Lagale Lavavang At Ne Iesu Karisito Mak Ga Malagan I 7:7 - Madak

⁷ dixo lotu saparav ia mi luruturun la di lox ase mi levelinga at limixin mun.” Ais 29:13

Lagale Lavavang At Ne Iesu Karisito Mak Ga Malagan I 7:7 Iomraidhean Croise

Metiu 15:9

Dixo lotu saparav ia mi luruturun, la di lox ase mi levelinga at limixin mun!” Ais 29:13

Metiu 6:7

Keneng at levesingising atnimi, nemen mita tong lengkolinga xopmen tempasuun teren, kerekngan lavamolon di mumu asu i; di doxoma i do ne Moroa mo naba ronga di mumu levesingising babaalom atdi.

1 Korin 15:14

La mo do ne Karisito goxo roo xat amlong at lanmet, kopmen tavasuun tinotno ren kusu mana vavang tinimi la lunuunu bok atnimi ba lok ngan lavanga gamasa.

1 Korin 15:58

Kuren la luvutnetak mi luvurinuk orong, mina tu lolos at levelinga at ne Moroa la nemen tara ta sar asoogong ka nimi basinge luruturun teren. Minak lox angtang amisik at leven gugu atnimi ri Leeme Silok, atla mikleklen i do leven gugu atnimi ri Leeme Silok, ni noxo lok ngan lavanga gamasa.

Kolosi 2:22

Na levenngas linga i tu katling levempanga gamasa mun la naba xap gamasa mene mila kopmen na laa boro at ne Moroa; nedi boro at lodoxoma at limixin mun.

Taitas 3:9

Ketla nemen uta vetep mi levelinga at levempanga gamasa. Na levelinga i lok ngan ta levenasen at lavalabat at lubungmixin me Judaia, la i lok ngan bok levelinga ik lok to xeneng at Lenavolo at ne Moses. Una ke na levempanga, mila na levempanga noxo lok tooro limixin nuunu.

Jems 1:26

Lentaba dik lok keretna, “Nenia laradi nuunu la loklok tarak i lox avukat at lemeren ne Moroa.” Ketla do ni xopmen na lok tatao avukat lavapaase ren, ni i xaxarang axa lebelen, la lunuunu ren i ngan lavanga gamasa.

Jems 2:20

Mo laradi, neni lavanga baulang. Lunuunu ren i ngan lavanga gamasa mo do i ruuna lunuunu xusuk la kopmen teven gugu nunuan i nemen at lorooro ren.

Lisilimet 22:18

Nenia ne Jon, a vaase aronga nemi axap mira ronga vam na lempapaase alii at na lubuk; do tara na tong abeles parang tengkot ukeneng at na lubuk, Moroa naba raba i mi nom levesongsongot ik lok keneng at na lubuk.