Lagale Lavavang At Ne Iesu Karisito Mak Ga Malagan I 2:5 - Madak

⁵ La ne Iesu ga ven kibis lunuunu atdi la ga lok ti laradi mekmeres keretna, “Lentangas tarak. Leveloklok kakapmek axap taram, a doxoma xepe i.”

Lagale Lavavang At Ne Iesu Karisito Mak Ga Malagan I 2:5 Iomraidhean Croise

Sam 103:3

Neni ga doxoma xepe lengkakapmek tarak la ni ga lok kepe levenanmeres axap tarak.

Metiu 9:2

Lentaba luvuttadi digap kip lara laradi mi loora, labantuxu ren ga molo axap la diga vosiga ne Iesu. Se ne Iesu ga ven kibis lunuunu atdi, ni ga lok ti mo laradi mekmeres keretna, “Nuruk, una lolos. Leveloklok kakapmek axap taram, a doxoma xepe i.”

Metiu 9:22

La ne Iesu ga rem gili la ga ven kora ka i. La ga lok tin, “Latkin. Una lolos. Lunuunu ram ira lox avukat pam u.” La ap mo mun loxonaleng mo latkin ga lox avukat ta.

Metiu 9:5

Ua levelinga kopmen na lolos ti tong i; leveloklok kakapmek taram ara doxoma xepe vam i, kopla ana tong i do, katu kaxat la unat pas?

Lagale Lavavang At Ne Iesu Karisito Mak Ga Malagan I 2:6

La lentaba luvuttadi mamalagan digat kis go, diga ronga nom levelinga at ne Iesu la diga esue at levendoxoma atdi xeretna,

Lagale Lavavang At Ne Iesu Karisito Mak Ga Malagan I 5:34

Ketla ne Iesu ga lok tin, “Latkin, lunuunu ram i lox avukar u. Unat pas at lenmila la lanmeres ira xap tinotno nga.”

Lagale Lavavang At Ne Iesu Karisito Luk Ga Malagan i 5:20

Se ne Iesu ga ven kisip lunuunu atdi, neni ga lok ti nom laradi, “Lentangas tarak, leveloklok kakapmek axap taram, a doxoma xepe i.”

Lagale Lavavang At Ne Iesu Karisito Luk Ga Malagan i 8:48

La ne Iesu ga lok tin, “Latkin, lunuunu ram i lok avukar u. Unat pas at lenmila.”

Lagale Lavavang At Ne Iesu Karisito Jon Ga Malagan I 2:25

Goxo epovo bok do teta gita re ri ne Iesu mumu loklok at limixin mila neni gaklen levempanga axap ga nemen keneng at lorooro atnedi.

Lagale Lavavang At Ne Iesu Karisito Jon Ga Malagan I 5:14

Melemu ba, Iesu ga vas panga ka i ro xeneng at loogu laplavang la ga lok, “Una ronga i na. Monga u lox avukat pam. Una xap ta rik lok laxakapmek; lavanga tavanga i lok kapmek aleng ba vot parav u.”

Leven Gugu 11:23

Ni ga rupot la ni ga ven i do ne Moroa ga lox aumsu mo limixin mi letaba nabalamu ren. Ni ga lok momo la ga vaase lolos tinedi axap kusu dina tu lolos mi lunuunu la luruturun atnedi saparap Leeme Silok mi lodoxoma atdi axap.

Leven Gugu 14:9

Gat kis go la gang tonga levelinga at ne Pol. Pol ga saga xatli ren la ga ven kibis i do mo laradi ga nuunu do ne Moroa ga epovo ri lox aroo i.

Leven Gugu 5:31

Moroa ga xiv aurur i upana la ga vaxaxis i ro at lekngen tino mila neni lamgomgo la Laradi Loklox Arooro xusu na raba limixin me Israel mi langas ti leeng basinge laxakapmek atdi la ne Moroa naba doxoma xepe i.

1 Korin 11:30

Nom mene i lavasuun teren la buaang atnemi dik meres la labantuxu atdi i molo, la leventaba dira remet.

2 Korin 2:10

Do nemi mina doxoma xape laxapmek teren, nenia bok aba doxoma xape i; ketla axok pakes ti doxoma xepe laxakapmek teren, ketla i epovo do nia ana lox i xuren kusu ana ru tooro nimi at lemeren ne Karisito.

Epesas 2:8

Moroa ga lox arooro nedik maxeneng at letaba nabalamu ren, mo letaba nabalamu ik lok tinedi di nuunu at ne Iesu Karisito. Limixin kopmen dina epovo kusu dina lox arooro nedi xa; ketla mo letaba nabalamu, ni laramtaba boro at ne Moroa.

Kolosi 3:13

Mina mulus kaka nedi limixin di vamigis nimi la mina domampe laxakapmek atnedi di lok laxakapmek tinimi. Mina domampe laxakapmek atnedi kerekngan Leeme Silok i doxoma xepe laxakapmek atnimi.

Jems 5:15

Mo do nedi di nuunu ruturun do Leeme Silok naba lox aroo mo laradi, Leeme Silok naba lox aroo i. La do neni ga lok laxakapmek, Leeme Silok naba doxoma xepe laxakapmek teren.