Pilipai 4:5 - Madak

⁵ Mina lox ase limixin axap mi loklok mulus mo i umsu at lorooro atnimi. Noxo lox abao la Leeme Silok naba vot.

Pilipai 4:5 Iomraidhean Croise

Metiu 6:25

Kuren la a tong i rinimi do nemen gat mita bulu mu lempanga anan mi lengkadan mik pakes tin, kopla lempanga singsiga kusu ri labantuxu atnimi. Kereva, lempanga anan i silok ti lorooro la lempanga singsiga i silok ti labantuxu?

Metiu 6:34

Kuren la nemen mita bulu mu mo lempanga ba ravasu at mo laaleng kantamak, mila levenainbulu mo bak lok ti laaleng kantamak. La levenainbulu at leges aleng i epovo ri mo laaleng.”

Lagale Lavavang At Ne Iesu Karisito Luk Ga Malagan i 21:34

La ne Iesu ga lok keretna, “Mina lok tatao avukat nimi! Nemen mita esum solo mi loklok lara peluxa la liinin lara kadan lolos, la nemen mita bulu mu na lorooro; lavanga nom laaleng na vot asangu nimi.

1 Korin 16:22

Do nege xopmen na balamu Leeme Silok atdik, lasaxaek naba nemen teren. Leeme Silok atnema, unamlong.

1 Korin 6:7

Anai leven ekarakat kantubu atnimi limixin nuunu mik lok ka i uto at lavapaase, i lox asuusu i do nemi mira subu vam at lunuunu atnimi. Kuren la nemen mita vosiga laradi maxamang at lotu ri lox amokso lumumuat mo do limixin dina vaxaxip nemi mi laxakapmek. La nemen mita vosiga laradi maxamang at lotu ti lox amokso tumumuat mo do teventaba vetpes dina xip pilo ka levempanga atnimi.

1 Korin 8:13

Kuren la, do mo leveluxa nia a anan i, i lox asubu lunuunu at tara, nia a noxo epovo bok ba ri anan teveluxa xerepmo, kusu nia noxo lox asubu bok ba taradi ri laxakapmek.

1 Korin 9:25

Do limixin di nemen keneng at lekampoovo, di mumu asu leventaangas linga axap; di mu asu i xusu diba lok ka lavatbungorong kopmen na nemen amisik; ketla nema ma mumu asu leventaangas kusu manaba lok kaka lavatbungorong, i ngan luunun naba nemen amisik.

2 Korin 10:1

Nenia ne Pol; a sing nimi, mi mo loklok mumulus la loklox atnaasan at ne Iesu Karisito. Do nia a nemen eburu minimi, mi lok do nenia ne Pol ak lok mumulus mene; ket do a nemen paxalom basinge nimi, mi lok do nia a paase lolos tinimi.

2 Tesalonia 2:2

do nemen mita lok bukbulu soso kopla mita rakdu at levelinga leventaba di tong i do mo laaleng at lovotpot at Leeme Silok ga rupot pam. Leventaba diga xarang nimi do na levelinga ni lavapaase alii boro atnama kopla maga lox aonon i saparap nimi ro xeneng at lovoang maga malagan i rinimi.

Taitas 3:2

la di noxo paase xapmek mumu tara; ketla limila na nemen at lebelen di; dina balamu limixin; la dina lok ngangao ruturun at limixin axap, limixin nuunu la limixin bok maxamang at lotu.

Ibru 10:25

Nemen mita ke xepe mo leveloklok tit pot buru, kerekngan leventaba atnimi dira ke xepe vam i. Ketla nemi xa mina epang aru xusu lunuunu atnimi naba lolos; la mina lox amisix i na, mila laaleng ete i auret na vot.

Ibru 10:37

Kopmen noxo lox abao la Lanarong nabamlong kerekngan ne Moroa ga tong i xeretna, “Mo lara diga tong i do naba vot, neni naba vot tuturun, neni noxok lok sila.

1 Pita 1:11

Diga puse i xusu dinaklen kaka rinotno loxonaleng at lovotpot at ne Karisito la naba vot kereva. La digam doma vupuse do Loroonan at ne Karisito no gak lok keneng atnedi, ga paase alii mi levesongsongot ne Karisito naba ekip tangarang min la neni naba ru pavaa mo levesongsongot, la melemu ren neni naba lok kaka langsangan lisisixam.

1 Pita 4:7

Laxavaxap at levempanga axap, mo nga i auret. Kuren la levendoxoma atnemi na xasep nunuan la mina lok tatao avukat levempatpas atnemi, kusu miba epovo na lok levesingising.

Lisilimet 22:20

La neni mo i paase aru i na, i lok keretna, “I ruturun aleng; nenia mo anaba vot soso nga.” I ruturun. Ude u, Leeme Silok ne Iesu!

Lisilimet 22:7

Iesu ga lok keretna, “Mina ronga i na, anaba vot soso mun. Luvukat tinedi di mumu asu levempapaase alii at na lubuk.”