Metiu 9:8 - Madak

⁸ Se mo limixin axap diga ven i na, diga lingun, la diga emi asu mi ne Moroa, mo ga raba lololos kerepmo ti limixin.

Metiu 9:8 Iomraidhean Croise

Metiu 12:23

La limixin axap diga sangu la diga esue, “Kereva, na laradi neni Lanarong, la livisik li at ne Devit?”

Metiu 15:31

Limixin diga sangu aleng atla diga ven lenbaalung baa diga paase; la luvuttadi mi levengkikngen di mi lengkangkedek ga lok kapmek, diga lox avukat; la nedi di goxot pas gano, digat pas ta; la lengkatli main, diga reven; la diga emi asu aleng mi ne Moroa me Israel.

Metiu 28:18

La ne Iesu ga vas saparap nedi la ga lok tidi xeretna, “Moroa gara raba vam ia mi lololos axap to vana laxalibet la de xopok at lavatbung menemen.

Metiu 5:16

La kerepmo bok laxasep atnemi na soso ro melamgo at limixin, kusu diba reven leveloklok nunuan mik lox i, la diba emi asu mi ne Moroa ne Temen nimi boro vana at laxalibet.”

Metiu 9:7

La mo laradi ga xatu kaxat la gat pas uto xolonu.

Lagale Lavavang At Ne Iesu Karisito Mak Ga Malagan I 2:12

La nom laradi ga xatu kaxat, la ga xip kaka loora ren la ga vas kaxat. La nedi axap diga ven i, diga sangu aleng la diga emi asu mi ne Moroa la diga epaase xeretna, “Nedik goxovisi ven tempanga xeretnom.”

Lagale Lavavang At Ne Iesu Karisito Mak Ga Malagan I 7:37

La nom limixin diga sangu aleng la diga lok keretna, “Lempanga axap ne Iesu ik lox i, i nunuan aleng. Ni i lox aroo levenbaalung at luvuttadi ba la i lox aroo luvuttadi kopmen dina paase.”

Lagale Lavavang At Ne Iesu Karisito Luk Ga Malagan i 13:13

Iesu ga lok li lukngen to at nom latkin la soso mun latkin ga lox akmokso lengkot teren upana la ga emi asu mi ne Moroa.

Lagale Lavavang At Ne Iesu Karisito Luk Ga Malagan i 17:15

Se lara atdi ga ven i do ga lox avukat, gamlong, la gap kup silok mi leemi asu mi ne Moroa.

Lagale Lavavang At Ne Iesu Karisito Luk Ga Malagan i 17:18

Tila ba la na laradi boro Samaria, neni xusuk mun legesara imlong kusu na tong loklox avukat ti ne Moroa?”

Lagale Lavavang At Ne Iesu Karisito Luk Ga Malagan i 18:43

La soso mun neni ga lox epovo i kusu na reven, la ni ga mumu asu ne Iesu, la ga emi asu mi ne Moroa. Se limixin diga ven i na, nedi axap diga emi asu mi ne Moroa.

Lagale Lavavang At Ne Iesu Karisito Luk Ga Malagan i 2:20

Luvuttadi loklok tatao sipsip digamlong, diga emi asu mi ne Moroa ti nom lempanga diga ronga i la diga ven pam i, kerekngan laangelo ga vaase di min.

Lagale Lavavang At Ne Iesu Karisito Luk Ga Malagan i 23:47

La laasesep ga ven i na la ni ga emi asu mi ne Moroa la ga lok, “I ruturun tinotno, neni laradi mokmokso.”

Lagale Lavavang At Ne Iesu Karisito Luk Ga Malagan i 7:16

Limixin axap diga lingun la diga emi asu mi ne Moroa, la diga lok, “Langsangan leeme vapaase alii ira vot pam kantubu atdik! La ne Moroa ira vot pam kusu na lox arooro limixin teren!”

Lagale Lavavang At Ne Iesu Karisito Jon Ga Malagan I 15:8

Do mina visik aleng, miba lox asuusu ba i do nemi luvuttadi loklok ka anasa rak, la miba lox asilok laasen at ne Tamak.

Leven Gugu 11:18

Diga ronga i na la lodoxoma atdi ga lok mulus la diga emi asu mi ne Moroa. Diga lok, “Moroa ira suang pam langas ti lorooro xusu limixin kopmen di me Judaia, dina leeng basinge laxakapmek atnedi la dina ruuna ka lorooro maxat.”

Leven Gugu 21:20

Melemu at levelinga at ne Pol, limixin diga emi asu mi ne Moroa. La diga lok ti ne Pol, “Neton nama. U ven i do, buaang limixin me Judaia di nuunu, la nedi dim tebeng lolos Lenavolo.

Leven Gugu 4:21

Luvuttadi amgomgo diga vaase lolos aleng tidu, la melemu diga soxomus asu du. Di goxo epovo do dina sev amarat du; mila buaang limixin diga emi asu mi ne Moroa ri mo lavanga sangsangu ga rupot kantubu atdi.

2 Korin 9:13

Mo laramtaba atnimi ba lox asuusu i do nemi limixin tuturun; la limixin petpes diba emi asu mi ne Moroa mumu lorongtonga res mi lurutu lolos atnimi ri Lagale Lavavang at ne Karisito, la mumu bok mo lomomo atnimi ri lok tooro mi leventamtaba ridi la ti limixin petpes bok.

Galesia 1:24

Kuren la diga xip aurut laasen at ne Moroa la diga emi asu min mumu mo levempanga ga ravasu at lorooro rak.

1 Pita 2:12

La minap tuvuk avukat at lemeren nedi lavamolon, la mo do dina sok taba parang nemi mi toloklok kakapmek, nedi dinaba ven kibis ba leveloklok nunuan atnemi la dinaba emi asu mi ne Moroa at laaleng potpot teren.