Metiu 7:17 - Madak

¹⁷ La kerepmo luuna nunuan i pisik lempeven una nunuan, ketla luuna mamao i pisik lempeven una mamao.

Metiu 7:17 Iomraidhean Croise

Sam 1:3

Di lok ngan larauna di suusu ro at lisigege dan, la di pisik akmokso levempeven at levengaaling pipisik at laxampeeve, la levenang atdi kopmen nak mada si, la na mamang. Mo limixin di ngasang kobot at levempanga axap di lox i.

Metiu 7:18

Luuna nunuan ixo epovo do na visik tempeven una mamao, la luuna mamao ixo epovo do na visik tempeven una nunuan.

Epesas 5:9

Mo laradi i ruuna laxasep at lorooro ren i lox asuusu luvukat, loklok mokmokso la loklok at lavapaase i ruturun.

Pilipai 1:11

la lorooro atnimi nabak mokso xusu minaba visik asu levempipisik nunuan, ne Iesu Karisito naba lox asuusu i at lorooro atnimi; kerepmo lisisixam eburu mi leemi asu nabat pas ti ne Moroa.

Kolosi 1:10

Ma lok levesingising keretnom kusu lorooro atnimi ba epovo mi lavavara at Leeme Silok la kusu mina lok lempanga naba lox amomo i. Nom lempanga i lok keretna, lorooro atnimi naba pisik asu leveloklok nunuan solo, la nemi minaba lok kaka lakleklen at ne Moroa,

Lovoang At Ne Jut 1:12

Nedi dit kis eburu minimi mo do mi anan leveluxa at Leeme Silok. Nedi di lok ngan lempanga ik token kantubu atnemi la kopmen dinak lok mamangan. Nedi dixo doma bok ba teta, ketla di doma xusuk mun di. Nedi di lok ngan lempotakabu, lamanman it mas aonon di, ketla kopmen tarakabu atdi. Nedi di lok ngan levenuna kopmen na pisik at laaleng pipisik teren la di xe su min la ira met tino.