Pilipai 1:21 - Madak

²¹ Lavanga salai lorooro? Tia ne Karisito mun. Do nia ana met, naba lox avukat aleng.

Pilipai 1:21 Iomraidhean Croise

1 Korin 1:30

Ketla ne Moroa gara lok ka vam nimi ri lixitkis etangas eburu mi ne Iesu Karisito la ne Moroa ga lok katling pam ne Karisito ngan laxasep tidik; keneng mun at ne Iesu Karisito, ne Moroa ga vaxaxis buru dik min, la ga lok dik ngan limixin dadat teren, la gara lox asepmus nedik basinge laxakapmek atdik.

1 Korin 3:22

Pol mi ne Apolos la ne Pita; la lempanga at na lavatbung menemen, la lorooro, la lanmet, la mo lempanga ik lok ningina la mo lempanga axap naba ravasu melemu; na axap ne Moroa ga lok li i xusu ri lok tooro nimi.

2 Korin 5:1

Dik atakleklen i do lorooro atdik at na labantuxu noxo nemen abao, ba lok ngan mun loogu xukuxut. Mo do ira rem utut pam, nedik di ruuna lara loogu ro vana at laxalibet ne Moroa ga gagas li vam i ridik la naba tu amisik. Mo loogu limixin di goxo lok i mi levengkikngen di.

2 Korin 5:6

Kuren la amisik nedik di abelemes. Atakleklen i do nedik nave dik lok at na lorooro at na labantuxu, di nemen to vetpes basinge Leeme Silok.

2 Korin 5:8

Nedik di abelemes la ta vavara aleng i do ata on basinge na lorooro at na labantuxu la atana lok ka lorooro avolo ro at lemenemen aulis atdik eburu mi Leeme Silok.

Galesia 2:20

I lok ngan ta do diga vaxarem ia eburu mi ne Karisito ro at laxaba; la kopmen nenia xa na a rooro, ketla ne Karisito axa na i rooro xeneng tarak. La lorooro nenia ak lok keneng teren, ni lorooro mi lunuunu keneng at ne Nitna ne Moroa, la neni ga balamu ia la ga raba lorooro ren kusu na uu nop loklok tarak.

Galesia 6:14

Ketla nenia anaba lolos kusuk mun ti paase aurut laxaba at Leeme Silok atdik ne Iesu Karisito; mumu mun mo laxaba ren, levendoxoma momo rak ti loklok at na lavatbung menemen ga met axa gano, la levempanga bok gak lox angtang ia at na lavatbung menemen ga met axa gano.

Pilipai 1:20

Lavavara axap at labalak do nenia a noxo subu basinge lugugu rak la ana lok mamangan, ketla at levenaleng axap nia anoxo marat tangarang kaka teta xusu limixin dinaba ven kisip ne Karisito keneng at lorooro rak do nenia move ana rooro xopla at loxonaleng do nenia ara met pam.

Pilipai 1:22

Dola lorooro rak nak lox abao, nenia ba lok tevengugu nunuan. Kerepmo la nia axoklen i dola ua langas nenia aba soxolik ka i.

Pilipai 1:23

Lodoxoma rak i ekarakat ti legepu nep. A vara aleng i do ana on basinge na lorooro la ana nemen buru mi ne Karisito, no mi lox avukat tinotno.

Pilipai 2:21

Buaang limixin dik lox angtang axa mi levempanga atdi, ketla kopmen dinam doma solo lugugu at ne Iesu Karisito.

Kolosi 3:4

Karisito, ni lavasuun at lorooro ruturun atnemi, la do neni naba ru asuvos, kerepmo nemi bok miba ru asuvos eburu min la minaba ruuna ka lagale lisisinang teren.

Lisilimet 14:13

La aga ronga levelinga ga si boro vana at laxalibet ga lok tia, “Una malagan i na. Luvukat tinedi dinaba met mi lunuunu atdi keneng at Leeme Silok ne Iesu, i ru ka nga i mo.” La Loroonan Kaala ga lok bok keretna, “I ruturun aleng. Diba ruuna loklox amas basinge levenmumuat la levesongsongot atdi, mila diba ruuna ka luunun avukat at lorooro melemu ti mo leveloklok nunuan digara lok pam i.”