Metiu 6:1 - Madak

¹ La ne Iesu ga lok bok tidi, “Mina lok tatao alabat nemi, la nemen mita lok leveloklok nunuan to melamgo at limixin kusu limixin dina ven i la diba emi asu minimi. Mo do mina mu asu na loklok, mi noxo lok ka luunun tinimi boro at ne Temen nimi no vana at laxalibet.

Metiu 6:1 Iomraidhean Croise

Sam 112:9

Neni im taba leventamtaba solo mi lebelemulus ti limixin banbalo; la amisik ik lox asuusu labalamu ren ti limixin; la naba ruuna laasen silok la limixin diba xip aurut laasen teren.

Metiu 16:27

Nenia, Laradi Mevana, mo anaba vot mi lisisixam silok at ne Tamak la eburu mi lubungangelo, la ap mo laaleng limixin axap dinaba lok kaka luunun i epovo mi leveloklok diga lox i.

Metiu 16:6

La ne Iesu ga lok tidi, “Mina lok tatao avukat nimi mumu laiis at lubung Parisi mi lubung Sadiusi.”

Metiu 23:13

Naba lok kapmek aleng tinimi, luvuttadi loklox ase at Lenavolo eburu minemi lubung Parisi. Nemi lavapen aala. Mik soxoba pe lumusaragu ri Linintoo no vana at laxalibet kusu limixin kopmen dina epovo dina beles teren. Ketla nemi xa xopmen minoxo beles teren la mi tu pe mo lumusaragu ri limixin dik lok tong i xusu dina beles.

Metiu 23:5

Lempanga axap dik lox i xusu limixin diba reven di la dina emi asu midi. Lavasuun mun at nai dik lok lengkonbokis lixilik tik lok li levelinga at ne Moroa ro xeneng teren; la mo lengkonbokis i silok ti mo lengkonbokis at limixin. La ding siga levempanga singsiga ri loxonaleng singising la dik lox asuusu i do di baalom aleng kusu dina lox ase limixin do nedi limixin tuturun.

Metiu 25:40

La nenia, Loorong Silok, anaba vorang i ridi xeretna, ‘A tong tuturun i rinimi. Do miga lox i na ri tara atdi limixin banbalo rak, i lok ngan mun miga lox i ria!’

Metiu 5:16

La kerepmo bok laxasep atnemi na soso ro melamgo at limixin, kusu diba reven leveloklok nunuan mik lox i, la diba emi asu mi ne Moroa ne Temen nimi boro vana at laxalibet.”

Metiu 5:46

Mo do nemi xa mi balamu xusuk mun nedi di balamu nimi, ne Moroa xopmen noxo raba nimi mi luunun. Limixin kapmek kerekngan luvuttadi loklok ka pilas bok dik lox i na.

Metiu 5:48

Kuren la mina nemen manmanton kerekngan mun ne Temen nemi no vana at laxalibet in manton.”

Metiu 6:16

La ne Iesu ga lok bok tidi, “La do mina mun an, nemen gat mita ven bukbulu, i ngan lavapen aala di mumu asu i. Dit pas saasaa ro xantubu at limixin kusu limixin diba reven lemeren di do nedi mo di mun an. A tong tuturun i rinimi do luunun atdi, dira lok ka axap pam i.

Metiu 6:9

Do mina sing, mina mu asu i xeretna, ‘Temen nama no vana at laxalibet, mana lok ngangao at laasen taram.

Lagale Lavavang At Ne Iesu Karisito Mak Ga Malagan I 8:15

La ne Iesu ga lok tidi xeretna, “Mina lok tatao avukat nimi basinge laiis at lubung Parisi mi ne Erodes.”

Lagale Lavavang At Ne Iesu Karisito Luk Ga Malagan i 11:35

Mina lok tatao avukat nimi, kusu lorooro axap atnimi noxo umsu mi lamain.

Lagale Lavavang At Ne Iesu Karisito Luk Ga Malagan i 12:1

Ap mo laaleng buaang nedi limixin diga vot buru, la diga umsu aleng; kuren la diga epas gat; la ne Iesu ga vaase avot ti luvuttadi loklok ka anasa ren keretna, “Mina lok tatao avukat nimi basinge laiis at lubung Parisi. Di xarang nedi xa.

Lagale Lavavang At Ne Iesu Karisito Luk Ga Malagan i 12:15

La ni ga vaase rinedi axap, “Mina reven avukat, la mina lok tatao avukat nimi basinge lempanga at na lorooro; mila lorooro ruturun ti laradi kopmen dina lok ka i at na lavatkangka, keke i do neni ip novos aleng.”

Lagale Lavavang At Ne Iesu Karisito Luk Ga Malagan i 16:15

La ne Iesu ga lok tidi, “Nemi vam nom mik lok do minak mokso at lemeren limixin, ketla ne Moroa ikleklen i do keneng at lebelen nimi i umsu mi laxakapmek. Do lavanga salai limixin di doxoma i do i silok aleng, nom i ngan lavanga gamasa at lemeren ne Moroa.

Lagale Lavavang At Ne Iesu Karisito Jon Ga Malagan I 12:43

Diga vavara aleng i xusu limixin dina emi asu midi; la di goxo doma solo mumu leemi asu boro at ne Moroa.

Lagale Lavavang At Ne Iesu Karisito Jon Ga Malagan I 5:44

Mi vavara i xusu miba lok ka leemi asu boro atnemi xa, ketla mi xopara i do mina lolos ka lomomo ri ne Moroa; la neni Lomoroa xusuk mun, kusu neni naba emi asu minimi. Kuren la i lolos aleng kusu mina nuunu.

Leven Gugu 3:12

Pita ga ven mo limixin la ga lok tidi, “Leme Israel; lai mo mi sangu ren mumu i na lavanga, la lai mo nemi mi tu la mia reven tooro nama min? Mi doxoma i do ma lox avukat na laradi mi lolos axa atnama xopla at loklok nunuan atnama xusu neni i lox epovo i rit pas?

Galesia 6:12

Nedi limixin dik lok tong pen i xusu dinak sok aruru parang nemi do ri rivit kepe lengkontuxu atnemi; nedi luvuttadi dim simi aurut nedi mumu lavatpas atdi keneng at Lenavolo. La dik lok mene nga i xusu di naba sepsu basinge losongsongot mumu laxaba at ne Karisito.

Ibru 11:26

Moses ga doma i do ik mokso do neni na lok ka lainmangan eburu mi limixin teren at lugugu at Lanarong. Mo lainmangan ga lox avukat aleng ti lapnovos boro Isip, mila neni ga reven ti mo luunun move ne Moroa ba raba i min.

Ibru 2:1

Nitna ne Moroa ga raba dik mi loklox arooro, kuren la minam tebeng lolos lunuunu atnimi mumu mo levenanasa miga ronga ka vam i, kusu mi noxo soogong basinge mo lunuunu.

Ibru 6:10

Moroa neni laradi mokmokso la neni noxo domampe leveloklok nunuan nemi miga lox i, la mo labalamu nemi miga lox asuusu i at laasen teren ap mo levenaleng miga lok tooro limixin teren la move mik lok tooro di.

2 Jon 1:8

Mina rooro eburu mi loklok tatao, kusu nemi xopmen mi noxo ke aie mo lunuunu atnimi, migara gugu vam tin; la miba ruuna xobot luunun.