Metiu 6:31 - Madak

³¹ Kuren la nemen mita bulu la mina lok do, ‘Leveluxa ridik naba laa meva?’ kopla ‘Lengkadan tidik naba laa meva?’ kopla ‘Lempanga singsiga ridik naba laa meva?’

Metiu 6:31 Iomraidhean Croise

Sam 111:5

Neni mun im taba leveluxa, tinedi dik lok ngangao ren; la neni im doma amisik lekabus neni ga lok pam i eburu mi limixin teren.

Sam 37:3

Ketla nemi mina nuunu saga at Leeme Silok la mina lok luvukat mun, kusu minaba nemen at lenep kangka aulis atnimi la minaba rooro avukat.

Sam 55:22

Una ke raba Leeme Silok mi laxanmumuat taram, ni naba tupe u; ni xopmen na ke xepe limixin mokmokso kusu limixin petpes dina sak tup midi.

Metiu 15:33

La luvuttadi loklok ka anasa diga sue i, “Ata ba lok ka tempanga anan ua at na lenep gamasa kusu naba epovo at na limixin solo?”

Metiu 4:4

La ne Iesu ga vorang i rin keretna, “Lovoang Kaala i tong i do, ‘Laradi kopmen na rooro xusuk mun at loxongkide, ketla neni i rooro at levelinga axap at ne Moroa ik lok keneng at Lovoang Kaala.” Len 8:3

Metiu 6:25

Kuren la a tong i rinimi do nemen gat mita bulu mu lempanga anan mi lengkadan mik pakes tin, kopla lempanga singsiga kusu ri labantuxu atnimi. Kereva, lempanga anan i silok ti lorooro la lempanga singsiga i silok ti labantuxu?

Metiu 6:27

Kopmen tara na epovo do na lox epasum toxot ti lorooro ren mo do neni na bulu mu i.

Lagale Lavavang At Ne Iesu Karisito Luk Ga Malagan i 10:41

Leeme Silok ga lok tin, “Mata, Mata! Uk lok bukbulu aleng la urak lox angtang mavana at laxampanga solo.

Lagale Lavavang At Ne Iesu Karisito Luk Ga Malagan i 12:11

Do dina song araba nimi uto at laraugu singising kusu dina lok li nimi at lavapaase, kopla to melamgo at luvuttadi silok kopla to melamgo at luvuttadi amgomgo, nemen mita bulu do miba vaase pe nimi xereva xopla lavanga salai miba tong i;

Lagale Lavavang At Ne Iesu Karisito Luk Ga Malagan i 12:22

La ne Iesu ga lok ti luvuttadi loklok ka anasa ren keretna, “La kerepmo a tong i rinimi do nemen mita bulu mu leveluxa mik pakes tin kusu miba rooro, kopla mumu levesingsiga mik pakes tin kusu ri etara.

Lagale Lavavang At Ne Iesu Karisito Luk Ga Malagan i 12:29

Kuren la nemen nimi mita bulu la mina doma i do miba an lavanga salai la mina in lavanga salai.

Pilipai 4:6

Nemen mita bulu mu tempanga, ketla mina sing ne Moroa ri levempanga axap mik pakes tin, la at lorooro axap atnimi mina tong loklox avukat tin.

1 Pita 5:7

Mina ke raba i mi levenanbulu atnemi, atla neni im doma loxokok tinemi.