Pilimon 1:14 - Madak

¹⁴ Nenia aga vara i do neni na nemen be de eburu minia, ketla neni lasaxaruki ram kuren la nenia a noxo lox alis gamasa i. I lox avukat do una sep siam be.

Pilimon 1:14 Iomraidhean Croise

Sam 110:3

At levenaleng at leesep limixin esep taram diba xulubi aleng kusu ri esep. La no mun at lenmaxantamak suubu, luvurau radi ram dibat pas posiga u ro vana at lakaana i xaala.

1 Korin 9:17

Dola nia gita lox i na lugugu mi lodoxoma xa rak, i epovo ba do nia ana lok ka luunun; ketla nenia xa goxo lok katling ia ri na lugugu, ne Moroa xa ga nu taba ia min.

1 Korin 9:7

Mina xasep at na levempapaase poovo. Ixok mokso do taradi esep na gugu at lugugu vetpes ti lok ka luunun tin. La i epovo do laradi lotlo, neni na anan akmokso livipisik at levempanga ni gatlotlo i. La i epovo bok do laradi loklok tatao sipsip na ruuna ka levendan tus at levesipsip teren.

2 Korin 1:24

Ma xopara i do mana pu soso nimi ri levelinga salai miba nuunu ren, mila mi tu lolos pam at lunuunu atnimi. Ketla ma gugu xantubu atnimi xusu miba ruuna ka lomomo.

2 Korin 8:12

Mo do lebelen nimi naplivi ri raba, ne Moroa ba siam ka laramtaba atnimi i epovo at levempilas mi ruuna i la kopmen at levempilas mixo ruuna i.

2 Korin 9:5

Kuren la a doma i do i epovo do ana sing na luvutneton dik kusu dinamgo ria udom atnimi xusu dina gagas li avot be nimi ri laramtaba nemi miga vaase alii min. Minaba gagas at loxonaleng do nia ana vot, la na laramtaba ba lox asuusu i do mi etaba mila miga vara i xuren, la kopmen do miga morong min.

2 Korin 9:7

Nedi getgesara dina raba kerekngan lodoxoma atdi la nemen gat loklox angtungun kopla tara na pu soso di, mila ne Moroa i momo mi laradi i raba mi lomomo xeneng teren.