Lagale Lavavang At Ne Iesu Karisito Mak Ga Malagan I 8:6 - Madak

⁶ La ne Iesu ga tong i ri mo limixin do dina xis kopok at laxangka la neni ga lok kaka mo lengkongkide, ga tong avukat ti ne Moroa la ga sebex i la ga raba luvuttadi loklok ka anasa min kusu dina raba mo limixin min, la diga lox i xuren.

Lagale Lavavang At Ne Iesu Karisito Mak Ga Malagan I 8:6 Iomraidhean Croise

Metiu 26:26

Move diga anan la ne Iesu ga lok kaka loxongkide, ga tong avukat ti ne Moroa, ga sebex i la ga raba luvuttadi loklok ka anasa ren min la ga lok, “Mina lok kaka i na la mina anan i; labantuxu rak na.”

Lagale Lavavang At Ne Iesu Karisito Mak Ga Malagan I 8:20

La neni ga sue bok di, “Nenia aga raba buaang limixin ga epovo at lavanuet larabin sangsangaun kobot (4000) mi lavanuti xongkide la melemu lavanisa leventat silok miga suxa i mi levenmumus panga anan?” La diga lok, “Lavanuti axap.”

Lagale Lavavang At Ne Iesu Karisito Mak Ga Malagan I 8:5

La ne Iesu ga sue di, “Lavanisa lengkongkide mi ruuna i?” Diga vorang i, “Lavanuti na lengkongkide.”

Lagale Lavavang At Ne Iesu Karisito Mak Ga Malagan I 8:7

Luvuttadi loklok ka anasa diga ruuna bok lutpen mat lixilik, Iesu ga lok ka i la ga tong avukat ti ne Moroa la ga tong i ri luvuttadi loklok ka anasa do dina raba limixin min.

Lagale Lavavang At Ne Iesu Karisito Luk Ga Malagan i 12:37

Naba lox avukat tinedi na luvuttadi gugu do leeme silok atnedi i long lenget ka di do di tuang, la dia gagas mo do neni imlong! A tong i rinimi, do neni xa naba vaxaera i xusu na gugu ridi, la na lox axis di ukopok la na raba panga anan di.

Lagale Lavavang At Ne Iesu Karisito Luk Ga Malagan i 24:30

La ni ga xis to at loxot kitkis eburu midu, la ga lok kaka loxongkide, la ga tong loklox anarong; melemu neni ga sebek loxongkide, la ga raba du min.

Lagale Lavavang At Ne Iesu Karisito Jon Ga Malagan I 2:5

Nenen ne Iesu ga lok ti mo luvuttadi gugu, “Mina mumu asu levempanga salai do neni na tong i rinimi.”

Lagale Lavavang At Ne Iesu Karisito Jon Ga Malagan I 6:23

Melemu leventaba lesepang boro Tiberias diga oso go saparap mo lenep limixin diga anan lengkongkide e, melemu at Leeme Silok ga tong avukat ti ne Moroa.

Lovoang At Ne Pol Ti Limixin Nunu to Rom 14:6

Nege i doxoma alolos i do lara laaleng move i silok, neni i lox i mi loklok ngangao ren ti Leeme Silok. Nege do i anan gamasa levempanga axap, i lok box i mi loklok ngangao ren ti Leeme Silok, atla neni i tong loklox avukat ti ne Moroa ri levempanga anan. Nege do kopmen na anan teventaba teveluxa, neni i lok box i mi loklok ngangao ren ti Leeme Silok, la i tong loklox avukat bok ti ne Moroa rin.

Kolosi 3:17

Levempanga axap mi lox i la mi vaase i, mina lox i at laasen at Leeme Silok ne Iesu, la mina tong loklox avukat ti ne Moroa, ne Temen nedik mumu leveloklox anarong at ne Karisito.