Pilipai 1:13 - Madak

¹³ Kuren la mo luvuttadi esep at loorong silok eburu mi luvuttadi di nemen de, diklen i do nia ak lok at loxokoxo mila nenia lasaxaruki at ne Karisito.

Pilipai 1:13 Iomraidhean Croise

Leven Gugu 26:29

Pol ga lok, “At na loxonaleng kopla loxonaleng melemu, lisingising tarak ti ne Moroa do nenu la nedi axap nom ding tonga ia mo lingina, diba nuunu at ne Iesu xerekngan ia, ketla di noxo nemen at loxokoxo ngan ia.”

Leven Gugu 26:31

La diga vas su la diga lok tinedi getgesara xeretna, “Na laradi ixo lok kapmek tepanga xusu ni naba met nov i xopla na nemen at loxokoxo.”

Leven Gugu 28:17

Melemu at lavantun aleng Pol ga xup bubua ka luvuttadi amgomgo at leme Judaia. Diga rupot buru, la ne Pol ga lok tinedi, “Luvutnetak! A goxo lok tepanga xapmek mumu limixin atdik kopla leretere at lavalabat atdik. Ketla diga lok li ia at loxokoxo ro Jerusalem la diga song araba ia uto at limixin me Rom.

Leven Gugu 28:20

Kuren la aga sing kusu ana ven nimi la ana epaase eburu minimi; nia a nemen at loxokoxo mila a nuunu at Lanarong, mo nedik limixin me Judaia ta nemen tangais i.”

Leven Gugu 28:30

Ga legepu maares Pol ga nemen mo go ap mo loogu neni ga unun amisix i, la gak lok momo aleng tinedi digat posiga i.

Epesas 3:1

Nenia ne Pol, a ruuna mo lugugu ti lox axis nemi, limixin kopmen nemi me Judaia eburu mi ne Iesu Karisito, la ni lavasuun bok teren la nenia ak lok de at loxokoxo.

Epesas 4:1

Nenia ak lok at loxokoxo mumu lugugu at Leeme Silok. Kuren la nia a sing nimi do lorooro atnimi naba lok nunuan axap, i epovo mi lorotoro at ne Moroa tinimi la i epovo mi lavavara at ne Moroa.

Epesas 6:20

Ni lavasuun teren la nenia, laradi xipkip levelinga at ne Moroa, ak lok de at loxokoxo. Mina ngising bok do nenia noxo marat ti tong asu Lagale Lavavang kerekngan ne Moroa i vara i.

Pilipai 1:30

Nedik ta nemen ap mo leesep. Nom mun leesep miga reven ia aga esep teren migomgo, la miga ronga i do nia move a vesep tin at lorooro rak.

Pilipai 1:7

Am doma su amisik atnimi mi lomomo. La at lusumsuma rak ik mokso do ana doma mumu nemi. Nemi miga gugu eburu minia ap mo lugugu ne Moroa ga raba ia min la ni ga raba nimi mi lolos kusu minap kiv i, i se nga na nenia ak lok at loxokoxo, la ap mo bok levenaleng nenia agat pas tangtagap kusu ana lox asuusu i do Lagale Lavavang i return, la kusu ana lok limixin nuunu kusu dina ru lolos teen.

Pilipai 4:22

Nedi axap limixin at ne Moroa nade, di lox aonon lavapaase momo rinemi. Nedi rinotno limixin gugu at loogu at ne Kaisar di lox aonon lavapaase momo rinimi. I ruturun.

2 Timoti 2:9

La nenia a ekip tangarang mi levesongsongot atla nia a vavang mi Lagale Lavavang, la di xoxo alis ia ngan laradi xapmek mi lavaroos; ketla levelinga at ne Moroa xopmen na nemen at lavaroos.