Metiu 9:6 - Madak

⁶ Ketla a vara minaklen i do nenia, Laradi Mevana, a ruuna lololos at na lavatbung menemen kusu ri doxoma xepe leveloklok kakapmek.” La ne Iesu ga vaase bok ti mo laradi xeretna, “A tong i ru, una xatu upana la una xip kaka loora ram la una vas kaxat uto xolonu.”

Metiu 9:6 Iomraidhean Croise

Metiu 4:24

Levelinga mumu ne Iesu ga epeseves keneng at lenep silok axap Siria. Kuren la limixin diga lok kaka nedi luvuttadi digak meres mi levenasen anmeres axap, la nedi bok diga suma levesongsongot silok, la nedi luvuttadi mi lubunggas ga suxuna di, la nedi diga ruuna lanmeres diga so asen i do lobomet, la nedi labantuxu atdi ga molo axap. La ne Iesu ga lox aroo nedi axap.

Metiu 8:20

La ne Iesu ga lok tin, “Lubungman sio di ruuna lengkot mikmidi atdi, la lavapixa di ruuna levempotpos atdi, ketla nenia, Laradi Mevana, axo ruuna temenemen kusu ria rik midi la na lok mamana ren.”

Metiu 9:2

Lentaba luvuttadi digap kip lara laradi mi loora, labantuxu ren ga molo axap la diga vosiga ne Iesu. Se ne Iesu ga ven kibis lunuunu atdi, ni ga lok ti mo laradi mekmeres keretna, “Nuruk, una lolos. Leveloklok kakapmek axap taram, a doxoma xepe i.”

Metiu 9:5

Ua levelinga kopmen na lolos ti tong i; leveloklok kakapmek taram ara doxoma xepe vam i, kopla ana tong i do, katu kaxat la unat pas?

Metiu 9:7

La mo laradi ga xatu kaxat la gat pas uto xolonu.

Lagale Lavavang At Ne Iesu Karisito Mak Ga Malagan I 2:10

Ketla a vara i do minaklen i do, nenia, Laradi Mevana, a ruuna lololos at na lavatbung menemen ti doxoma xepe leveloklok kakapmek.” La ni ga lok ti mo laradi mekmeres keretna,

Lagale Lavavang At Ne Iesu Karisito Mak Ga Malagan I 2:7

“Na laradi i paase kereva? I paase vupu ri ne Moroa. Nege i epovo ti doxoma xepe leveloklok kakapmek? Moroa xusuk i epovo.”

Lagale Lavavang At Ne Iesu Karisito Luk Ga Malagan i 5:21

Luvuttadi loklox ase at Lenavolo eburu mi lubung Parisi diga epaase kantubu atdi xeretna, “Nege i na laradi i paase vupu ri ne Moroa xeretna? Kopmen teta i epovo kusu na doxoma xepe laxapmek at tara; Moroa xusuk mun i epovo!”

Lagale Lavavang At Ne Iesu Karisito Jon Ga Malagan I 10:28

A raba nedi mi lorooro avolo la di noxo seeve rinotno; la tara noxo lok kepe di basinge ia.

Lagale Lavavang At Ne Iesu Karisito Jon Ga Malagan I 17:2

Nenu ga raba ia mi lololos tim gomgo ri limixin axap kusu ana raba lorooro avolo rinedi, uga raba ia midi.

Lagale Lavavang At Ne Iesu Karisito Jon Ga Malagan I 5:27

La neni ira siam avolo vam ia, ne Nitna xusu anaba ronga linga at laaleng ete, mila nenia Laradi Mevana.

Lagale Lavavang At Ne Iesu Karisito Jon Ga Malagan I 5:8

Melemu ne Iesu ga lok tin, “Katu kaxat, kip kaka lempanga mikmidi ram la una onon.”

Leven Gugu 5:31

Moroa ga xiv aurur i upana la ga vaxaxis i ro at lekngen tino mila neni lamgomgo la Laradi Loklox Arooro xusu na raba limixin me Israel mi langas ti leeng basinge laxakapmek atdi la ne Moroa naba doxoma xepe i.

Leven Gugu 9:34

Pita ga lok tin, “Inias. Iesu Karisito i lox aroo u. Katu kaxat la una sa avukat loora ram.” Ap mo mene loxonaleng Inias ga xatu kaxat upana.

2 Korin 2:10

Do nemi mina doxoma xape laxapmek teren, nenia bok aba doxoma xape i; ketla axok pakes ti doxoma xepe laxakapmek teren, ketla i epovo do nia ana lox i xuren kusu ana ru tooro nimi at lemeren ne Karisito.

2 Korin 5:20

Kuren la nema ma paase katling ne Karisito, la ne Moroa i toro rinimi xeneng at levempapaase atnama. Ma sing nemi at laasen at ne Karisito do mina ke ne Moroa na vaxat ka nimi uto saparav i.

Epesas 4:32

La mina suxa lorooro atnimi mi lebelen tuntun la labalamu kantubu atnemi limixin nuunu, la mina domampe laxakapmek atnimi getgesara kerekngan ne Moroa ga lok pes laxakapmek atnimi at laasen at ne Karisito.

Kolosi 3:13

Mina mulus kaka nedi limixin di vamigis nimi la mina domampe laxakapmek atnedi di lok laxakapmek tinimi. Mina domampe laxakapmek atnedi kerekngan Leeme Silok i doxoma xepe laxakapmek atnimi.