Pilimon 1:22 - Madak

²² La lara lavanga bok. Una gagas li toxot mikmidi ria. A lok do ne Moroa naba vorang levesingising atnemi xusu nenia aba vot pasa bok nimi.

Pilimon 1:22 Iomraidhean Croise

Leven Gugu 27:24

La i lok tia xeretna, ‘Pol! Nemen uta marat gat. Uba tu ro melamgo at ne Kaisar; la ne Moroa i balamu nimi la i siam pam do nedi axap at lavattaaxup dinaba roo suu.’

Leven Gugu 28:23

Kuren la diga lok katling lara laaleng eburu mi ne Pol, la buaang limixin diga vot ap mo laaleng to ap mo loogu ne Pol ga nemen teren. Ga maxantamak suubu se at laxanimin neni ga soxomus lavasuun at levelinga at Linintoo at ne Moroa rinedi. Ni ga lok tong pen i do na sat ka lodoxoma atdi mi levelinga ma xeneng at Lenavolo at ne Moses la levenmamalagan at lavaeme vapaase alii xusu diba nuunu at ne Iesu.

Lovoang At Ne Pol Ti Limixin Nunu to Rom 15:24

La a doma i do anaba lox epovo ba i mo. A vara i do anaba ven nemi at loxonaleng nenia ana lok lavatpas tarak uto Spein, la minaba lok tooro box ia rit pas ugo melemu at loklok tarak eburu minemi at lentaba levenaleng.

2 Korin 1:11

Nemi bok miba lok tooro nama mi levesingising; kuren la buaang bok atnemi diba tong aorong ti ne Moroa do neni ga vorang levesingising atnimi la ga lox aroo nama basinge lanmet.

Pilipai 1:19

La a lok momo bok mila aklen i do at levesingising atnimi la loklok tooro at Loroonan Kaala at ne Iesu Karisito, dinaba soxomus asu ia basinge na loogu xokoxo.

Pilipai 2:24

Laa nuunu at Leeme Silok dola nenia xa aba vot soso saparap nemi.

Ibru 13:19

A vara i xusu anamlong posiga soso nimi, kuren la at langsangan lavavara rak, do mina sing ne Moroa ri na lavanga.

Ibru 13:23

A vara i xusu minaklen i do neton dik ne Timoti diga soxomus asu vam i boro xeneng at loogu xokoxo. Do neni na vot pasa soso ia, nema eburu manaba vosiga nimi.

Jems 5:16

Kuren la mina soxomus ela laxakapmek atnimi kantubu atnimi, la mina sing tinemi getgesara, kusu Leeme Silok naba lox aroo nimi. Do laradi nuunu loklok teren ik mokso, levesingising teren naba lolos aleng la naba epovo rinotno ri lok tooro laradi.

2 Jon 1:12

A ruuna buaang lempapaase xusu ana tong i rinimi. Ketla axo vara i xusu ana malagan i at lovoang mi lavanga mamalagan; kusuk mun a doxoma i do aba vosiga nimi, la ana epaase eburu minimi kusu nedik taba lok momo aleng.

3 Jon 1:14

Am doma alii i do aba ven ba u melemu la ataba epentu la ata epaase.