Metiu 6:5 - Madak

⁵ Do mina ngising, nemen mitak lok ngan luvuttadi vempen aala. Di vavara aleng i do dina tu la dina ngising to xeneng at laraugu lotu la to bok at larangas etang kusu limixin diba reven di. A tong tuturun i rinimi do dira lok ka axap pam luunun atdi.

Metiu 6:5 Iomraidhean Croise

Sam 5:2

Una ronga res at lerengteng tarak ti loklok tooro. Nu ne Moroa rak la Loorong Silok tarak! Nia a sing tu. O Leeme Silok,

Sam 55:17

At lenmaxantamak suubu, at levenaleng kangking la at levenaleng kanimin, nia a velevanga mi levesingising lolos tarak mo i turut saparav i, la ni naba ronga ia.

Metiu 21:22

Do mi ruuna lunuunu ruturun, ne Moroa naba raba lovoporang ti mo lempanga mi sing tin.”

Metiu 23:13

Naba lok kapmek aleng tinimi, luvuttadi loklox ase at Lenavolo eburu minemi lubung Parisi. Nemi lavapen aala. Mik soxoba pe lumusaragu ri Linintoo no vana at laxalibet kusu limixin kopmen dina epovo dina beles teren. Ketla nemi xa xopmen minoxo beles teren la mi tu pe mo lumusaragu ri limixin dik lok tong i xusu dina beles.

Metiu 23:5

Lempanga axap dik lox i xusu limixin diba reven di la dina emi asu midi. Lavasuun mun at nai dik lok lengkonbokis lixilik tik lok li levelinga at ne Moroa ro xeneng teren; la mo lengkonbokis i silok ti mo lengkonbokis at limixin. La ding siga levempanga singsiga ri loxonaleng singising la dik lox asuusu i do di baalom aleng kusu dina lox ase limixin do nedi limixin tuturun.

Metiu 23:6

Di vavara aleng lengkot kitkis nunuan to at lara peluxa; la dik lok ka lengkot avukat tit kis to xeneng at laraugu singising.

Metiu 6:1

La ne Iesu ga lok bok tidi, “Mina lok tatao alabat nemi, la nemen mita lok leveloklok nunuan to melamgo at limixin kusu limixin dina ven i la diba emi asu minimi. Mo do mina mu asu na loklok, mi noxo lok ka luunun tinimi boro at ne Temen nimi no vana at laxalibet.

Metiu 6:16

La ne Iesu ga lok bok tidi, “La do mina mun an, nemen gat mita ven bukbulu, i ngan lavapen aala di mumu asu i. Dit pas saasaa ro xantubu at limixin kusu limixin diba reven lemeren di do nedi mo di mun an. A tong tuturun i rinimi do luunun atdi, dira lok ka axap pam i.

Metiu 6:2

Kuren la, do mina raba tavanga ri taradi banbalo, nemen mita tong asu i na ro melamgo at limixin axap kerekngan lavapen aala, dik lox i ro xeneng at laraugu singising la to at larangas. Dik lox i xusu limixin diba emi asu midi. A tong tuturun i rinimi do luunun atdi dira lok ka axap pam i.

Metiu 9:38

Kuren la mina sing ti laradi loklok tatao at laraamang kusu neni naba riki asu tuvuttadi kusu ri lox abeles leveluxa.”

Lagale Lavavang At Ne Iesu Karisito Mak Ga Malagan I 11:25

At loxonaleng una sing, una domampe leveloklok kakapmek limixin diga lox i ru, kusu ne Moroa ba doxoma xepe leveloklok kakapmek taram.

Lagale Lavavang At Ne Iesu Karisito Mak Ga Malagan I 12:38

La ne Iesu ga anasa bok keretna, “Mina lok tatao avukat nemi basinge loklok at luvuttadi loklox ase at Lenavolo, mo di vavara i xusu dinat pas tangtagap mi levesingsigaara babalom atdi la di vavara i xusu limixin diba seega rangarang di mi loklok ngangao ro at loxot etang;

Lagale Lavavang At Ne Iesu Karisito Luk Ga Malagan i 11:43

Naba lok kapmek tinotno tinimi lubung Parisi, mila mi vavara aleng lengkot kitkis to melamgo at laraugu singising; la mi vavara i do limixin dina seega rangarang nemi mi loklok ngangao ro at lengkot etang.

Lagale Lavavang At Ne Iesu Karisito Luk Ga Malagan i 18:1

Melemu ne Iesu ga tong na lavapaase poovo ridi kusu ri lox ase di do diba ngising amisik la nemen gat di guta molo.

Lagale Lavavang At Ne Iesu Karisito Luk Ga Malagan i 18:13

Ketla laradi loklok ka pilas ga ru paxalom lixilik la neni xopmen goxo lox aurut lemeren uto vana at laxalibet, ketla neni ga sogotu at lobongobong teren la ga lok, ‘Moroa, una balamu ia, laradi xapmek.”

Lagale Lavavang At Ne Iesu Karisito Luk Ga Malagan i 20:47

la di lok kaka gamasa lempanga at lubungnaa rixin, la di ngising babaalom kusu limixin diba lok ngangao atdi. Losongsongot tidi naba lok kapmek aleng tinotno!”

Lagale Lavavang At Ne Iesu Karisito Luk Ga Malagan i 6:24

Ketla naba lok kapmek tinemi, mo mip novos; mila mirap novos avukat pam at na lorooro.

Lagale Lavavang At Ne Iesu Karisito Jon Ga Malagan I 16:24

Ga ru ka i gano la ia se nga mo, mi goxo sing ti tevempanga xeneng at laasen tarak. Mina ngising ti tevempanga la miba ruuna ka i, kusu lomomo atnimi naba umsu.”

Epesas 6:18

Mina lox i na levempanga xeneng at levesingising atnemi, kusu minaba sing ka loklok tooro at ne Moroa. At levenaleng axap mina ngising at leventaangas axap no Loroonan i sasat ase nemi min. La mumu mun na langas, minaba tu lolos la mi noxo subu kot; mina ngising amisik ti limixin at ne Moroa.

1 Tesalonia 5:17

Mina ngising amisik saparap ne Moroa.

Jems 4:6

Ketla ne Moroa i raba dik mi letaba nabalamu, kerekngan Lovoang Kaala i tong i, “Moroa ixo ru ebelen minedi di lox aurut levenasen atdi. Ketla neni i lox asuusu letaba nabalamu ren tinedi di lox asi lorooro atnedi maxopok teren.” Ler 3:34