Lagale Lavavang At Ne Iesu Karisito Mak Ga Malagan I 3:18 - Madak

¹⁸ La bok ne Endru la ne Pilip, la ne Batolomiu, la ne Metiu, la ne Tomas, la ne Jems nitna ne Alpias, la ne Tadias, la ne Simon, neni lara at libinam tadi me Selot,

Lagale Lavavang At Ne Iesu Karisito Mak Ga Malagan I 3:18 Iomraidhean Croise

Metiu 13:55

Neni mun lamdak at ne Josep laradi xipkip gu! La ne Maria neni nenen, la ne Jems, la ne Josep, la ne Simon, la ne Judas di mun luvutneton;

Metiu 9:9

Iesu ga vas kaxat basinge mo lenep la neni ga ven lara laradi, laasen teren ne Metiu, mo gat kis at loogu xekepe pilas. La ne Iesu ga lok tin, “Una mumu asu ia.” La ne Metiu ga xatu upana la ga mumu asu i.

Lagale Lavavang At Ne Iesu Karisito Mak Ga Malagan I 2:14

La melemu ni gat pas uto lixilik la ga ven ne Levi nitna ne Alpias, gat kis to at loogu xekepe pilas. La ne Iesu ga lok tin keretna, “Una mumu asu ia.” La ne Levi ga xatu la ga mumu asu i.

Lagale Lavavang At Ne Iesu Karisito Mak Ga Malagan I 3:17

la ne Jems du lueton mi ne Jon, lumdak at ne Sebedi; Iesu ga raba bok du mi lara laasen, ne Boaneges, lavasuun at nom loxolinga xeretna, di paase mukmusak ngan lavanga i mam.

Lagale Lavavang At Ne Iesu Karisito Mak Ga Malagan I 3:19

la ne Judas Iskariot, neni nom laradi ga song araba ne Iesu ri limixin kapmek.

Lagale Lavavang At Ne Iesu Karisito Mak Ga Malagan I 6:3

Neni laradi gugu gu mene la neni ne nitna ne Maria la neni neton ne Jems, ne Joses, ne Judas, la ne Simon, nedi di nemen de la luvurinen bok di nemen de at na lemenemen.” La kerepmo limixin diga raba arulu ne Iesu.

Lagale Lavavang At Ne Iesu Karisito Jon Ga Malagan I 1:40

Endru, neton ne Simon Pita, neni lara atdu ga ronga mo levelinga at ne Jon la ga emu mi ne Iesu.

Lagale Lavavang At Ne Iesu Karisito Jon Ga Malagan I 11:16

Tomas lara laasen bok teren ne Didimas ga lok ti mo luvuttadi loklok ka anasa xeretna, “Ata emu eburu min, kusu ataba met eburu min.”

Lagale Lavavang At Ne Iesu Karisito Jon Ga Malagan I 14:22

Judas (kopmen ne Judas Iskariot) ga sue i, “Leeme Silok, naba lok kereva la una lok nama xusu mana ven u, la kopmen limixin at na lavatbung menemen?”

Lagale Lavavang At Ne Iesu Karisito Jon Ga Malagan I 21:2

At lara laaleng ne Simon Pita, la ne Tomas, laasen bok teren ne Didimas, la ne Natanael boro Kena at lenep silok Galili, la lumdak at ne Sebedi, la lara laradi loklok ka anasa bok digak lox eburu.

Leven Gugu 1:13

Diga vubeles uto xeneng at lemenemen silok Jerusalem la diga vubeles uto vana at loogu diga nemen teren; Pita, Jon, Jems la ne Endru, Pilip la ne Tomas, Batolomiu la ne Metiu, Jems nitna ne Alpias, Simon neni at lubungmixin me Selot; la ne Judas nitna ne Jems.

Leven Gugu 15:13

Melemu at lavapaase atdu, Jems ga lok keretna, “Luvutnetak, mina ronga ia!

Leven Gugu 21:18

Ap mo lara laaleng melemu nema mi ne Pol magat pas kusu mana ven ti ne Jems; la nedi axap luvuttadi amgomgo at lotu go Jerusalem diga rupot to ap mo lovotpot buru.

1 Korin 15:7

La melemu neni ga ru asuvos ti ne Jems la tinedi bok luvuttadi vavang axap.

1 Korin 9:5

La kereva, i epovo do ana lok kaka tatkin nuunu eburu minia at levempatpas tarak, kerekngan mun lentaba luvuttadi vavang, la luvutneton ne Iesu, la ne Pita dik lox i?

Galesia 1:19

La nenia a goxo ven tu ap mo lentaba lavaun pavang bok, ketla ne Jems kusuk mene nga, neni neton Leeme Silok.

Galesia 2:9

La ne Jems, ne Pita la ne Jon, nedi na lubung angkipkip at lotu, diga ven kibis i do ne Moroa ga raba nema’ mi ne Banabas mi na lugugu i lok petpes tinotno; kuren la diga etep tikngen minama’ mi ne Banabas, ga lok ngan loklok katling do nema axap ma ruuna legesa gugu mene nga. La diga lok lisisiam do nema’ mi ne Banabas, maba gugu xantubu at limixin kopmen di me Judaia, la nedi diba gugu ro at leme Judaia.

Jems 1:1

Nenia ne Jems, lasaxaruki at ne Moroa la at Leeme Silok ne Iesu Karisito. Nia a malagan na levelinga ri lasangaun mi legepura larabibinat me Judaia di epeseves at na lavatbung menemen axap. Nia a malagan lavapaase momo rinemi.

Lovoang At Ne Jut 1:1

Nenia ne Jut, lasaxaruki at ne Iesu Karisito, la neton ne Jems. Nia a malagan na lovoang tinemi limixin, mo ne Moroa gara ro xaka vam nimi do tin, la mi rooro xeneng at labalamu at ne Moroa ne Temen dik, la mik lok keneng at loklok tatao at ne Iesu Karisito.