Metiu 6:2 - Madak

² Kuren la, do mina raba tavanga ri taradi banbalo, nemen mita tong asu i na ro melamgo at limixin axap kerekngan lavapen aala, dik lox i ro xeneng at laraugu singising la to at larangas. Dik lox i xusu limixin diba emi asu midi. A tong tuturun i rinimi do luunun atdi dira lok ka axap pam i.

Metiu 6:2 Iomraidhean Croise

Sam 112:9

Neni im taba leventamtaba solo mi lebelemulus ti limixin banbalo; la amisik ik lox asuusu labalamu ren ti limixin; la naba ruuna laasen silok la limixin diba xip aurut laasen teren.

Sam 37:21

Laradi xapmek i ngising panga ketla kopmen na porang amlong i. Ketla laradi avukat ik lok momo rim taba mi leventamtaba ren.

Metiu 15:7

Nemi lavapen aala. Aisaia ga paase alii nunuan mumu nimi. Ni ga tong asu levelinga at ne Moroa keretna,

Metiu 16:3

La do maxantamak, mi lok, ‘Larakabu mo naba vot mila laxalibet i memele la lengkontakabu bok mo.’ Mi reven lavatbung menemen la laxalibet; la mi epovo ri tong asu lavasuun at na lempanga, ketla xopmen mina xasep at leveloklok katling ne Moroa im taba nimi min at na levenaleng.

Metiu 22:18

Iesu ga ven kibis laxaxarang atdi la ga lok tidi, “Nemi lavapen aala. Tila mi lok do mina lixo ia?

Metiu 23:5

Lempanga axap dik lox i xusu limixin diba reven di la dina emi asu midi. Lavasuun mun at nai dik lok lengkonbokis lixilik tik lok li levelinga at ne Moroa ro xeneng teren; la mo lengkonbokis i silok ti mo lengkonbokis at limixin. La ding siga levempanga singsiga ri loxonaleng singising la dik lox asuusu i do di baalom aleng kusu dina lox ase limixin do nedi limixin tuturun.

Metiu 23:6

Di vavara aleng lengkot kitkis nunuan to at lara peluxa; la dik lok ka lengkot avukat tit kis to xeneng at laraugu singising.

Metiu 24:51

Nom leeme silok naba sev asongot aleng nom lasaxaruki ren la ni naba riki i uto at lemenemen songsongot kusu na nemen eburu minedi lavapen aala. Mo go dibang teng la dina rungur ivivilis.”

Metiu 5:18

A tong tuturun i rinimi. Laxalibet mi lavatbung menemen naba nemen at laxanaleng solo, la ap mo levenaleng kopmen tamangkot lixilik at levelinga keneng at Lenavolo naba xap asonao, i se ap mo laaleng levelinga ren naba sorun.

Metiu 6:16

La ne Iesu ga lok bok tidi, “La do mina mun an, nemen gat mita ven bukbulu, i ngan lavapen aala di mumu asu i. Dit pas saasaa ro xantubu at limixin kusu limixin diba reven lemeren di do nedi mo di mun an. A tong tuturun i rinimi do luunun atdi, dira lok ka axap pam i.

Metiu 6:3

Ket do mina lok tooro taradi banbalo, mina lox i at langas, nemi xusuk mun miklen i, la nedi dik lox auret nimi di noxoklen i.

Metiu 6:5

Do mina ngising, nemen mitak lok ngan luvuttadi vempen aala. Di vavara aleng i do dina tu la dina ngising to xeneng at laraugu lotu la to bok at larangas etang kusu limixin diba reven di. A tong tuturun i rinimi do dira lok ka axap pam luunun atdi.

Metiu 7:5

Nemi lavapen aala. Mina lok pes avot nom levengkonuna ik lok pe lengkatli atnimi, la melemu ba miba ven avukat ba i xusu mina lok pes ba levendon no at laxatli at neton nimi.

Lagale Lavavang At Ne Iesu Karisito Mak Ga Malagan I 12:39

la di vavara aleng i do dinat kis at lengkot kitkis avukat to at laraugu singising la lengkot avukat to at lara peluxa.

Lagale Lavavang At Ne Iesu Karisito Mak Ga Malagan I 7:6

La ne Iesu ga vorang i ridi xeretna, “Leeme vapaase at ne Moroa, ne Aisaia ga paase alii mi nom, neni ga paase ruturun dola nemi lavapen aala. Ni ga tong li levelinga xeretna, ‘Na limixin di lok ngangao rak mi levelinga mun atdi, ketla lebelen di i vaxalom tino basinge ia;

Lagale Lavavang At Ne Iesu Karisito Luk Ga Malagan i 11:41

Ketla mina raba lempanga salai no i nemen at lengkap mi levempelet atnimi tinedi limixin banbalo, la lempanga axap nabam games tinimi.

Lagale Lavavang At Ne Iesu Karisito Luk Ga Malagan i 11:43

Naba lok kapmek tinotno tinimi lubung Parisi, mila mi vavara aleng lengkot kitkis to melamgo at laraugu singising; la mi vavara i do limixin dina seega rangarang nemi mi loklok ngangao ro at lengkot etang.

Lagale Lavavang At Ne Iesu Karisito Luk Ga Malagan i 12:33

Mina sesep mi lempanga atnimi la mina raba lempilas at nom lempanga rinedi limixin banbalo la kerepmo mi noxo doma solo lengkontonom ka atnimi mo ba lok kapmek la lempilas atnimi na sonao, ketla minaba ruuna ka lapnovos tinimi ro vana at laxalibet.

Lagale Lavavang At Ne Iesu Karisito Luk Ga Malagan i 12:56

Nemi lavapen aala! Mi reven lavatbung menemen mi laxalibet la mi epovo mina tong asu na lempanga; tila ba, mixo doxoma xibis lovotpot at Laradi Mevana?”

Lagale Lavavang At Ne Iesu Karisito Luk Ga Malagan i 13:15

La Leeme Silok ga vorang i rin keretna, “Nemi limixin mi xarang axa nimi. At levenaleng kaala axap mi sepmus levendongki mi levenbulumaxao ro at levengkot mikmidi la mim lam kaka di xusu dina inin.

Lagale Lavavang At Ne Iesu Karisito Luk Ga Malagan i 20:46

“Minak lok tatao avukat nimi basinge loklok at luvuttadi loklox ase at Lenavolo, mo di vavara i xusu dinat pas tangtagap mi laxasingsigaara babaalom atdi la di vavara i xusu limixin diba seega rangarang di mi loklok ngangao ro at loxot etang; la di vavara aleng i do dinat kis at lengkot kitkis avukat to at laraugu singising la lengkot avukat to at lara peluxa;

Lagale Lavavang At Ne Iesu Karisito Luk Ga Malagan i 6:24

Ketla naba lok kapmek tinemi, mo mip novos; mila mirap novos avukat pam at na lorooro.

Lagale Lavavang At Ne Iesu Karisito Luk Ga Malagan i 6:42

Miba tong i ri neton nimi xeretna, ‘Neton nama, una mulus tinama xusu mana lok pes nom levendon at laxatli ram,’ ketla nemi xa kopmen mina ven kibis lengkonuna ik lok pe lengkatli atnimi. Nemi lavapen aala. Mina lok pes avot nom lengkonuna ik lok pe lengkatli atnimi la melemu ba, miba lok epovo ba i xusu mina lok pes ba levendon no at laxatli at neton nimi.”

Lagale Lavavang At Ne Iesu Karisito Jon Ga Malagan I 13:29

Judas neni gak lok tatao lempilas, la leventaba atdi diga nua i do Iesu ga paase ri ne Judas kusu na un ka tevempanga anan ti leluxa kopla na raba tevempanga ri limixin banbalo.

Lagale Lavavang At Ne Iesu Karisito Jon Ga Malagan I 5:41

Nia a goxo vot de xusu ti lok ka leemi asu.

Lagale Lavavang At Ne Iesu Karisito Jon Ga Malagan I 5:44

Mi vavara i xusu miba lok ka leemi asu boro atnemi xa, ketla mi xopara i do mina lolos ka lomomo ri ne Moroa; la neni Lomoroa xusuk mun, kusu neni naba emi asu minimi. Kuren la i lolos aleng kusu mina nuunu.

Lagale Lavavang At Ne Iesu Karisito Jon Ga Malagan I 7:18

Laradi do i paase aru xa i, neni i ngan do i lox asilok axa i. Do tara i vara i do na lox asilok mo lara ga riki i, neni i paase ruturun la kopmen taxaxarang na nemen teren.

Leven Gugu 10:2

Konilias laradi ga lotu saparap ne Moroa; nedi axap diga nemen ap mo loogu ren diga lok ngangao at ne Moroa. Buaang lempanga neni ga lox i xusu ri lok tooro limixin pakpakes boro Judaia, la ni ga ngising amisik ne Moroa.

Leven Gugu 10:31

La ni ga lok, ‘Konilias! Moroa ira ronga vam levesingising taram, la ni ira doxoma vam leven gugu loklok tooro ram.

Leven Gugu 10:4

La ni ga ven tooro laangelo mi lanmarat la ni ga lok, “Lavanga salai mo, Leeme Silok?” Laangelo ga lok, “Moroa ira siam ka vam levesingising taram la leven gugu nunuan taram, la ni ira doxoma vam u.

Leven Gugu 11:29

Limixin nuunu boro Antiok diga vaase i do dina lok tooro limixin nuunu ro Judaia. Nedi diga ruuna lempilas buaang, diga raba i.

Leven Gugu 24:17

Melemu at lentaba levenmaares aga nemen petpes basinge lemenemen Jerusalem, agat pas ugo ri xip ka lempilas tinedi limixin tarak mo dik pakes; la aga vara i do anaplavang saparap ne Moroa.

Leven Gugu 9:36

To Jopa lara latkin ga nemen, laasen teren ne Tabita; neni latkin nuunu. (Laasen bok teren at lavapaase Grik do ne Dokas). Ni ga raba axap lorooro ren kusu na lok tooro limixin pakpakes mi leven gugu nunuan.

Lovoang At Ne Pol Ti Limixin Nunu to Rom 12:8

Mo dola ti paase tooro lentaba vetpes, ata lox epovo box i xuren. Mo dola tim taba, ata raba solo mi lempanga atdik; mo dola ti lok tatao limixin, ata lok tatao avukat di; mo dola ti belemumu leventaba vetpes, ata lox epovo i mi lomomo.

1 Korin 13:3

La do ana raba xape axap levempanga rak kusu ri lok tooro limixin banbalo, la ana siam kape mi labantuxu rak kusu dina xotos i ro at laxao, ketla kopmen tabalamu na nemen tarak, nom axav i, noxo lok tooro ia.

Galesia 2:10

La nedi diga vara i xusu nema’ mana doxoma bok levempakpakes at limixin banbalo kantubu atnedi, nenia aga ruuna lodoxoma liplivi rinotno ri lok na lavanga.

Epesas 4:28

Mo laradi xipkip pilo gutap kip pilo bok ba. Ketla neni na lok lugugu mi lukngen la na lok leven gugu nunuan kusu neni na epovo na lok tooro nedi limixin pakpakes.

1 Tesalonia 2:6

La maga xopara limixin petpes eburu minemi mina emi asu minema.

1 Timoti 6:18

Una tong i ridi xusu dina lok mun luvukat, la dinap novos mi leven gugu nunuan, kusu dina episa levempanga atdi mi limixin petpes.

Pilimon 1:7

Netak orong. Nenia a lok momo aleng la lorooro rak i lolos atla nom labalamu silok taram saparap limixin nuunu i umsu aleng. La kerepmo bok uga lox alolos lorooro at limixin axap di nuunu.

Ibru 13:16

La nemen mita domampe loklok tik lok lununuan la loklok tim taba panga nedi dik pakes, mila ana leveloklok i lok ngan laramtaba atdik ti ne Moroa la neni i momo ren.

1 Pita 4:11

I ngan nege do neni laradi vavang, neni na vavang akmokso mi levelinga at ne Moroa; la do nege i gugu taba, neni na gugu taba mi lololos ne Moroa im taba i min, kusu keneng mun at na leventamtaba axap, leemi asu nabat pas ti ne Moroa mumu mun ne Iesu Karisito. Leemi asu la lololos tin amisik la kopmen taxavaxap teren. Tuturun.