Metiu 8:2 - Madak

² La lara laradi ga meres mi lanmeres gu ga vot posiga ne Iesu la ga xis tiktikbu mi luvatgulom teren la ga sing i, “Leeme Silok. Mo do u vara i, una lox aroo ia.”

Metiu 8:2 Iomraidhean Croise

Metiu 10:8

Mina lox avukat levenanmeres, la mina lox arooro amlong luvuttadi met, la mina lox avukat nedi levenanmeres gu ik lok atdi, la mina riki asu lubunggas basinge limixin. Nia ara raba gamasa vam nimi mi lololos ti lok na leven gugu; kuren la mina gugu min la nemen gat mita ro unun tin.

Metiu 13:58

Iesu goxo lok solo tempanga sangsangu go mila di goxo ruuna epovo lunuunu.

Metiu 14:33

La luvuttadi loklok ka anasa ro xeneng at lesepang diga lok, “I ruturun aleng do nenu ne Nitna ne Moroa.” La diga lotu saparav i la diga emi asu min.

Metiu 15:25

Nom latkin ga ronga i na la ga xis tiktikbu mi luvatgulom teren la ga lok, “Leeme Silok. Una lok tooro ia.”

Metiu 18:26

Laradi gugu ga xis tiktikbu mi luvatgulom teren la ga lok ngangao ro melamgo at loorong silok la ga sing aleng i, ‘Una balamu ia, la aba sepo axap ba lempilas taram melemu.’

Metiu 2:11

Diga beles ukeneng la diga ven lamdak eburu mi ne Maria, nenen. Diga xis tiktikbu mi lempatgulom atdi la diga milik tiding si ukopok la diga lotu saparav i. La diga suang lengkontonom atdi la diga lok letaba rin mi logol, laxadan somavak, la laxadan mi luunun silok.

Metiu 20:20

Melemu latkin at ne Sebedi ga vot parap ne Iesu mi lumdak teren; la ni ga xis tiktikbu mi luvatgulom teren to melamgo at ne Iesu, la ga vara sing i mi tara tavanga.

Metiu 26:6

Iesu gak lok to Beteni at loogu at ne Simon; gano lanmeres gu gak lok teren.

Metiu 28:17

La at loxonaleng diga ven i, diga lotu saparav i, ketla lentaba atdi levendoxoma atdi ga sixit ekarakat.

Metiu 28:9

La soso mun ne Iesu ga ru tangarang du la ga lok tidu, “Lenmila nak lok buru minumu.” La nedu duga vas li ren la duga rebeng tu at luxangkedek teren la duga lotu saparav i.

Metiu 4:9

La ne Satan ga lok tin, “Ana axap lempanga aba raba u min mo do una xis tiktikbu mi luvatgulom taram de melamgo rak la una lotu saparav ia.”

Metiu 8:1

Iesu ga si boro vana at lakaana la buaang limixin diga emu min.

Metiu 8:25

La luvuttadi loklok ka anasa diga vosiga ne Iesu la diga lox aus i la diga lok, “Leeme Silok, una lox aroo dik, ata seeve nga na.”

Metiu 9:18

Ap mo mun loxonaleng ne Iesu ga tong i na, lara laradi ga vot, neni lara atnedi luvuttadi amgomgo at loogu singising ap mo lemenemen. Ni ga xis tiktikbu mi luvatgulom teren saparap luxangkedek at ne Iesu la ga lok tin, “Ana vam, loolik tarak i met. Ketla una ven be i la una long tu ren la ni naba roo.”

Lagale Lavavang At Ne Iesu Karisito Luk Ga Malagan i 4:27

La buaang nedi luvuttadi mi lanmeres gu diga nemen go Israel at levenaleng at leeme vapaase alii ne Elaisa; ketla ne Moroa goxo lox aroo tara atdi, ni ga lox aroo ne Naiman kusuk mun boro at lenep silok Siria.”

Lagale Lavavang At Ne Iesu Karisito Jon Ga Malagan I 9:38

Mo laradi ga lok, “Leeme Silok, a nuunu ram.” La ni ga xis tiktikbu mi luvatgulom teren to melamgo at ne Iesu la ga lotu saparav i.

Leven Gugu 10:14

Ketla ne Pita ga lok, “Kopmen tinotno, Moroa. Nia xovisi a goxo anan tempanga xeretna mila i bilinga.”

Leven Gugu 10:25

At loxonaleng ne Pita ga lok do na beles ukeneng at loogu at ne Konilias, Konilias ga vas tangarang i, la ga xis tiktikbu mi luvatgulom teren to melamgo at ne Pita.

1 Korin 14:25

la dinaba ven kibis levempanga xakapmek i nemen keneng at lorooro atnedi; at na mun i loklok dinaba xis tiktikbu la dina lok ngangao ri lotu saparap ne Moroa, la dina tong asu i do, “I ruturun tinotno, Moroa i nemen eburu minimi.”

Lisilimet 19:10

Nia aga ronga i na la aga xis tiktikbu mi luvatgulom tarak to saparap luxangkedek teren kusu ana lotu parav i, ketla ni ga lok tia, “Nemen gat uta lotu parav ia. Nenia lasaxaruki mun at ne Moroa kerekngan nenu eburu mi luvutnetam, mo mim tebeng levelinga ruturun at ne Iesu. Una lotu parap ne Moroa. Mo levelinga ruturun ne Iesu ga tong asu i, ni lavasuun at levempavang at luvuttadi vapaase asu levelinga.”