Metiu 8:16 - Madak

¹⁶ Ga ukantinao, limixin diga lam ka larapen tangas atdi uto at ne Iesu, nedi lubunggas ga suxuna di. La ne Iesu ga paase lengkolinga, kuren la ni ga riki asu lubunggas basinge di. La neni ga lox aroo limixin axap digak meres.

Metiu 8:16 Iomraidhean Croise

Metiu 12:22

La limixin diga lam ka lara laradi uto at ne Iesu. Lagas kapmek ga suxuna i la goxo epovo na paase la luxatli ren ga main; la ne Iesu ga riki asu lagas basinge mo laradi la ni ga lox epovo i xusu na paase la na reven.

Metiu 14:14

Se ne Iesu ga oso la ga ven nedi buaang limixin, ni ga balamu aleng di la ga lox aroo nedi, diga meres.

Metiu 8:15

Neni ga long tu at lekngen la liplivi ga on basinge i, la ni ga xatu kaxat upana la ga lox agagas leveluxa ridi.

Metiu 8:33

La nedi mo digak lok tatao laxanbo, diga ven i na; la diga sixit kaxat uto ap mo lemenemen. La diga tong na lavanga ri mo limixin, la diga tong bok mo lavanga ne Iesu ga lox i ri mo luradi.

Metiu 9:2

Lentaba luvuttadi digap kip lara laradi mi loora, labantuxu ren ga molo axap la diga vosiga ne Iesu. Se ne Iesu ga ven kibis lunuunu atdi, ni ga lok ti mo laradi mekmeres keretna, “Nuruk, una lolos. Leveloklok kakapmek axap taram, a doxoma xepe i.”

Lagale Lavavang At Ne Iesu Karisito Mak Ga Malagan I 2:3

La lentaba limixin diga rupot to at nom loogu la lavanuet atdi digap kip lara laradi mi loora ren. Nom laradi ga meres, labantuxu ren ga molo axap.

Lagale Lavavang At Ne Iesu Karisito Mak Ga Malagan I 9:25

La ne Iesu ga ven i dola buaang limixin digak sixit pot, la ni ga vaase lolos ti nom lagas keretna, “Nenu lagas, ugak lox angtangku na lamdak la uga lox aba i; a tong i ru, una ravasu basinge na lamdak la nemen bok ba utamlong mu i.”

Lagale Lavavang At Ne Iesu Karisito Luk Ga Malagan i 13:12

Se ne Iesu ga ven i, neni ga ro ka i uto melamgo atdi la ga lok tin keretna, “Latkin, u lox avukat pam basinge nom lanmeres taram!”

Lagale Lavavang At Ne Iesu Karisito Luk Ga Malagan i 4:40

Ga ukantinao laxangking ga lok do na lotup, mo limixin diga ruuna larapen tangas atdi, digak meres mi levenasen anmeres axap, diga lam ka di uto at ne Iesu; la ni ga lok li lukngen to mavana atnedi getgesara, la ga lox aroo nedi axap.

Lagale Lavavang At Ne Iesu Karisito Luk Ga Malagan i 4:41

Iesu ga paase ri lubunggas la lubunggas bok diga vas su basinge buaang nedi limixin, la lubunggas digap kup keretna, “Nenu nitna ne Moroa!” La ne Iesu ga vaase lolos tidi la ni xopmen goxo ke xepe tara atdi gita vaase, mila digaklen i do neni Lanarong.

Leven Gugu 5:15

Kuren la limixin diga lok kaka luvuttadi mekmeres mi levenora atdi uto at levengkonngas kusu do, ne Pita na vas polo, mo lamamau at lovoovo ren naba lok pavaa di.