Metiu 8:8 - Madak

⁸ La mo laasesep ga lok tin keretna, “Leeme Silok, nenu leeme silok la ixo lox avukat do una beles at loogu rak. Ketla una tong mun i la lasaxaruki rak naba lox avukat.

Metiu 8:8 Iomraidhean Croise

Sam 10:17

O Leeme Silok, unabang tonga levesing at limixin di lox alixilik di maxopok taram. La unaba lox abelemes nedi.

Sam 107:20

Neni ga tong asu levelinga ren ti lok pes leven anmeres atdi, la neni ga lox asepsu di basinge lanmet.

Sam 33:9

Ni ga vaase mene, la lavatbung menemen ga raut. At lavapaase mun teren levempanga axap ga ravasu.

Metiu 3:11

La ne Jon ga lok bok, “A sep susu nemi mi ladan kusu mina lox asuusu i do mira leeng pam basinge leveloklok kakapmek atnimi; ketla lara mo naba mumu bok ba rak. Neni naba sep susu nimi mi Loroonan Kaala la laxao ri limixin tongtonga xepe. Lololos teren i volo lololos tarak. Axo epovo kusu anap kip luvanga vatpas teren mila i silok aleng tia.

Metiu 3:14

Ketla ne Jon ga lok tin, “Ixo epovo xusu una mu asu i na. I epovo do nenu una sep susu ia. La tila xa la ura sing ia do ana sep susu u?”

Metiu 8:3

Iesu ga song su mi lekngen la ga long tu ren, la ga lok tin, “A vara i. Lanmeres taram na xap ta.” La soso mun mo lanmeres ga xap basinge mo laradi.

Metiu 8:7

La ne Iesu ga lok tin, “Nia abat pas ti lox aroo i.”

Metiu 8:9

Nenia aklen i do nenu u epovo ri lox i na mila nenia bok a nemen maxopok at lentaba amgomgo rak la lentaba bok di nemen maxopok tarak. La mo do a lok ti tara, ‘Unat pas,’ neni bat pas. Do a lok ti tara, ‘Ude u,’ neni bat pas saparav ia; la do a lok ti lasaxaruki rak, ‘Una lox i na,’ la neni naba lox i.”

Lagale Lavavang At Ne Iesu Karisito Luk Ga Malagan i 15:19

Ixo epovo bok ba xusu una tong ia do lamdak taram; una lox ia ngan lasaxaruki ram.’

Lagale Lavavang At Ne Iesu Karisito Luk Ga Malagan i 15:21

La lamdak ga lok, ‘Tamak, agara lok pam laxakapmek ti ne Moroa la tu bok. Ixo epovo bok ba xusu una tong ia do lamdak taram.’

Lagale Lavavang At Ne Iesu Karisito Luk Ga Malagan i 5:8

Simon Pita eburu mi larapen tangas teren, diga sangu aleng at laxanmat diga loloa xaka i. Lumdak bok at ne Sebedi, Jems mi ne Jon duga sangu aleng. Se ne Simon Pita ga ven na lavanga ga vot, neni ga xis tiktikbu mi luvatgulom teren to melamgo at ne Iesu la ga lok, “Leeme Silok, uto u basinge ia! Nia laradi xapmek!” Iesu ga lok ti ne Simon, “Nemen uta marat. I ru ka i lingina uba loloa ka limixin!”

Lagale Lavavang At Ne Iesu Karisito Jon Ga Malagan I 1:27

Neni mo naba vot melemu rak, ketla nenia axo epovo xusu ana soxomus luvanga vatpas teren mila i silok aleng tia.”