Pilimon 1:17 - Madak

¹⁷ Dola u doma i do nenia lentangas avukat taram, una seega rangarang i ngan u seega rangarang ia.

Pilimon 1:17 Iomraidhean Croise

Metiu 10:40

La ne Iesu ga lok bok tidi, “Do nege i seega rangarang nemi, neni i seega rangarang ia; la do nege i seega rangarang ia, neni i seega rangarang ne Moroa mo ga riki ia ude at na lavatbung menemen.

Metiu 18:5

La do nege i seega rangarang tamdak keretna at laasen tarak, i lok ngan ta do neni i seega rangarang ia.”

Metiu 25:40

La nenia, Loorong Silok, anaba vorang i ridi xeretna, ‘A tong tuturun i rinimi. Do miga lox i na ri tara atdi limixin banbalo rak, i lok ngan mun miga lox i ria!’

Leven Gugu 16:15

Neni eburu minedi diga nemen min ap mo loogu ren diga lok ka lesep susu; melemu ni ga xup kaka nama, “Ude nimi la mina nemen to at loogu rak, mo do nemi mi doxoma i do nenia latkin nuunu ruturun at Leeme Silok.” La ni ga vaase lolos tinama la maga beles.

2 Korin 8:23

La ti ne Taitas, neni lara bok atarak la i gugu eburu minia xusu ri lok tooro nimi. La tinedu luneton dik, nedu duba emu eburu min saparap nimi, nedu du ru katling laraugu lotu, la loklok atdu i lox asuusu loklok ngangao ri ne Karisito.

Epesas 3:6

Mo levelinga lipe i lok keretna. At Lagale Lavavang limixin kopmen di me Judaia di epovo na lok kaka leveloklox anarong at ne Moroa kerekngan limixin me Judaia; la nedi legepu bungmixin diba lok ngan lengkot at legesa bantuxu mun la nedi eburu diba lok kaka mo lempanga ne Moroa ga vaase alii i rinedi di nuunu at ne Iesu Karisito.

Pilipai 1:7

Am doma su amisik atnimi mi lomomo. La at lusumsuma rak ik mokso do ana doma mumu nemi. Nemi miga gugu eburu minia ap mo lugugu ne Moroa ga raba ia min la ni ga raba nimi mi lolos kusu minap kiv i, i se nga na nenia ak lok at loxokoxo, la ap mo bok levenaleng nenia agat pas tangtagap kusu ana lox asuusu i do Lagale Lavavang i return, la kusu ana lok limixin nuunu kusu dina ru lolos teen.

1 Timoti 6:2

Lavasaxaruki at luvuttadi nuunu, nemen di guta lox amangan luvuttadi amgomgo, mila nedi vam loxoeton di. Ketla i lox avukat do dina lok lugugu avukat tidi, mila nedi di ru orong mumu lugugu atnedi nom luvuttadi amgomgo atdi. Una lox ase limixin mi na levelinga.

Pilimon 1:10

La nia a sing u mumu ne Onesimas, neni i lok ngan lamdak tarak mila neni ga ru kaxat lunuunu maxat nade at loogu xokoxo.

Pilimon 1:12

Ana riki amlong i udom saparav u, a balamu aleng i.

Pilimon 1:18

Do neni ga lok kapmek tevempanga ram kopla neni ga nem kaka tevempanga, nenia aba vorang i ru.

Ibru 3:1

Luvutnetak mi luvurinuk. Nemi bok lavaanat soxolik at ne Moroa mo ga ro ka vam nimi ngan limixin teren. Kuren la mo levempanga ne Iesu gak lox i, ni na veve mam pixan amisik tidik. Iesu, neni Luun Pavang la Lamaasa Gomgo. La na nedik dira nuunu ren.

Ibru 3:14

Nedik tabat kis esogo mi ne Karisito do nedik tam tebeng lolos lunuunu se at laxavaxap at lorooro atdik, kerekngan nedik taga nuunu ruturun ap mo levenaleng taga lok kaka lunuunu maxat.

Jems 2:5

Luvutnetak mi luvurinuk orong. Nemi axap mina ronga ia. Luvuttadi mo di lok ngan lavanga gamasa at lemeren limixin at na lavatkangka, Moroa ga soxolik ka vam di kusu diba umsu mi lunuunu la dina nemen ngan lavaanat too at Linintoo ren. Neni ga paase alii i do nedi limixin di balamu i, diba lok ka loxot at Linintoo ren.

1 Pita 5:1

Nenia lamgomgo at lotu ngan lubung amgomgo dik lok kantubu atnimi. Nenia aga ven levesongsongot ne Karisito gap kiv i, la nenia anaba ruuna ka lisisixam eburu minemi mo naba ru asuvos. La a sing nemi lubung amgomgo xeretna,

1 Jon 1:3

Lempanga axap mo laradi ga lox i, maga ven pam i, la maga ronga vam levelinga ren, ma vavang bok min tinemi, kusu nemi minat kis esogo eburu minema kerekngan nema mat kis esogo mi ne Temen dik la mi ne Nitna bok ne Iesu Karisito.