Metiu 5:5 - Madak

⁵ Luvukat mo ik lok tinedi dik lox asi di, mila ne Moroa naba raba di mi lixitkis to xeneng at Linintoo ren.

Metiu 5:5 Iomraidhean Croise

Sam 147:6

Neni ip kip aurut nedi ua dik lox asi di, ketla it pas puuvus nedi luvuttadi loklok kakapmek uto xopok at laxangka.

Sam 149:4

Leeme Silok in tuuna ka lomomo mumu limixin teren; im taba asen silok tinedi ua dik lok atnaasan la imtaba di mi lolos ti sak tup mi lavamunepen atdi.

Sam 22:26

Limixin banbalo dinaba an mais at leveluxa di vavara rin. Nedi di repukus taba Leeme Silok, dinaba emi asu min. A sing ne Moroa na lox anarong di xusu dina ngasang kobot amisik at levempanga axap!

Sam 25:13

Limixin kerepmo dinaba ngasang kobot amisik la laxamdak mi laxaalik atnedi dinaba ruuna ka mo lenep kangka aulis atdi.

Sam 25:9

Nedi dik lox axakalik di at langas ik mokso, neni im gomgonga di. La i anasa bok di mi lavavara ren.

Sam 37:11

Ketla nedi di lox alixilik nedi; dinaba ruuna ka lenep kangka aulis atdi, la dinaba ngasang kobot la dinaba momo rino mi limila.

Sam 37:22

Nedi nom Leeme Silok i lox anarong di, dinaba ruuna ka lenep kangka aulis atdi. Ketla nedi nom Leeme Silok ira lok li vam lasaxaek mavana atdi, ni naba saksu di basinge mo lenep kangka.

Sam 37:29

Limixin mokmokso dinaba ruuna xaka lenep kangka aulis atdi la dinaba nemen amisik teren.

Sam 37:34

Mina doma lolos ngangais ti Leeme Silok la minang tonga res at levelinga ren. Dola mina lox i xuren, ni naba lox anarong nimi mi laramtaba; neni lenep kangka aulis atnimi. La minaba ven limixin kakapmek, Leeme Silok naba saksu di basinge lenep kangka aulis atdi.

Sam 37:9

Nedi di nuunu saga at Leeme Silok, dinaba ruuna ka lenep kangka aulis atdi, ketla Leeme Silok naba sak su limixin bilinga.

Sam 69:32

At loxonaleng limixin baava dina ven i na, dinabak lek aleng; la nedi di ngising parap ne Moroa, dinaba epang aru kantubu atnedi xa.

Metiu 11:29

Mina siam ka loklok tarak la mina ronga ka levenanasa rak; mila lorooro rak i umsu mi loklok mulus mene, kuren la miba lok ka loklox amas ti labaroonan atnimi.

Metiu 21:5

“Una tong i ri limixin to Jerusalem do, ‘Pen ba i. Loorong Silok atnimi it pas saparap nimi, neni laradi loklok mulus mene la it kis at lodongki, ni lodongki maxat.” Sak 9:9

Lovoang At Ne Pol Ti Limixin Nunu to Rom 4:13

Ne Moroa ga lok laxakaape eburu mi ne Abaram do lavatbung menemen axap, ateren eburu mi livipisik li ren. Na laxakaape goxo vot mumu i do ne Abaram gang tonga res at Lenavolo, ketla atla neni ga nuunu. Kuren la ne Moroa ga siam kaka i ngan laradi mokmokso.

Galesia 5:23

loklok mulus, la lodoxoma avukat ti sasar i. Kopmen bok ba tevelinga go i ru pepe nedi na levempanga.

Epesas 4:2

Lorooro axap atnimi na umsu mi langsangan loklok ngangao la loklox anare; mina nemen mulus mene la mina lox asuusu labalamu rinedi di lok laxakapmek.

Kolosi 3:12

Nemi lavaanat soksoxolik at ne Moroa la neni i balamu nimi. Kuren la, mina siga ka lebelemumu, labalamu, langsangan loklok ngangao, loklox anare la loklox atnaasan.

1 Timoti 6:11

Ketla nenu, laradi at ne Moroa, una ru asepsu at nai levempanga. La una lolos ti loklok mokmokso at ne Moroa, lunuunu, labalamu, la loklok ti tu lolos kantubu at levenmumuat, la lixitkis atnaasan.

2 Timoti 2:25

Neni na lok ngan laradi mulus do ni nak lox akmokso nedi xopmen dina etaba belen min, kusu ne Moroa naba siam ka amlong di la ni na doxoma xepe laxakapmek atnedi la dinabaklen luruturun.

Taitas 3:2

la di noxo paase xapmek mumu tara; ketla limila na nemen at lebelen di; dina balamu limixin; la dina lok ngangao ruturun at limixin axap, limixin nuunu la limixin bok maxamang at lotu.

Jems 1:21

Kuren la, leveloklok axap i bilingot la laxakapmek i umsu aleng at na lavatbung menemen, ni nom mina lok pes kape i. La mina lox asi nimi la mina xonom ka levelinga at ne Moroa, ni gatlo li i ro xeneng at lorooro atnimi. Ni mun nom levelinga i epovo na lox arooro nimi.

Jems 3:13

Do tara xantubu atnemi i ruuna lodoxoma avukat mi lakleklen solo, neni na lox asuusu i mi lavatpas teren i lox avukat axap la i umsu mi leveloklok nunuan; neni i lox i na mi langsangan loklok ngangao mi lodoxoma avukat.

1 Pita 3:15

Ketla keneng at lorooro atnemi mina lok ngangao at ne Karisito, atla neni Leeme Silok. Mina gagas at levenaleng axap ti porang levesusue at limixin at levenaleng dina susue nemi mi levendoxoma lolos atnimi saparap ne Karisito.

1 Pita 3:4

Ketla lorooro atnemi nak milik maraanu la mina umsu mi loklox atnaasan i lok nunuan aleng, neni mo loklok i silok aleng ti ne Moroa.