Metiu 7:24 - Madak

²⁴ La ne Iesu ga lok bok tidi, “Kuren la, do tara i ronga na lempapaase rak la i ronga res mu i, neni i lok ngan laradi leklen ga xip loogu ren la ga sev asi lemet ukopok tinotno la ga lok nom loogu ren pana at laxanuat.

Metiu 7:24 Iomraidhean Croise

Sam 111:10

Loklok ti lok ngangao at Leeme Silok, neni lurutu kaxat ti levendomdoma nunuan. La im taba lodoxoma mokmokso rinedi ding tonga res teren. Leeme asu rin naba nemen amisik la noxo xap.

Sam 119:130

Losoksoxomus at levelinga ram im taba ia mi laxasep, la im taba bok lakleklen avukat tinedi kopmen takleklen atdi.

Sam 119:99

Aklen aleng polo nedi axap luvuttadi loklok ase rak, mila am doma mumu amisik levempapaase matmatkun taram.

Metiu 12:50

Neni mun i mu asu lavavara at ne Tamak no vana at laxalibet, neni netak, kopla neinuk, kopla ne naga.”

Metiu 16:18

Nia a tong i ru do, nenu ne Pita la nenu Luat Kis la nia aba vaxaru ka lotu rak to mavana ram, la limixin lolos at ne Satan diba lok tong i kusu dina sele utut kepe i, ketla di noxo epovo.

Metiu 24:45

Mo laradi ruturun la lasaxaruki avukat, neni mo, leeme silok teren ba lok katling i xusu na lok tatao lavasaxaruki ren la nam taba di mi levempanga anan at levengkonaleng mokmokso.

Metiu 25:2

Lavalimo atdi diga baulang, la lavalimo digakleklen.

Metiu 25:4

Ketla lavalimo lovosono leklen diga lok ka levengkondan loklox antos babao eburu mi levenbabao atdi.

Metiu 25:9

Ketla lavalimo lovosono leklen diga vorang i ridi xeretna, ‘Kopmen. Agut lengkondan soksok antos babao xopmen na epovo do ridik axap. Minat pas uto at luvuttadi sesep la mina un kaka tengkot tinimi.’

Metiu 7:25

Larakabu ga vot, la ladanut ga sen, la lamanman gat mas lolos mo loogu, ketla loogu goxo rem sup, mila ni gasbo i mi laxanuat.

Metiu 7:26

Ket do lara i ronga na levelinga rak la kopmen ni na mu asu i, neni i lok ngan laradi tangtangku, ga xip loogu ren la gasbo pe i mi laxapulang.

Lagale Lavavang At Ne Iesu Karisito Luk Ga Malagan i 11:28

Ketla ne Iesu ga vorang i rin keretna, “I ruturun, ketla nedi mun di ronga levelinga at ne Moroa la di mumu asu i, Moroa naba lox anarong di.”

Lagale Lavavang At Ne Iesu Karisito Jon Ga Malagan I 13:17

Do mina xasep at na levelinga, la mina lox epovo i, Moroa naba lox anarong nimi.”

Lagale Lavavang At Ne Iesu Karisito Jon Ga Malagan I 14:15

Do mina balamu ia, minaba lok levempanga nia a tong i.”

Lagale Lavavang At Ne Iesu Karisito Jon Ga Malagan I 15:10

Do mina ronga res at levelinga rak, miba nemen keneng at labalamu rak, kerekngan mun nia agang tonga res at levelinga at ne Tamak la aga nemen keneng at labalamu ren.

Lagale Lavavang At Ne Iesu Karisito Jon Ga Malagan I 15:14

Do mina lok levempanga nia aga tong i rinimi, nemi larapen tangas tarak.

Lovoang At Ne Pol Ti Limixin Nunu to Rom 2:13

Kopmen dina so asen limixin do dik mokso atla ding tonga mun Lenavolo, ketla nedi di mumu asu levelinga at Lenavolo dik mokso at lemeren ne Moroa.

1 Jon 2:3

Dola nedik ta mu asu levelinga at ne Moroa, i ngan nedik taklen tinotno i do nedik limixin teren.