Pilimon 1:10 - Madak

¹⁰ La nia a sing u mumu ne Onesimas, neni i lok ngan lamdak tarak mila neni ga ru kaxat lunuunu maxat nade at loogu xokoxo.

Pilimon 1:10 Iomraidhean Croise

Lagale Lavavang At Ne Iesu Karisito Mak Ga Malagan I 9:17

La lara laradi xantubu at nom limixin ga vorang i rin keretna, “Leeme loklox ase, ma paase mumu ne nuruk. A lam kaka i saparav u; lagas i suxuna i la nuruk kopmen na paase.

Lovoang At Ne Pol Ti Limixin Nunu to Rom 12:1

Luvutnetak mi luvurinuk. I vasuun mun at lebelemumu silok at ne Moroa rinedik, kuren la a sing nemi xeretna; mina raba axap nemi ngan laramtaba i rooro ri ne Moroa ri lok lugugu ren la ti lox amomo i. Neni na langas i lox asuusu lotu ruturun, mina raba i min.

1 Korin 4:14

A malagan i na levelinga rinimi, kopmen do ri lox amangan nimi; a malagan i xusu ri vaase aronga nimi; nia a balamu nimi ngan nemi luvutnuruk tinotno.

1 Korin 4:15

Keke i do mi ruuna buaang luvuttadi loklok tatao, ketla mi ruuna mun legesara ngan ne temen nimi. At lorooro atnimi at ne Iesu Karisito, nenia a lok ngan ne temen nimi, atla nia aga vavang tinemi mi Lagale Lavavang.

Galesia 4:19

Luvutnuruk orong! Nenia a suma losongsongot mumu nemi ngan latkin ing songot at laaleng pipisik teren, la anaba suma na losongsongot se at laaleng lorooro at ne Karisito naba suxuna axap nemi.

Kolosi 4:9

Neni ba emu eburu bok mi ne Onesimas, neni laradi ruturun la netak orong; neni at libinam tadi atnemi. Nedu duba tong asu lempanga salai mo it pot nade.

1 Timoti 1:2

Nia a malagan na lovoang ti ne Timoti, lamdak tinotno rak maxeneng at legesa nuunu. Letaba nabalamu, lebelemumu, la limila bok tu boro at ne Temen dik la ne Iesu Karisito, Leeme Silok atdik.

Taitas 1:4

Nenia a malagan na levelinga ru ne Taitas, nenu u lok ngan ne nuruk tino, mila nenu u nuunu at ne Iesu Karisito xerekngan ia. Letaba nabalamu mi lenmila tu boro at ne Moroa ne Temen dik eburu mi ne Iesu Karisito, Laradi Loklox Arooro atnedik.

Pilimon 1:11

Ganoxa neni ga gugu ru, neni goxo gugu avukat, ketla na nga lingina i epovo na lok tooro avukar u, la na lok tooro box ia.

Pilimon 1:13

I lox avukat do neni na nemen eburu minia xusu neni na lok tooro ia mi Lagale Lavavang de at loogu xokoxo. Nenu xopmen unak lok de xusu unaba lok tooro ia, ketla ne Onesimas, i lok ngan ta i lok kun u.

3 Jon 1:4

Ise nenia a ronga i do luvutnuruk di mumu asu luruturun, nenia a lok momo aleng.