Metiu 7:21 - Madak

²¹ La ne Iesu ga lok bok tidi, “Limixin diba tong ia do Leeme Silok, Leeme Silok; ketla kopmen nedi axap diba beles at Linintoo no vana at laxalibet; nedi xusuk mun di mumu asu lavavara at ne Tamak, diba vubeles teren.

Metiu 7:21 Iomraidhean Croise

Metiu 12:50

Neni mun i mu asu lavavara at ne Tamak no vana at laxalibet, neni netak, kopla neinuk, kopla ne naga.”

Metiu 16:17

Iesu ga lok tin, “Luvukat tu, ne Simon lamdak at ne Jona, mila kopmen taradi ga tong asu i na ru, ketla ne Tamak no vana at laxalibet.

Metiu 18:10

La ne Iesu ga lok bok tidi, “Nemen mita sok tixirixes kepe tara at na laxamdak kakalik mila lubung angelo atdi dit pot pasa amisik ne Tamak to vana at laxalibet. Nia a tong tuturun i.

Metiu 18:19

Ana tong box i rinimi do tegepura du mulus do duna sing ti tavanga du vara rin, ne Tamak no vana at laxalibet naba raba du min,

Metiu 18:3

la ga lok, “A tong tuturun i rinimi, tara do ixo leeng basinge laxakapmek teren la ixo lok ka luruptuvuk at laxamdak kakalik, neni xopmen na epovo do na vubeles at Linintoo no vana at laxalibet.

Metiu 18:35

La ne Iesu ga lok, “Ne Tamak no vana at laxalibet naba lok mun nimi xuren do nemi mi noxo domampe laxakapmek tara i lox i rinimi.”

Metiu 19:24

Ana tong box i xeretna. I lolos aleng do lavatkamel na vubeles at lamamara at linil, la kerepmo i lolos aleng bok ti laradi nopnovos kusu ri beles at Linintoo at ne Moroa.”

Metiu 25:10

La lovosono rangtangku digat pas kusu ri un kaka tengkondan soksox antos babao; la ise diga onon, laradi ga gagas ti epot ga vot, la nedi lavalimo lovosono leklen diga vubeles eburu min ukeneng at leluxa at loklox aepot, la lumusaragu ga repe nga.

Metiu 25:21

La mo leeme silok ga lok tin, ‘I lox avukat aleng. Nenu lagale lasaxaruki rak. Nenu ga lok tatao avukat levempanga lixilik. Kuren la nia aba raba u mi laxampanga solo kusu una lok tatao i. Ude u ri leluxa rak. Ata lok momo eburu.’

Metiu 26:39

La ne Iesu ga vas silatla xakalik, la ni ga subu midi mi lumeren uto xopok at laxangka la ga sing ne Moroa xeretna, “Tamak. Kereva, i epovo do una lok pes na lumumuat basinge ia? Ketla nemen gat uta mumu asu lavavara rak, una mu asu lavavara ram.”

Metiu 26:42

La ne Iesu ga vas silatla xakalik ga sev agepura la ga sing, “Tamak. Do ixo epovo una lok pes na lumumuat basinge ia se nia ana lox epovo i, i lox avukat; ana mu asu mun lavavara ram.”

Lagale Lavavang At Ne Iesu Karisito Mak Ga Malagan I 3:35

Neni mun i mu asu lavavara at ne Moroa, neni netak kopla neinuk kopla ne naga.”

Lagale Lavavang At Ne Iesu Karisito Mak Ga Malagan I 9:47

Mo do legesa xatli ram na lox asubu lunuunu ram, una lik gogo su min la una lu xepe min. I lox avukat una vubeles to at Linintoo at ne Moroa mi legesa xatli mene nga. Lavanga ne Moroa na lu arup minu eburu mi luxatli ram uto xeneng at lemenemen songsongot.

Lagale Lavavang At Ne Iesu Karisito Luk Ga Malagan i 11:28

Ketla ne Iesu ga vorang i rin keretna, “I ruturun, ketla nedi mun di ronga levelinga at ne Moroa la di mumu asu i, Moroa naba lox anarong di.”

Lagale Lavavang At Ne Iesu Karisito Luk Ga Malagan i 13:25

Leeme gomgo at nom loogu naba xatu kaxat la na vi pe lumusaragu; la do nemi mina tu ro maxamang la minap dipdi la minak lok, ‘Leeme Silok. Suang lumusaragu rinama!’ Ketla neni naba lok tinimi, ‘Axoklen nimi, la axoklen i do meva nemi.’

Lagale Lavavang At Ne Iesu Karisito Luk Ga Malagan i 18:25

I lolos aleng ti lakamel kusu na beles at lamamara at linil, la kerepmo i lolos aleng bok ti laradi nopnovos kusu ri beles at Linintoo at ne Moroa.”

Lagale Lavavang At Ne Iesu Karisito Luk Ga Malagan i 6:46

La ne Iesu ga tong bok lavapaase poovo ridi xeretna, “Tila mi tong ia do, ‘Leeme Silok, Leeme Silok,’ ketla kopmen mina mumu asu levelinga rak?

Lagale Lavavang At Ne Iesu Karisito Jon Ga Malagan I 14:7

Dola miklen avukar ia, mibaklen avukat bok ne Tamak. I ru ka i mo lingina, miklen ba i la mira ven ba i.”

Lagale Lavavang At Ne Iesu Karisito Jon Ga Malagan I 15:23

Do nege taradi i xopara ia, neni i xopara bok ne Tamak.

Lagale Lavavang At Ne Iesu Karisito Jon Ga Malagan I 3:5

La ne Iesu ga vorang i rin, “A tong tuturun i na ru; do tara noxo lok kaka lesep susu la noxo lok kaka lorooro maxat boro at Loroonan Kaala, neni noxo beles at Linintoo at ne Moroa.

Lagale Lavavang At Ne Iesu Karisito Jon Ga Malagan I 5:17

Iesu ga lok tidi, “Ne Tamak i gugu at levenaleng amisik se lingina, la nenia bok a gugu.”

Lagale Lavavang At Ne Iesu Karisito Jon Ga Malagan I 6:40

mila lavavara at ne Tamak i lok keretna, nedi do di ven kisip ne Nitna ne Moroa la di nuunu ren, dinaba lok ka lorooro avolo, la nia anaba lox aroo xat di at laaleng ete.”

Lagale Lavavang At Ne Iesu Karisito Jon Ga Malagan I 7:17

Do tara i vara i do na lok levempanga ne Moroa i vara i, neni nabaklen kibis ka i do nenia a anasa mi levelinga boro at ne Moroa, kopla a paase aru mene nga ia mi lololos tarak.

Leven Gugu 14:22

Duga lox alolos lunuunu at luvuttadi nuunu, la duga vaase alolos di xusu dina tu tuxuruxun at lunuunu atnedi. Duga lok, “Nedik ataba ekip tangarang mi laxanmumuat solo, la kerepmo ataba beles at Linintoo at ne Moroa.”

Lovoang At Ne Pol Ti Limixin Nunu to Rom 12:2

Nemen gat mita reven seo at laxaloklok at na lavatbung menemen, ketla mina ke ne Moroa na lox ekun levendoxoma atnemi mi lodoxoma ren kusu miba ravasu ngan luvuttadi maxat at levempanga mik lox i, la minaba epovo ba xusu mina long lenget ka lodoxoma at ne Moroa ri levempanga i lox avukat la ik lox amomo i la ik mokso.

Lovoang At Ne Pol Ti Limixin Nunu to Rom 2:13

Kopmen dina so asen limixin do dik mokso atla ding tonga mun Lenavolo, ketla nedi di mumu asu levelinga at Lenavolo dik mokso at lemeren ne Moroa.

Epesas 6:6

Minang tonga res atdi kopmen do ap mo mene nga di reven tata nemi, ketla mina gugu amisik ngan lavasaxaruki at ne Karisito la mina lox epovo lavavara at ne Moroa mi lorooro axap atnimi.

Kolosi 4:12

Lavapaase momo rinimi boro at ne Epapras, lara at libinam tadi atnemi; neni lasaxaruki at ne Iesu Karisito. Neni i ngising lolos amisik tinemi, i ngising amisik ne Moroa ri lox alolos nemi kusu miba tu tuxuruxun keneng at lunuunu atnemi kerekngan limixin mukun la miba xasep aleng at lodoxoma at ne Moroa.

1 Tesalonia 4:3

Moroa i vara i do lorooro atnimi na xaala aleng. Mina ke xepe loklok ti elongka la loklok kakapmek maxamang at lixitkis epot.

1 Tesalonia 5:18

Mina tong avukat ti ne Moroa at levempanga axap. At lorooro atnemi mi nuunu at ne Iesu Karisito, mina lok na levempanga mila ne Moroa i vara i.

Taitas 1:16

Di tong i do di nuunu at ne Moroa, ketla kopmen na ruturun; mila levempanga nunuan kopmen na ravasu at lorooro atdi. Loklok atdi i lok kapmek at lemeren ne Moroa la at lemeren limixin. Nedi limixin tongtonga xepe mun, la dixo epovo na lok tevempanga i nunuan.

Ibru 13:21

A sing ne Moroa do na lox agagas avukat nimi xusu minaba mu asu lavavara ren la neni na gugu at lebelen nimi xeneng at loklok tooro at ne Iesu Karisito. Ata ba lok mo levempanga neni naba momo ren la ata emi asu min la na leemi asu rin noxo xap. Tuturun.

Ibru 4:6

I ruturun do leventaba move diba vubeles ap mo loxot loklok mamas. La nedi gano diga ronga Lagale Lavavang, di goxo vubeles teren mila diga ronga xepe levelinga at ne Moroa.

Jems 1:22

Nemen mita lok ngan luvuttadi rongtonga xape mun di ronga levelinga at ne Moroa, la kopmen dina mumu asu i.

1 Pita 2:15

mila ne Moroa i vara i do minak lok leven gugu nunuan kusu minaba vamus levelinga gamasa at luvuttadi rangtangku.

1 Pita 4:2

Kuren la mina ke axap lorooro atnemi at na lavatbung menemen kusu mina mu asu lodoxoma at ne Moroa, la kopmen lavavara kapmek mun at luvuttadi at na lavatkangka.

Lisilimet 2:27

I lok ngan ne Tamak ne Moroa ga raba ia mi lololos kusu nia anam gomgo ri limixin. Anai i lok ngan nom levelinga at Lovoang Kaala, i lok keretna, ‘La neni naba lolos kusu na lok tatao di mi lakdak lolos, la neni naba sep povorok nedi ngan lengkong sosopen kangka i reporok.’ Sam 2:9

Lisilimet 22:14

Luvukat tinedi dira gos adadat pam levesingsiga atdi, kusu lorooro atdi naba epovo xusu dina anan at lempeven una boro at luuna at lorooro, la dina beles keneng at levenngas povolo uto at lemenemen silok.

Lisilimet 3:5

La nedi di tu lolos at lunuunu atdi, nedi bok diba sigaara mi levesingsiga bunbun. Nia xopmen tinotno a noxo lok kepe levenasen atdi ro at lubuk at lorooro, ketla nia aba tong i ri ne Tamak eburu mi lubung angelo ren do nedi limixin tarak.