Pilipai 4:1 - Madak

¹ Luvutnetak mi luvurinuk. Mi ronga vam na levelinga rak; kuren la mina tu atmatkun at lorooro atnimi keneng at Leeme Silok. Larapen tangas orong tarak. A balamu aleng nimi la a sosoro aleng ti tong asuusu nimi ri limixin mila labalak i lok momo aleng mumu nimi.

Pilipai 4:1 Iomraidhean Croise

Sam 125:1

Nedi di nuunu saga at Leeme Silok, di lok ngan Lakaana Saion ua ixo epovo do tara nakma asubu i, ketla naba tu atmatkun lexen tino.

Sam 27:14

Kuren la minam doma ngangais ti Leeme Silok, la mina lolos, nemen gat mita doma abulubun kepe i, mina nuunu saga at Leeme Silok.

Metiu 10:22

Limixin axap diba belemamao nimi mila mi mumu asu ia. Ketla lara do i tu lolos keneng at levesongsongot ise at laxavaxap ap mo levenaleng, ne Moroa naba lox arooro i.

Lagale Lavavang At Ne Iesu Karisito Jon Ga Malagan I 8:31

Kuren la ne Iesu ga lok ti leme Judaia mo diga nuunu vam teren, “Dola minam tebeng levenanasa rak, ba ruturun do nemi luvuttadi loklok ka anasa rak.

Leven Gugu 11:23

Ni ga rupot la ni ga ven i do ne Moroa ga lox aumsu mo limixin mi letaba nabalamu ren. Ni ga lok momo la ga vaase lolos tinedi axap kusu dina tu lolos mi lunuunu la luruturun atnedi saparap Leeme Silok mi lodoxoma atdi axap.

Leven Gugu 14:22

Duga lox alolos lunuunu at luvuttadi nuunu, la duga vaase alolos di xusu dina tu tuxuruxun at lunuunu atnedi. Duga lok, “Nedik ataba ekip tangarang mi laxanmumuat solo, la kerepmo ataba beles at Linintoo at ne Moroa.”

Leven Gugu 2:42

Diga tupot eburu amisik mi luvuttadi vavang kusu rik lok ka levenanasa at ne Moroa; digak lok levengkitkis buru la levenanan buru la levesingising atdi.

Lovoang At Ne Pol Ti Limixin Nunu to Rom 2:7

Leventaba at limixin dik lox amisik leveloklok i nunuan, kerepmo di puse ri lisisixam mi loklok ngangao la lorooro nunuan; ne Moroa naba raba di mi lorooro avolo.

1 Korin 15:58

Kuren la luvutnetak mi luvurinuk orong, mina tu lolos at levelinga at ne Moroa la nemen tara ta sar asoogong ka nimi basinge luruturun teren. Minak lox angtang amisik at leven gugu atnimi ri Leeme Silok, atla mikleklen i do leven gugu atnimi ri Leeme Silok, ni noxo lok ngan lavanga gamasa.

1 Korin 16:13

Mina lok tatao avukat amisik lorooro atnimi. Mina tu tuxuruxun at lunuunu atnimi la nemen mita marat.

2 Korin 1:14

nemi mi goxo xasep nunuan teren; kuren la nemi minaba lok momo aleng mumu nama kerekngan nema maba lok momo mumu nimi ap mo laaleng Leeme Silok ne Iesu namlong teren.

Galesia 5:1

Nedik di sepmus tinotno, mila ne Karisito gara lox asepmus pam nedik basinge leveloklok la leventaangas at Lenavolo. Kuren la mina tu lolos at lunuunu atnimi, la mi guta ke xepe bok ba lorooro atnemi la nak lok ngan manga lavaanat saxaruki at Lenavolo.

Pilipai 1:27

Nemen mita doxoma solo ri lavanga salai mo naba vot saparav ia, ketla luruptuvuk atnemi na epovo mi Lagale Lavavang at ne Karisito. Kuren la do nia ana vot pasa bok nimi kopla a noxo vot, aba ronga ba i do mi tu lolos mi legese belen la legesedoxoma, la mit kis eburu ngan legesara kusu mina esep lolos ti lunuunu mumu Lagale Lavavang.

Pilipai 1:8

La ne Moroa aklen i do nom nabalamu rak saparap nimi, i laa at labalamu at ne Iesu Karisito.

Pilipai 2:16

Mina nemen avukat at levenaleng mi tong asu levelinga at lorooro rinedi. Dola mina lox i kuren, nenia bok anaba xip aurut nimi at laaleng ete at ne Karisito, mo naba lox asuusu i do lugugu rak la lololos tarak goxo xap gamasa at lugugu ren.

Pilipai 2:26

Neni i vara aleng i do na ven nemi axap ketla i lok bukbulu atla miga ronga i do neni ga meres.

Kolosi 4:12

Lavapaase momo rinimi boro at ne Epapras, lara at libinam tadi atnemi; neni lasaxaruki at ne Iesu Karisito. Neni i ngising lolos amisik tinemi, i ngising amisik ne Moroa ri lox alolos nemi kusu miba tu tuxuruxun keneng at lunuunu atnemi kerekngan limixin mukun la miba xasep aleng at lodoxoma at ne Moroa.

1 Tesalonia 3:13

La kerepmo neni na lox alolos lorooro atnimi xusu lorooro atnimi nak mokso aleng at lemeren ne Moroa ne Temen dik, ap mo laaleng ne Iesu, Leeme Silok atdik nabamlong eburu mi limixin dadat teren.

2 Tesalonia 2:15

Kuren la luvutnetak mi luvurinuk, mina tu lolos la minam tebeng lolos mo levenanasa maga lox ase vam nimi min. Maga tong asu i nom tinimi gano la maga lox aonon bok mo levelinga at levempoang.

2 Timoti 2:1

Timoti, nenu lamdak tarak. Nia a tong i na ru do una lolos at letaba nabalamu nedik tan tuuna ka i at ne Iesu Karisito.

Ibru 10:23

Minam tebeng lolos lunuunu atnimi ri mo leveloklox anarong mo naba vot mila ne Moroa naba lox asorun levempapaase alii ren.

Ibru 3:14

Nedik tabat kis esogo mi ne Karisito do nedik tam tebeng lolos lunuunu se at laxavaxap at lorooro atdik, kerekngan nedik taga nuunu ruturun ap mo levenaleng taga lok kaka lunuunu maxat.

Ibru 4:14

Nedik di ruuna Lamaasa Avolo, neni ga urut pam uto vana at laxalibet, la mo nga it kis at lekngen tino at ne Temen. Neni ne Iesu, Nitna ne Moroa. Kuren la nedik atam tebeng lolos mo lunuunu atnedik tagara ruuna ka vam i.

2 Pita 3:17

Larapen tangas orong tarak, miraklen pam i do lavaeme loklox ase xaxarang mo naba vot. Kuren la mina lok tatao avukat nimi, kusu mi noxo mu asu laxapmek at limixin dixo mumu asu levelinga at ne Moroa la mina subu bilong basinge lengkot avukat nemi mi tu ren.