Metiu 9:11 - Madak

¹¹ Se lubung Parisi diga ven i na, diga sue luvuttadi loklok ka anasa ren keretna, “Tila leeme loklox ase atnimi i anan eburu mi limixin loklok ka pilas mi limixin kapmek?”

Metiu 9:11 Iomraidhean Croise

Metiu 11:19

Ketla nenia, Laradi Mevana, aga vot, la nia a anan la a inin, la limixin di lok, ‘Mina ven ba i na laradi! Neni laradi xoxo anan la laradi inin, la i etangas mi luvuttadi loklok ka pilas eburu mi limixin kapmek!’ Ketla lugugu at ne Moroa i pisik avukat la kerepmo i lox asuusu i do lodomdoma alii at ne Moroa i lox avukat.”

Metiu 5:46

Mo do nemi xa mi balamu xusuk mun nedi di balamu nimi, ne Moroa xopmen noxo raba nimi mi luunun. Limixin kapmek kerekngan luvuttadi loklok ka pilas bok dik lox i na.

Metiu 9:10

La ne Iesu gat kis at laanan to xeneng at loogu at ne Metiu la buaang atnedi luvuttadi loklok ka pilas, la lentaba limixin kapmek bok diga rupot la diga anan eburu mi ne Iesu mi luvuttadi loklok ka anasa ren.

Lagale Lavavang At Ne Iesu Karisito Mak Ga Malagan I 2:16

La luvuttadi mamalagan mi lubung Parisi diga ven i do ne Iesu ga anan eburu mi nom limixin kapmek la diga lok ti luvuttadi loklok ka anasa at ne Iesu xeretna, “Tila ne Iesu i anan eburu mi nom luvuttadi loklok ka pilas la limixin kapmek?”

Lagale Lavavang At Ne Iesu Karisito Luk Ga Malagan i 19:7

Mo limixin diga ven i na, diga epaase ngunungun keretna, “Leeme Silok it pas ngan loose uto at loogu at laradi xapmek!”

Lagale Lavavang At Ne Iesu Karisito Luk Ga Malagan i 5:30

Lentaba atnedi lubung Parisi la lentaba bok atdi luvuttadi loklox ase at Lenavolo, diga vaase kuxurung ti luvuttadi loklok ka anasa at ne Iesu. Diga sue xeretna, “Tila mi anan la mi inin eburu mi luvuttadi loklok ka pilas la limixin kapmek bok?”

Leven Gugu 11:3

Diga lok, “Nenu loose mun keneng at loogu atnedi limixin kopmen di me Judaia, kopmen dina rivit kepe lengkontuxu atnedi; la nenu uga anan eburu minedi.”

Galesia 2:15

Limixin me Judaia di tong i xeretna, “Nema limixin me Judaia, la nema xopmen mana ngan nedi limixin kopmen di me Judaia dixo mumu asu Lenavolo.”

Ibru 5:2

Lamaasa gomgo im suma leveloklok tong pen, kuren la i epovo do ni na suma rooro nedi di lok laxakapmek mila kopmen dinaklen i do mo levempanga i lok kapmek.

2 Jon 1:10

Do tara i vot pasa nimi la i vaase asu levenanasa kopmen at ne Karisito, keket mita mulus ka i. La keket mita lok maraose min la mina seega rangarang i.