Pilipai 1:1 - Madak

¹ Nenia ne Pol. Nema’ mi ne Timoti, luasaxaruki at ne Iesu Karisito. Ma sok na lovoang tinemi limixin at ne Moroa mi nemen keneng at lemenemen silok Pilipai, la ti luvuttadi amgomgo bok at lotu la luvuttadi loklok tooro, mo miga siam kaka ne Iesu Karisito xeneng at lorooro atnimi.

Pilipai 1:1 Iomraidhean Croise

Lagale Lavavang At Ne Iesu Karisito Mak Ga Malagan I 13:34

I lok ngan lara leeme silok gat pas uto vaxalom la lavasaxaruki ren diga lok tatao loogu ren. Neni ga tong li leven gugu ridi getgesara la neni ga tong i ri legesara atdi dola neni na lok tatao lumusaragu la na reven ti lomlong teren.

Lagale Lavavang At Ne Iesu Karisito Jon Ga Malagan I 12:26

Do tara i vara i do na lok lugugu rak, neni na lok kaka be loklok tarak, kusu neni ba lok ngan lasaxaruki rak la ba nemen ap mo lenep nenia anak lox e. Ne Tamak naba lox asilox i do neni na lok lugugu rak.”

Leven Gugu 1:20

La ne Pita ga lok bok, “Keneng at levempikpixan at ne Devit ni ga malagan i xeretna, ‘Mo loogu ren na nemen gamasa; la tara noxo nemen bok ba ren.’ Sam 69:25 Melemu bok, ‘Mo lugugu ren tara naba xip kaka i ren.’ Sam 109:8

Leven Gugu 20:28

Mina lok tatao avukat nemi la mina lok tatao nedi bok limixin, Loroonan Kaala gara lok li vam nedi maxopok at loklok tatao atnimi. Mina lok ngan luvuttadi loklok tatao sipsip kantubu at limixin at ne Moroa, no ni ga lok li di do ateren axa mumu lanmet at ne nitna.

Leven Gugu 9:13

Ananias ga vorang i rin keretna, “Leeme Silok, buaang limixin diga tong lempanga ria mumu nom laradi, la mumu bok lempanga xakapmek ni ga lox i ri limixin taram to Jerusalem.

Lovoang At Ne Pol Ti Limixin Nunu to Rom 1:1

Nenia ne Pol, lasaxaruki at ne Iesu Karisito, la nia luun pavang, ne Moroa ga soxolik ka ia la ga ro ka ia xusu ana vavang mi Lagale Lavavang teren.

Lovoang At Ne Pol Ti Limixin Nunu to Rom 1:7

Nia a malagan na levelinga rinemi axap mi nemen dom Rom, Moroa i balamu nimi la ga ro xaka nimi do nemi limixin teren. Letaba nabalamu la lenmila rinimi boro at ne Moroa ne Temen nedik, la Leeme Silok ne Iesu Karisito.

1 Korin 16:10

Mo do ne Timoti na vot pasa nimi, i lox avukat do mina seega rangarang i, mila neni mo ik lok lugugu at Leeme Silok, kerekngan mun ia.

2 Korin 1:1

Nenia ne Pol, laradi vavang at ne Iesu Karisito; Moroa xa ga soxolik ka ia ri mo lugugu; ne Timoti, neton dik i paase aru box ia at na lovoang. Nia a sok na lovoang tinemi limixin mi nuunu at ne Moroa dom Korin, la tinemi bok limixin nuunu mik lok to at lengkot axap at lenep silok Grik.

Galesia 1:10

Nenia xopmen ana vaase i na xusu do ti lok limixin diba lok momo minia, kopmen tinotno. Nenia a vaase i na xusu ti lox amomo ne Moroa. La nenia kopmen ana vaase i na xusu limixin dinaba emi asu minia. Kopmen. Do nenia gita lox i xuren, ixo epovo bok do nenia giba lok ngan lasaxaruki at ne Karisito.

Galesia 3:26

Nemi axap luvutnitna ne Moroa mumu mene lunuunu atnemi saparap ne Iesu Karisito.

Galesia 3:28

Kuren la limixin me Judaia eburu minedi xopmen di me Judaia, di epovo axap mun, kuren bok pam at luvuttadi asaxaruki la luvuttadi dik lok gamasa, la nedi bok lavatlok la lavakin; nemi axap mi lok ngan mun legesara keneng at lurutu eburu mi ne Iesu Karisito.

Epesas 1:1

Nenia ne Pol, laradi vavang at ne Iesu Karisito; Moroa ga soxolik ka ia ri na lugugu. Nia a malagan na levelinga rinemi limixin nuunu boro Epesas, mi nuunu ruturun keneng at ne Iesu Karisito.

Epesas 1:15

Nia aga ronga levelinga mumu lunuunu atnemi maxeneng at Leeme Silok, ne Iesu, la labalamu atnemi ti limixin axap at ne Moroa;

Epesas 6:24

la letaba nabalamu naba nemen eburu minedi axap di balamu Leeme Silok atnedik, ne Iesu Karisito la mo labalamu noxo xap. I ruturun.

Pilipai 2:19

Dola lavavara at Leeme Silok ne Iesu, a doxoma i do aba riki soso ne Timoti udom saparap nemi, kusu nenia aba ronga tevelinga mumu nimi, kusu naba lox alolos ia.

Pilipai 2:5

Levendoxoma atnimi na mumu asu mene lodoxoma at ne Iesu Karisito.

Pilipai 3:12

Nenia axo doma i do ara rebeng ka vam mo lorooro la ara ravasu ngan laradi xopmen taxapmek teren. Nenia move a lolos kusu ana rebeng atmatkun ka mo loklok i nunuan, mila ne Iesu Karisito ga un ka ia do tin.

Pilipai 3:3

Nedik na digara ruuna ka vam loklok katling tuturun at ne Moroa la nedik di lotu saparap ne Moroa keneng at Loroonan Kaala la nedik di momo xeneng at lixitkis atdik eburu mi ne Iesu Karisito. Nedik kopmen tana nuunu do mo loklok ti rivit kepe lengkontuxu la leveloklok kerepmo at leme Judaia ba lok tooro dik.

Pilipai 3:8

Kopmen mo levempanga xusuk mun, ketla levempanga axap at lorooro rak i ngan lavanga gamasa la lorooro rak keneng at ne Iesu Karisito, Leeme Silok tarak, ni lavanga i silok aleng tinotno. La mo leveloklok at leme Judaia ara lu xape axap pam min kusu ana mumu asu mene ne Karisito. A doxoma i do mo leveloklok i ngan lavanga kakapmek mun la aga lok kepe i xusu ana ruuna ka ne Karisito,

1 Tesalonia 1:1

Nenia ne Pol. Nema mi ne Sailas la ne Timoti, ma malagan na lovoang tinemi limixin nuunu dom Tesalonia. Nemi limixin at ne Moroa, ne Temen dik la Leeme Silok, ne Iesu Karisito. Letaba nabalamu la lenmila rinemi boro at ne Moroa.

1 Tesalonia 2:2

Miklen i do maga vavang avot to Pilipai la limixin mego diga lox asongot nama, la diga paase sese kapmek tinama. Melemu magat pas uto at lemenemen atnimi dom Tesalonia, la buaang atnedi diga xopara nama; ketla ne Moroa ga lok kepe lanmarat basinge nama; la maga tong asu Lagale Lavavang tinimi.

2 Tesalonia 1:1

Nenia ne Pol. Nema mi ne Sailas la ne Timoti, ma malagan na lovoang tinemi limixin nuunu dom Tesalonia. Nemi limixin at ne Moroa ne Temen dik la Leeme Silok, ne Iesu Karisito.

2 Tesalonia 1:10

Diba lok ka na lumumuat ap mo laaleng ne Iesu naba si ukopok la limixin axap teren diba emi asu min la diba lok ngangao ren. La nemi bok miba emi asu min, mila miga siam kaka Lagale Lavavang maga tong asu i rinimi.

1 Timoti 1:2

Nia a malagan na lovoang ti ne Timoti, lamdak tinotno rak maxeneng at legesa nuunu. Letaba nabalamu, lebelemumu, la limila bok tu boro at ne Temen dik la ne Iesu Karisito, Leeme Silok atdik.

1 Timoti 3:8

Luvuttadi loklok tooro xeneng at lotu dina umsu mi luruptuvuk avukat at lemeren limixin, la levelinga atdi nak mokso; di noxo inin tangtangku levengkadan lolos, la di noxok lok kaka levempilas at langas kopmen nak mokso;

Taitas 1:1

Nenia ne Pol, lasaxaruki at ne Moroa la nenia laradi vavang at ne Iesu Karisito. Nenia a gugu rik lox alolos lunuunu at lavaanat soxolik at ne Moroa. Nia a vanasa nom limixin mi levelinga ruturun at ne Moroa xusu lorooro atdi nak mokso aleng,

Taitas 1:7

Nedi nom luvuttadi amgomgo dina lok tatao lugugu at ne Moroa maxeneng at lotu ren; kuren la lorooro atdi nak mokso aleng at lemeren limixin. Di noxo paase xuxurung. Nemen di tak musak soso, di noxo inin tangtangku mi lengkadan lolos. Nemen di ta vesep. Nemen di ta vavara pilas solo.

Pilimon 1:1

Nenia ne Pol, nia a nemen de at loogu xokoxo mila nenia a tong asu Lagale Lavavang at ne Iesu Karisito. Timoti, neton dik, ik lox eburu minia. Nema mi ne Timoti ma malagan na lovoang tu, ne Pilimon. Nenu lentangas avukat atnama la nu laradi gugu at ne Moroa ngan nema.

Ibru 13:23

A vara i xusu minaklen i do neton dik ne Timoti diga soxomus asu vam i boro xeneng at loogu xokoxo. Do neni na vot pasa soso ia, nema eburu manaba vosiga nimi.

Jems 1:1

Nenia ne Jems, lasaxaruki at ne Moroa la at Leeme Silok ne Iesu Karisito. Nia a malagan na levelinga ri lasangaun mi legepura larabibinat me Judaia di epeseves at na lavatbung menemen axap. Nia a malagan lavapaase momo rinemi.

1 Pita 2:25

Nemi miga lok ngan laxasipsip diga soronga, ketla ana nga, migaramlong pam kusu mina mumu asu Lamgomgo atnemi la neni laradi loklok tatao bok at lorooro at loroonan atnemi.

2 Pita 1:1

Nenia ne Simon Pita, lasaxaruki la luun pavang at ne Iesu Karisito. La a malagan i na levelinga rinemi limixin miga ruuna xaka lunuunu xeneng at lomokmokso at ne Moroa atnedik, neni Laradi Loklox Arooro ne Iesu Karisito; la mo lunuunu i lox avukat ngan lunuunu atnama.

Lovoang At Ne Jut 1:1

Nenia ne Jut, lasaxaruki at ne Iesu Karisito, la neton ne Jems. Nia a malagan na lovoang tinemi limixin, mo ne Moroa gara ro xaka vam nimi do tin, la mi rooro xeneng at labalamu at ne Moroa ne Temen dik, la mik lok keneng at loklok tatao at ne Iesu Karisito.

Lisilimet 1:1

Ana lovoang, ni lisilimet boro at ne Iesu Karisito, ne Moroa ga raba i min, kusu na lox ase lavasaxaruki ren mi lempanga salai mo naba vot soso mun. La ne Iesu ga riki laangelo ren kusu na vaase axasev i ri ne Jon, lasaxaruki ren,

Lisilimet 1:20

Levelinga alipe at lavasuun at lavanuti larapenti nenu u ven i de at lakngak tino, di lok katling lavanuti nedi lubung angelo dik lok tatao mo lavanuti leventaugu lotu. La lavanuti levenbabao gol, di ru katling nom lavanuti leventaugu lotu.”

Lisilimet 19:10

Nia aga ronga i na la aga xis tiktikbu mi luvatgulom tarak to saparap luxangkedek teren kusu ana lotu parav i, ketla ni ga lok tia, “Nemen gat uta lotu parav ia. Nenia lasaxaruki mun at ne Moroa kerekngan nenu eburu mi luvutnetam, mo mim tebeng levelinga ruturun at ne Iesu. Una lotu parap ne Moroa. Mo levelinga ruturun ne Iesu ga tong asu i, ni lavasuun at levempavang at luvuttadi vapaase asu levelinga.”

Lisilimet 2:12

La Leeme Silok ga lok bok tia, “Una malagan na levelinga ri laangelo ik lok tatao limixin lotu ro Pegamam. ‘Anai levelinga boro ap mo laradi i ruuna lavarise sepsep i anan evan.

Lisilimet 2:8

Leeme Silok ga lok bok tia, “Una malagan na levelinga ri laangelo ik lok tatao limixin lotu to Smena. ‘Anai ni levelinga ap mo lara neni Lurutu Kaxat la Lumumupit, mo ga met ketla gara roo xat amlong pam.

Lisilimet 22:9

Ketla neni ga lok tia, “Nemen uta lotu parav ia. Nenia mun lasaxaruki at ne Moroa kerekngan u la luvutnetam, nedi lavaeme vapaase alii la nedi bok ding tonga res at levelinga at na lubuk. Una lotu parap kusuk ne Moroa.”