Metiu 8:4 - Madak

⁴ La ne Iesu ga lok tin, “Nemen uta tong box i na ri tara, ketla unat pas uto at lamaasa, la neni na ven mumu u; melemu una lok laramtaba ram ti ne Moroa ngan ne Moses ga tong i, kusu ri lox asuusu i ri limixin axap do nenu mo ura lox avukat ta.”

Metiu 8:4 Iomraidhean Croise

Metiu 10:18

Diba vaxaru nimi ro melamgo at luvuttadi amgomgo la to bok melamgo at lavaorong silok mila mi mumu asu ia, la miba tong asu Lagale Lavavang tidi la ti limixin kopmen di me Judaia.

Metiu 16:20

La neni ga vaase lolos ti luvuttadi loklok ka anasa ren do di noxo tong asu i na ri teta.

Metiu 17:9

Diga si at lakaana la ne Iesu ga tong lolos i ridi do, “Nemen mita tong i na ri teta, se nenia, Laradi Mevana, anaba roo xat amlong basinge lanmet.”

Metiu 3:15

Ketla ne Iesu ga vorang i rin keretna, “Una lok lavanga salai nia ara tong pam i, mila at na mun i langas la neda ata ba lox asorun lempanga sai ik mokso ne Moroa i vara i.” Kuren la ne Jon ga mu asu lodoxoma at ne Iesu.

Metiu 5:17

La ne Iesu ga lok bok tidi, “Nemen gat mita nua i do aga vot kusu ana lok pes Lenavolo at ne Moses la levenanasa at lavaeme vapaase alii. A goxo vot kusu ana lok pes i, ketla aga vot ti lox epovo levelinga ren.

Metiu 6:1

La ne Iesu ga lok bok tidi, “Mina lok tatao alabat nemi, la nemen mita lok leveloklok nunuan to melamgo at limixin kusu limixin dina ven i la diba emi asu minimi. Mo do mina mu asu na loklok, mi noxo lok ka luunun tinimi boro at ne Temen nimi no vana at laxalibet.

Metiu 9:30

La levengkatli atdu ga lox avukat ta. La ne Iesu ga paase lolos tidu xeretna, “Nemen muta tong i na ri teta.”

Lagale Lavavang At Ne Iesu Karisito Mak Ga Malagan I 13:9

Ketla mina lok tatao avukat nimi. Tentaba diba ranga alis nimi la miba tu at lavapaase ro melamgo at lavaeme silok la dibak pixis nimi ro at laraugu singising. La miba tu at lavapaase ro melamgo at lavaeme amgomgo mi lavaorong silok mila nemi mi nuunu rak, ketla miba tong asu Lagale Lavavang tidi.

Lagale Lavavang At Ne Iesu Karisito Mak Ga Malagan I 3:12

La ne Iesu ga vaase pe lubunggas dola di noxo tong asu i ri limixin dola neni Nitna ne Moroa.

Lagale Lavavang At Ne Iesu Karisito Mak Ga Malagan I 5:43

La ne Iesu ga tong lolos i ridi dola di noxo tong asu nom lavanga ri teta, la ni ga tong i ri ne temen mi ne nenen loolik dola duna raba i mi lempanga anan. La ne Iesu gat pas tangtagap ti levenmenemen kusu na anasa limixin.

Lagale Lavavang At Ne Iesu Karisito Mak Ga Malagan I 6:11

Do limixin di noxo siam ka nemi la di noxo ronga levelinga atnimi, mina on basinge mo lemenemen la mina semla xepe lengkakup at lengkangkedek atnimi, i ngan loklok katling tidi xusu ri lox asuusu levenmukmusak at ne Moroa.”

Lagale Lavavang At Ne Iesu Karisito Mak Ga Malagan I 7:36

La ne Iesu ga tong alolos i ridi dola di noxo tong asu nom lavanga ri teta ketla di goxo ronga res teren, diga vaase asu i ri limixin axap. Amisik ne Iesu gap sep pepe limixin kerepmo, ketla amisik limixin diga tong asu lempanga sangsangu ne Iesu ga lox i.

Lagale Lavavang At Ne Iesu Karisito Mak Ga Malagan I 8:30

La ne Iesu ga vaase lolos tidi dola di noxo tong asu i na ri teta.

Lagale Lavavang At Ne Iesu Karisito Mak Ga Malagan I 9:9

La diga si ukopok at lavatkaana la ne Iesu ga sep pepe di do di noxo tong asu na lavanga ri teta se at laaleng Laradi Mevana naba roo xat amlong.

Lagale Lavavang At Ne Iesu Karisito Luk Ga Malagan i 17:14

Iesu ga ven di la ga lok tidi, “Minat pas la mina lox ase labantuxu atnimi ro at lavamaasa.” Diga vas kaxat la to at langas nedi axap diga lox avukat.

Lagale Lavavang At Ne Iesu Karisito Luk Ga Malagan i 21:13

Ap mo loxonaleng miba epovo xusu mina vaase asu Lagale Lavavang.

Lagale Lavavang At Ne Iesu Karisito Luk Ga Malagan i 4:41

Iesu ga paase ri lubunggas la lubunggas bok diga vas su basinge buaang nedi limixin, la lubunggas digap kup keretna, “Nenu nitna ne Moroa!” La ne Iesu ga vaase lolos tidi la ni xopmen goxo ke xepe tara atdi gita vaase, mila digaklen i do neni Lanarong.

Lagale Lavavang At Ne Iesu Karisito Luk Ga Malagan i 5:14

Iesu ga vaase lolos tin, “Nemen uta tong box i na ri tara, ketla unat pas uto at lamaasa, la neni na ven mumu u; melemu una lok laramtaba ram ti ne Moroa ngan ne Moses ga tong i, kusu ri lox asuusu i ri limixin axap do nenu mo ura lox avukat ta.”

Lagale Lavavang At Ne Iesu Karisito Luk Ga Malagan i 8:56

Temen mi nenen duga sangu aleng, ketla ne Iesu ga vaase lolos di do nemen di guta tong i na lavanga ri teta.

Lagale Lavavang At Ne Iesu Karisito Luk Ga Malagan i 9:21

La ne Iesu ga vaase pe lolos di, do nemen di guta tong i ri tara do neni Lanarong.

Lagale Lavavang At Ne Iesu Karisito Jon Ga Malagan I 5:41

Nia a goxo vot de xusu ti lok ka leemi asu.

Lagale Lavavang At Ne Iesu Karisito Jon Ga Malagan I 7:18

Laradi do i paase aru xa i, neni i ngan do i lox asilok axa i. Do tara i vara i do na lox asilok mo lara ga riki i, neni i paase ruturun la kopmen taxaxarang na nemen teren.

Lagale Lavavang At Ne Iesu Karisito Jon Ga Malagan I 8:50

Axo vara i do ana lox asilox ia xusu limixin diba lok ngangao rak. Ketla ne Moroa i vara i do limixin na lok ngangao rak la neni leeme rongtonga linga.