanga salai do neni na tong i rinimi.”

Leven Gugu 9:6

Ketla una xatu la unat pas uto at lemenemen silok la mo go tara ba tong tempanga salai nenu uba lox i.”

Lovoang At Ne Pol Ti Limixin Nunu to Rom 15:33

A vara i do ne Moroa at limila nak lox eburu minemi axap. I ruturun.

Lovoang At Ne Pol Ti Limixin Nunu to Rom 16:20

La ne Moroa laradi at lenmila, mo ma lixilik na but povorok ne Satan to maxopok at lengkangkedek atnimi. Letaba nabalamu at Leeme Silok atdik ne Iesu nak lox eburu minemi.

1 Korin 10:31

I lox avukat mene, ketla levempanga salai do mi lox i, mina anan kopla mina inin, mina lox i xusu ri lox asu lisisixam at ne Moroa.

1 Korin 14:33

la kerepmo lotu atnimi nabak sixit nunuan. Mina lox i xuren mila ne Moroa ga xup kaka dik kopmen do rik lox angtang gamasa, ketla ni ga xup kaka dik kusu lotu atdik nabak sixit nunuan, atla neni ne Moroa at limila. To at laraugu lotu at limixin at ne Moroa,

1 Korin 4:16

Kuren la a sing lolos nemi do mina mumu asu loklok tarak.

2 Korin 13:11

Atnimi bok be luvutnetak mi luvurinuk. Mina lolos ti ruuna ka luruptuvuk i nunuan aleng mene nga la mina ronga res at lisingising tarak tinimi, la levendoxoma atnimi na ngan legesara mun; la mina nemen keneng at limila. La ne Moroa ni lavasuun at labalamu la limila, neni naba nemen eburu minimi.

Pilipai 3:17

Luvutnetak mi luvurinuk. Nemi axap mina mumu asu lampoovo rak, la mina ven mumu nedi di mumu asu mo levelinga nema maga lox ase nimi min.

Pilipai 4:7

La lenmila at ne Moroa i volo lakleklen at luvuttadi, mo lenmila naba xubak pe lorooro axap atnimi xusu mina tu atmatkun keneng at ne Iesu Karisito.

1 Tesalonia 1:6

Miga siam kaka Lagale Lavavang mi lomomo. La limixin diga lox asongot nimi, ketla nemi move miga umsu mi lomomo, mo Loroonan Kaala ga raba nimi min, la kerepmo miga mumu asu loklok at Leeme Silok la atnema bok.

1 Tesalonia 2:14

Luvutnetak mi luvurinuk. Lorooro atnemi ga vee ngan lorooro at limixin nuunu at ne Moroa to Judaia, mo di nuunu at ne Iesu Karisito; nedi digap kip levesongsongot mumu lunuunu atdi, mila limixin me Judaia axa diga lox asongot di; la kerepmo nemi bok migap kip levesongsongot, mila limixin mi legesa vapaase atnimi axa diga lox asongot nimi.

1 Tesalonia 5:23

A sing ne Moroa i umsu mi limila, do neni na lox adadat lorooro atnimi la neni na lox alolos lodoxoma eburu mi lorooro la labantuxu atnimi, kusu minaba nemen mokmokso at lemeren ne Moroa ap mo laaleng Leeme Silok, ne Iesu Karisito nabamlong teren.

2 Tesalonia 3:4

La nema ma nuunu bok do Leeme Silok i lok tooro ruturun nimi la na mi mumu asu levelinga atnama la melemu bok minaba mumu asu i.

2 Timoti 4:22

Leeme Silok na nemen eburu mi loroonan taram. Letaba nabalamu at ne Moroa na nemen eburu minu. I ruturun.

Jems 1:22

Nemen mita lok ngan luvuttadi rongtonga xape mun di ronga levelinga at ne Moroa, la kopmen dina mumu asu i.

2 Pita 1:10

Kuren la luvutnetak mi luvurinuk, mina lolos kusu mina doma amuat lorotoro la losoksoxolik at ne Moroa rinemi; la do mina lox i na, kopmen tinotno mi noxo subu basinge lunuunu atnemi.

1 Jon 3:22

la i epovo do ata sue ne Moroa ri lempanga ta vara rin. La neni naba raba dik min mila nedik ta mumu asu levelinga ren la tak lok lempanga ik lox amomo i.