Metiu 5:7 - Madak

⁷ Luvukat mo ik lok tinedi di lox asuusu lebelemumu ri limixin, mila ne Moroa naba lox asuusu lebelemumu rinedi.

Metiu 5:7 Iomraidhean Croise

Sam 112:4

Limixin avukat di lok ngan laxasep ik lok kantubu at lamain; la dik lox asuusu lebelemumu, loklok anare, la loklok ik mokso.

Sam 112:9

Neni im taba leventamtaba solo mi lebelemulus ti limixin banbalo; la amisik ik lox asuusu labalamu ren ti limixin; la naba ruuna laasen silok la limixin diba xip aurut laasen teren.

Sam 18:25

O Leeme Silok, nenu u ruturun tinedi di ruturun saparav u; la uk lox avukat tinotno rinedi din manton tino.

Sam 37:26

At levenaleng axap laradi avukat im taba gamasa la i sisiam taba limixin mi levempanga ren; laxamdak mi laxaalik teren di lok ngan leveloklok anarong ti limixin axap.

Lagale Lavavang At Ne Iesu Karisito Mak Ga Malagan I 11:25

At loxonaleng una sing, una domampe leveloklok kakapmek limixin diga lox i ru, kusu ne Moroa ba doxoma xepe leveloklok kakapmek taram.

Lagale Lavavang At Ne Iesu Karisito Luk Ga Malagan i 6:35

Mina balamu limixin dit kis munepen minimi, la mina lok luvukat tidi; mina raba di mi lempanga la nemen gat mita sing amlong tin. Do mina lok na lempanga avukat, miba ruuna ka langsangan luunun, la nemi miba ngan laxamdak at ne Moroa Silok Aleng. Mila Moroa ik lox avukat tinedi limixin kopmen dinak lox avukat tin la tinedi bok dik lok laxakapmek.

Lovoang At Ne Pol Ti Limixin Nunu to Rom 11:30

Nemi limixin kopmen nemi me Judaia, nemi miga ronga xepe avot ne Moroa; ketla ana mira ruuna ka vam lebelemumu ren atla leme Judaia diga ronga xepe i.

1 Korin 7:25

Monga a vara i do ana paase rinimi mumu lususue miga sue ia min mumu nedi dik lok naa. Axo lok ka lavapaase mumuat boro at Leeme Silok mumu na lavanga, ketla ana vaase nimi mi lodoxoma rak, nia a epovo do ana tong i na rinimi mila Leeme Silok ga lox asuusu vam lebelemumu ren tia la iklen i do nenia laradi ruturun.

2 Korin 4:1

Keneng at lebelemumu at ne Moroa, neni ga raba nama mi na lugugu, kuren la nema ma noxo lox abulubun bok ba.

Epesas 4:32

La mina suxa lorooro atnimi mi lebelen tuntun la labalamu kantubu atnemi limixin nuunu, la mina domampe laxakapmek atnimi getgesara kerekngan ne Moroa ga lok pes laxakapmek atnimi at laasen at ne Karisito.

Kolosi 3:12

Nemi lavaanat soksoxolik at ne Moroa la neni i balamu nimi. Kuren la, mina siga ka lebelemumu, labalamu, langsangan loklok ngangao, loklox anare la loklox atnaasan.

1 Timoti 1:13

Keke i do gano migomgo aga paase vupu rin, la agap sep limixin teren, la agak lox asongot di. Ketla ne Moroa ga lox asuusu lebelemumu ren tia, mila nenia agoxoklen levempanga salai gak mokso la goxopmen tunuunu rak.

1 Timoti 1:16

Ketla ni lavasuun mun teren la ne Moroa ga lox asuusu lebelemumu ren tia, kusu ne Iesu Karisito na ngangais aleng tia ri leeng basinge leveloklok kakapmek tarak, keke i do nenia laradi a lok kapmek aleng ti limixin axap. La nai loklok at ne Iesu Karisito, ni lampoovo rinedi limixin axap diba nuunu ren la dina lok ka lorooro avolo.

Ibru 4:16

Kuren la nemen dik guta marat kusu tana vot pasa ne Moroa mi lodomdoma atdik mila neni i umsu mi lebelemumu la nedik taba ruuna ka letaba nabalamu ren la loklok tooro do nedik atak pakes tin.

Ibru 6:10

Moroa neni laradi mokmokso la neni noxo domampe leveloklok nunuan nemi miga lox i, la mo labalamu nemi miga lox asuusu i at laasen teren ap mo levenaleng miga lok tooro limixin teren la move mik lok tooro di.

Jems 2:13

At lorooro atnimi do kopmen mina ruuna lebelemumu, Moroa naba vaxaru nimi at lavapaase la ni noxo lox asuusu lebelemumu ren tinimi. Loklok ti vaxaru tara at lavapaase ixo lox avukat solo, ketla loklok ti lox asuusu lebelemumu i lox avukat aleng.

Jems 3:17

Ketla nedi limixin di ruuna lodoxoma at ne Moroa, di ruuna loklok keretna. Lara avot, luruptuvuk atdi i dadat, limila i nemen kantubu atdi, loklok mulus bok mo, la ding tonga res at lentaba vetpes; di umsu mi lebelemumu la dik lox amisik leveloklok nunuan. La di ke xepe loklok tik lox asi tara, la loklok kaxarang.

1 Pita 2:10

Ketla avot be at na, nemi goxo ngan limixin at ne Moroa, ketla amo nga nemi mi lok ngan limixin teren; i ngan bok gano nemi mi goxoklen lebelemumu at ne Moroa, ketla amo nga, mira ruuna ka vam lebelemumu ren.