Pilipai 1:10 - Madak

¹⁰ kusu miba epovo do mina soxolik ka lempanga sala i nunuan la kerepmo lorooro axap atnimi naba dadat, la kopmen teveloklok kakapmek noxo nemen teren se at laaleng ete at ne Karisito;

Pilipai 1:10 Iomraidhean Croise

Metiu 16:23

Iesu ga rem gili ri ne Pita la ga lok tin, “Uto u basinge ia. Nenu u lok ngan ne Satan. U vara i do una lok pe ia. U xopara na mu asu lavavara at ne Moroa, ketla u vara mun levendoxoma at limixin.”

Metiu 26:33

La ne Pita ga lok tin, “Keke i do nedi axap dina subu basinge u, nenia xopmen tinotno noxo subu.”

Lagale Lavavang At Ne Iesu Karisito Jon Ga Malagan I 1:47

At loxonaleng ne Iesu ga ven ne Natanael ga vas auret, la ni ga vaase mumu i xeretna, “Neni laradi ruturun boro Israel; kopmen tempanga xaxarang nak lok at lorooro ren.”

Lagale Lavavang At Ne Iesu Karisito Jon Ga Malagan I 3:20

Do nege i lok lempanga i lok kapmek, neni i xopara aleng tinotno laxasep la ni noxot pas uto at laxasep, mila neni ixo vara i do mo laxapmek teren na nemen at lasaxaven.

Leven Gugu 24:16

Kuren la a lolos amisik ti ke laxakapmek la ana nemen mokmokso at lemeren ne Moroa la limixin.

Lovoang At Ne Pol Ti Limixin Nunu to Rom 12:2

Nemen gat mita reven seo at laxaloklok at na lavatbung menemen, ketla mina ke ne Moroa na lox ekun levendoxoma atnemi mi lodoxoma ren kusu miba ravasu ngan luvuttadi maxat at levempanga mik lox i, la minaba epovo ba xusu mina long lenget ka lodoxoma at ne Moroa ri levempanga i lox avukat la ik lox amomo i la ik mokso.

Lovoang At Ne Pol Ti Limixin Nunu to Rom 12:9

Nemen gat miguta voovo mene i do mi ruuna labalamu, ketla mina balamu rinotno limixin axap. La mina sok tixirixes kepe leveloklok kapmek, la minam tebeng alolos at leveloklok avukat.

Lovoang At Ne Pol Ti Limixin Nunu to Rom 16:17

Luvutnetak mi luvurinuk, mo nga a sing nemi; minak lok tatao nemi basinge luvuttadi no dik lok do dinak lok levenekarakat, la dik lox antun lunuunu at limixin la nedi no dik lox abulubun leveloklox ase nemi migara lok kaka vam i; minak lok petpes basinge nedi.

Lovoang At Ne Pol Ti Limixin Nunu to Rom 2:18

la miklen bok levempanga ne Moroa i vara i xusu minak lox i, la mira lok ka vam lakleklen keneng at Lenavolo xusu mina ila xaka levempanga ik mokso;

Lovoang At Ne Pol Ti Limixin Nunu to Rom 7:16

At loxonaleng nenia ak lok levempanga nenia a xopara xusu anak lox i, na loklok i lox asuusu i do nenia a siam do Lenavolo neni ik lox avukat.

Lovoang At Ne Pol Ti Limixin Nunu to Rom 7:22

La to xeneng tinotno rak, a vavara rinotno ri Lenavolo at ne Moroa.

Lovoang At Ne Pol Ti Limixin Nunu to Rom 8:7

Limixin dinaba ravasu ngan lavamunepen mi ne Moroa do, levendoxoma atdi na mumu asu mun lavavara at labantuxu atdi. Kopmen dina ronga res at levelinga at ne Moroa, la ixo epovo rinotno do dina ronga res teren.

1 Korin 1:8

Neni bok naba lox alolos lunuunu atnimi se at laaleng kavaxap la kerepmo at laaleng ete at Leeme Silok ne Iesu Karisito neni noxo ven terek kaka laxakapmek atnimi.

1 Korin 10:32

La mina rooro mi luruptuvuk nunuan kusu limixin me Judaia la limixin kopmen me Judaia la limixin nuunu di noxo sak kikixin at lunuunu atdi.

1 Korin 8:13

Kuren la, do mo leveluxa nia a anan i, i lox asubu lunuunu at tara, nia a noxo epovo bok ba ri anan teveluxa xerepmo, kusu nia noxo lox asubu bok ba taradi ri laxakapmek.

2 Korin 1:12

Nema ma lok momo aleng, mila lodoxoma nunuan atnema i lox ase nema do, loklok atnema at na lavatbung menemen ngan maga ebibinat ka minemi, ga lok nunuan mene nga la kopmen taxakapmek teren ngan ne Moroa ga lok tooro nama min. Kuren mun maga mumu asu letaba nabalamu at ne Moroa la kopmen do at lakleklen maut at laradi at na laxangka.

2 Korin 2:17

Nema maxo lok ngan nedi mo buaang lentaba di tong asu levelinga at ne Moroa xusu dina lok kaka lempilas. Ketla ma paase asu levelinga at ne Moroa mi luruturun, ma gugu at lemeren ne Moroa ngan lavaanat saxaruki at ne Karisito.

2 Korin 6:3

Ma xopara i do tara na ven lenget ka tosoogong at lugugu atnema mila ma xovara i do mana lok pe langas ti lorooro.

2 Korin 8:8

A noxo lok li teventaangas linga xusu miba mu asu i. Ketla a paase mumu leventamtaba limixin petpes diba raba i, kerepmo ana lok tong mun labalamu atnimi do i lolos aleng ti labalamu at limixin petpes kopla xopmen.

Galesia 5:11

Luvutnetak mi luvurinuk. Lentaba di tong i do nenia move a vavang do loklok ti rivit kepe levengkontuxu i lox avukat. Do kuren, tila ba la leme Judaia move di lox asongor ia? Dola amo langas ti rivit kepe lengkontuxu i ruturun, naba milik ngan ta do levempavang tarak mumu laxaba at ne Karisito, noxo vaxaru kaxat tepenekarakat.

Epesas 4:15

Ketla nedik ta paase asu levelinga ruturun at ne Moroa, la lorooro atdik na umsu mi labalamu; la at lorooro axap atdik, ataba ravasu lolos la mina sep sogo ri lamgomgo atdik ne Karisito.

Epesas 5:10

La mina lok tong pen i kusu mina xasep ap mo leveloklok, i lox amomo Leeme Silok.

Epesas 5:27

Neni ga vara i do na lox agagas li di kusu dina ven nunuan tinotno at lemeren. La nedi di noxo ruuna taxakapmek, toxot kapmek la tevenasen panga xerepmo, diba nemen mokmokso la kopmen taxapmek atdi.

Epesas 6:24

la letaba nabalamu naba nemen eburu minedi axap di balamu Leeme Silok atnedik, ne Iesu Karisito la mo labalamu noxo xap. I ruturun.

Pilipai 1:16

Di lox i mi labalamu, atla diklen i do ne Moroa ga raba ia mi lugugu ri vaase pe Lagale Lavavang.

Pilipai 1:6

Kuren la aklen tinotno i do ne Moroa, ni ga vaxaru ka i na lugugu nunuan keneng atnimi, neni naba lox epovo na lugugu nunuan keneng at lorooro atnimi at na levenaleng la naba se at laxavaxap at lugugu atdik at laaleng ete at ne Iesu Karisito.

Pilipai 2:16

Mina nemen avukat at levenaleng mi tong asu levelinga at lorooro rinedi. Dola mina lox i kuren, nenia bok anaba xip aurut nimi at laaleng ete at ne Karisito, mo naba lox asuusu i do lugugu rak la lololos tarak goxo xap gamasa at lugugu ren.

1 Tesalonia 3:13

La kerepmo neni na lox alolos lorooro atnimi xusu lorooro atnimi nak mokso aleng at lemeren ne Moroa ne Temen dik, ap mo laaleng ne Iesu, Leeme Silok atdik nabamlong eburu mi limixin dadat teren.

1 Tesalonia 5:21

La mina lok tong pen levempapaase maxat; minam tebeng lolos mo levelinga i lox avukat

1 Tesalonia 5:23

A sing ne Moroa i umsu mi limila, do neni na lox adadat lorooro atnimi la neni na lox alolos lodoxoma eburu mi lorooro la labantuxu atnimi, kusu minaba nemen mokmokso at lemeren ne Moroa ap mo laaleng Leeme Silok, ne Iesu Karisito nabamlong teren.

1 Jon 4:1

Larapen tangas orong tarak. Nemen gat mita rebeng alis soso levenanasa atnedi di tong i do di ruuna Loroonan Kaala; ketla mina viila mumu avot be levenanasa atdi do i sixit epovo mi levenanasa at ne Moroa. Mina lox i xuren atla buaang lavaeme vapaase xaxarang dit pas tangtagap at lengkot axap.

Lisilimet 2:2

Akleklen lorooro atnimi, la aklen bok leven gugu lolos atnimi la aklen i do mi tu lolos kantubu at levesongsongot mo nemi mip kiv i. Aklen box i do mixo esuxun mi limixin kapmek, la mira lok tong pen pam nedi di lok do nedi mo luvuttadi vavang, ketla mira long lenget ka i do nedi limixin kaxarang.