Pilimon 1:2 - Madak

² Na lovoang bok ti ne Apia, neni i lok ngan neinen nama, la ti ne Akipas, neni bok laradi gugu at ne Moroa ngan nema, la tinedi limixin nuunu di lotu amisik to at loogu ram.

Pilimon 1:2 Iomraidhean Croise

Lovoang At Ne Pol Ti Limixin Nunu to Rom 16:1

Na levelinga ti vaase axasep nemi mi lara neinen dik laasen teren ne Poebe, la neni ga lok lugugu silok keneng at lotu at lemenemen Senkiria.

Lovoang At Ne Pol Ti Limixin Nunu to Rom 16:5

Lavapaase momo bok tinedi dit pot buru ro at loogu atdu. Lavapaase momo bok ti lentangas orong tarak ne Epinitas, neni laradi avot at lenep Asia ga nuunu at ne Karisito.

1 Korin 16:19

Limixin nuunu at laraugu lotu xeneng at lenep silok, Asia di lox aonon lomomo atdi saparap nimi. Akuila la ne Pirikila la limixin nuunu dit pot buru amisik to at loogu atdu, di lox aonon bok lomomo atdi.

Pilipai 2:25

A doxoma i do i lox avukat bok do ana riki amlong neton dik ne Epaprodaitas udom saparap nemi; neni ga gugu la ga esep at lenep tarak, la ni ga lok ngan lasaxaruki atnemi atla neni gap kip leveloklok tooro atnemi ria.

Kolosi 4:15

Mina lox aonon lavapaase momo rak ti luvutneton dik mo di nemen to Lodisia la ti mo latkin ne Nimpas, la tinedi limixin lotu mo dit pot etang amisik to at loogu ren.

Kolosi 4:17

La mina vaase bok ti ne Akipas keretna, “Una lolos kusu una lox epovo mo lugugu Leeme Silok ga raba u min.”