Lagale Lavavang At Ne Iesu Karisito Mak Ga Malagan I 5:7 - Madak

^7-8 La ne Iesu ga lok tin keretna, “Mina on basinge na laradi, nenu lagas kapmek.” La nom laradi gap kup lolos ti ne Iesu xeretna, “Iesu, Nitna ne Moroa i silok aleng. U rupot de ri lok lavanga sala ria? Una xaape ri ne Moroa dola u noxo sev asongor ia.”

Lagale Lavavang At Ne Iesu Karisito Mak Ga Malagan I 5:7 Iomraidhean Croise

Metiu 16:16

Simon Pita ga vorang i xeretna, “Nenu Lanarong, Nitna ne Moroa, Loroo Avolo.”

Metiu 26:63

Ketla ne Iesu kopmen goxo tong toxolinga. La lamaasa gomgo ga lok tin, “At laasen at ne Moroa i rooro amisik, una tong i rinama. Kereva, nenu Lanarong, Nitna ne Moroa?”

Metiu 4:3

Satan ga vot pasa i la ga lok tin, “Mo do nenu ne Nitna ne Moroa, una tong i ri na laxanuat la dina vee xongkide.”

Metiu 8:29

La duga xup ti ne Iesu xeretna, “Nitna ne Moroa. Lavanga salai u vara na lox i rinama? Kereva, u vot de xusu una lox asongot nama avot ti laaleng ete?”

Lagale Lavavang At Ne Iesu Karisito Mak Ga Malagan I 1:24

“Iesu me Nasaret, unaba lok lavanga salai rinama? Uga rupot kusu unaba sep kepe axap nema, do? Aklen u. Nenu ne Nitna ne Moroa.”

Lagale Lavavang At Ne Iesu Karisito Mak Ga Malagan I 14:61

Ketla ne Iesu goxo vaase la goxo vorang i rin la lamaasa gomgo ga sue i, “Kereva, nenu Lanarong, Nitna ne Moroa?”

Lagale Lavavang At Ne Iesu Karisito Mak Ga Malagan I 3:11

La lentaba limixin lubunggas ga suxuna di, diga rupot saparap ne Iesu la diga xis tiktikbu mi lempatgulom atdi. Ga se diga ven i, digap kup lolos keretna, “Nenu Nitna ne Moroa.”

Lagale Lavavang At Ne Iesu Karisito Mak Ga Malagan I 5:6

Se ni ga ven ne Iesu ro vaxalom, ni ga sixit pasa i la ga xis tiktikbu mi luvatgulom teren saparap luxangkedek at ne Iesu.

Lagale Lavavang At Ne Iesu Karisito Luk Ga Malagan i 1:32

Neni naba silok aleng la neni naba ruuna na laasen do lamdak at ne Moroa i silok aleng. Moroa naba lox i ngan loorong silok, i ngan [lara] ren ne Devit, neni loorong silok me gano;

Lagale Lavavang At Ne Iesu Karisito Luk Ga Malagan i 4:34

“Aa! Iesu boro Nasaret, lavanga salai u vara i atnama? Kereva, u vot de xusu una lok kapmek nama? Aklen i do nenu nege; nenu Lanarong at ne Moroa!”

Lagale Lavavang At Ne Iesu Karisito Luk Ga Malagan i 6:35

Mina balamu limixin dit kis munepen minimi, la mina lok luvukat tidi; mina raba di mi lempanga la nemen gat mita sing amlong tin. Do mina lok na lempanga avukat, miba ruuna ka langsangan luunun, la nemi miba ngan laxamdak at ne Moroa Silok Aleng. Mila Moroa ik lox avukat tinedi limixin kopmen dinak lox avukat tin la tinedi bok dik lok laxakapmek.

Lagale Lavavang At Ne Iesu Karisito Luk Ga Malagan i 8:28

Se neni ga ven ne Iesu, ni ga xup lolos la ga xis tiktikbu mi luvatgulom teren to melamgo ren, la ga vaase lolos ti ne Iesu, “Iesu, Nitna ne Moroa i silok aleng! Lavanga salai u vara i do una lox i ria? A sing u do nemen uta lox asongot aleng ia!”

Lagale Lavavang At Ne Iesu Karisito Jon Ga Malagan I 20:31

Ketla leventaba levempanga sangsangu ik lok at na lubuk kusu mina nuunu do ne Iesu neni Lanarong la Nitna ne Moroa; la do mina nuunu ren, miba ruuna ka lorooro avolo at laasen teren.

Leven Gugu 16:17

Ni ga mumu asu nema mi ne Pol, la gap kup keretna, “Na luvuttadi nedi luvuttadi gugu at ne Moroa i silok aleng! Di tong asu langas at lorooro rinimi!”

Leven Gugu 19:13

Lentaba at leme Judaia mo digat pas tangtagap la digak lok pes lubunggas basinge limixin; diga lok tong pen i do dina gugu mi laasen at Leeme Silok ne Iesu. Diga lok ti lubunggas keretna, “Nia a tong i rinimi do mina sixisu at laasen at ne Iesu, mo ne Pol i vavang min.”

Leven Gugu 8:36

Nedu dugat pas ap mo langa la duga rupot to at lara loxot ladan ga nemen teren. La mo laradi gomgo ga lok, “Ladan na ik lok. Lai mo ik lok pe ia do ana lok kaka lesep susu?”

Lovoang At Ne Pol Ti Limixin Nunu to Rom 16:20

La ne Moroa laradi at lenmila, mo ma lixilik na but povorok ne Satan to maxopok at lengkangkedek atnimi. Letaba nabalamu at Leeme Silok atdik ne Iesu nak lox eburu minemi.

Ibru 2:14

I ruturun do nedi luvuttadi mun, la kerepmo ne Iesu ga vee radi xusu at lanmet teren neni naba sele utut kepe lololos at ne Satan, mo ik lok limixin kusu dinak marat at lanmet.

Ibru 7:1

Na leeme ne Melkisedek, gano neni loorong silok to Salem la neni lamaasa at ne Moroa i silok aleng. Neni ga ekip tangarang mi ne Abaram at laaleng ne Abaram eburu mi limixin teren digamlong boro at leesep no diga sep kepe leventaba lavaorong silok la limixin atdi; la ne Melkisedek ga lox anarong i.

Jems 2:19

I lox avukat do una nuunu do legesa Moroa xusuk mun. I ruturun, ketla lubunggas bok di nuunu xuren la dik marat aleng.

2 Pita 2:4

Kerepmo ne Moroa goxo ke atnaasan lubungangelo diga lok laxapmek, ketla neni ga lu arup midi to at lemenemen songsongot, la dik lok keneng at loxokoxo at lamain, la diba nemen go se at laaleng ete.

1 Jon 3:8

Do tara ik lox amisik laxakapmek, neni at ne Satan, mila ne Satan ga lok laxakapmek, ga ru ka i ganoxa at lereot. Lavasuun at lovotpot at ne Nitna ne Moroa do neni na sele utut kepe lugugu at ne Satan.

Lovoang At Ne Jut 1:6

Mina doma avukat box i na; gano lentaba at lubungangelo diga ke xepe lixitkis silok atdi la diga onon tino basinge lemenemen atdi ro vana at laxalibet. Kuren la ne Moroa ga lok li di ro at lamain bonot la ga xoxo di mi lemparoos sen naba nemen amisik. La dinaba nemen go se at laaleng silok ne Moroa naba ronga linga at limixin axap; la ap mo laaleng ne Moroa ba lok li lumumuat atdi.

Lisilimet 12:12

Kuren la mina momo, nemi limixin mik lok de vana at laxalibet. Ketla naba lolos aleng tinedi limixin di nemen to xopok at lavatbung menemen la to saparap laras; mila ne Satan ira si vam saparap nimi la i musak aleng tinotno, mila ikleklen i do neni noxo nemen abao ro xopok.” Jop 1:9-11, Sam 96:11