Metiu 7:4 - Madak

⁴ Miba tong i ri neton nimi keretna, ‘Netak, una mulus tia kusu ana lok pes nom levendon at laxatli ram,’ ketla nemi xa xopmen mina ven kibis levengkonuna ik lok pe lengkatli atnemi getgesara.

Metiu 7:4 Iomraidhean Croise

Metiu 23:24

Nemi laxangkatli main. Mi mumu asu lengkot at Lenavolo kopmen na mumuat, ketla mixo mumu asu solo mo leveloklok i mumuat. I ngan ta do mi lox asu levenulang kakalik basinge lengkadan vaen atnimi la mi ke lavatkamel nak lok teren.

Metiu 7:3

La ne Iesu ga paase poovo bok keretna, “Nemen mita reven ti nom levendon i nemen at laxatli at neton nimi, la nemi xa kopmen mina long lenget ka levengkonuna ik lok pe lengkatli atnimi.

Metiu 7:5

Nemi lavapen aala. Mina lok pes avot nom levengkonuna ik lok pe lengkatli atnimi, la melemu ba miba ven avukat ba i xusu mina lok pes ba levendon no at laxatli at neton nimi.

Lagale Lavavang At Ne Iesu Karisito Luk Ga Malagan i 6:42

Miba tong i ri neton nimi xeretna, ‘Neton nama, una mulus tinama xusu mana lok pes nom levendon at laxatli ram,’ ketla nemi xa kopmen mina ven kibis lengkonuna ik lok pe lengkatli atnimi. Nemi lavapen aala. Mina lok pes avot nom lengkonuna ik lok pe lengkatli atnimi la melemu ba, miba lok epovo ba i xusu mina lok pes ba levendon no at laxatli at neton nimi.”