Metiu 5:3 - Madak

³ Iesu ga lok keretna, “Luvukat mo ik lok tinedi dikleklen i do labaroonan atdi ik pakes ti ne Moroa, mila limixin erepmo dinaba vubeles at Linintoo no vana at laxalibet.

Metiu 5:3 Iomraidhean Croise

Sam 1:1

Luvukat mo ik lok tinedi di raba arulu lavapaase axasep at limixin kapmek la dixo mumu asu lampoovo at limixin di lok laxakapmek, kopla dinak lok esogo minedi di paase aksaksa ri ne Moroa.

Sam 112:1

Ata emi asu mi Leeme Silok. Luvukat ti mo laradi i lok ngangao at Leeme Silok, la i lok momo aleng ting tonga res at levelinga at ne Moroa.

Sam 128:1

Luvukat tinedi mo ding tonga res at Leeme Silok, la lavatpas atdi i mumu asu leventaangas teren.

Sam 146:5

Laradi naba ruuna xaka lomomo mo do neni na siam kaka ne Moroa at ne Jakop kusu rik lok tooro i, la neni i nuunu saga at Leeme Silok ne Moroa ren,

Sam 2:12

Minat kis tintiding to melamgo ren; naba lok kapmek do ni na musak la soso mun nemi axap mina uu. Nedi axap dik sixit uto saparap ne Moroa kusu ne Moroa na lok see atdi, dinaba momo.

Sam 34:18

Leeme Silok i gagas amisik ti lok tooro nedi dik lok tuntun, la i lox asepsu nedi di baava la di doma i do diba met.

Sam 41:1

Nedi di doma mu solo limixin banbalo, dina momo; Leeme Silok naba lok tooro di mo do dina ekip tangarang mi levenmumuat.

Sam 51:17

O Moroa, a lox akalik ia la a nemen maxopok taram; nom i ni laramtaba rak tu. Nia aklen i do, nenu uxo epovo una sok sisixe laradi i lox akalix i maxopok taram la i ven kibis libilinga ren.

Sam 84:12

Leeme Silok nu Lanaraavuk, nedi di nuunu saga ram din tuuna xaka i lomomo silok!

Metiu 11:25

Ap mo laaleng ne Iesu ga lok ti ne Moroa, “Nia a emi asu minu, Tamak; nenu Leeme Silok at laxalibet mi lavatkangka. Nia a emi asu minu mila ugara lox ase vam nedi limixin gamasa mi levelinga mumu Linintoo; la uga lipe i basinge limixin leklen la limixin diga lox ase.

Metiu 11:6

Luvukat ti neni laradi kopmen noxo subu basinge ia la lebelen ixo lok kapmek ti na lugugu rak.”

Metiu 13:16

Ketla Moroa ik lox anarong nemi luvuttadi loklok ka anasa mila lengkatli atnimi i reven la lenbaalung atnimi ing tonga.

Metiu 19:14

La ne Iesu ga lok, “Mina ke laxamdak mi laxaalik kakalik dina vot pasa ia; la nemen mita sep pepe di, mila Linintoo no vana at laxalibet i epovo ridi na.”

Metiu 24:46

Naba lox avukat ti mo laradi mo do leeme silok teren nabamlong la na long lenget ka i do i lox epovo lugugu ren.

Metiu 25:34

La nenia, Loorong Silok, anaba lok ti limixin to saparap lakngak tino xeretna, ‘Ude nimi, limixin ne Tamak ira lox anarong pam nimi. Minat pas ude la mina ruuna ka leveloklox anarong at Linintoo, ne Moroa ga gagas pam min tinimi at lurutu kaxat at lavatbung menemen,

Metiu 3:2

Neni ga vavang keretna, “Mina leeng basinge leveloklok kakapmek atnimi, mila langas ti Linintoo no vana at laxalibet mo nga ira auret!”

Metiu 8:11

Nia a tong i rinimi do buaang limixin diba laa boro at lengkot axap at na lavatbung menemen la diba xis kopok eburu mi ne Abaram, Aisak la ne Jakop at laanan tarak to xeneng at Linintoo no vana at laxalibet.

Lagale Lavavang At Ne Iesu Karisito Mak Ga Malagan I 10:14

La ne Iesu ga ven i nom la ga vaase sok luvuttadi loklok ka anasa ren la ga lok tidi xeretna, “Mina ke laxamdak mi laxaalik kakalik dina vot pasa ia; la nemen mita sep pepe di, mila Linintoo at ne Moroa i epovo ridi na.

Lagale Lavavang At Ne Iesu Karisito Luk Ga Malagan i 11:28

Ketla ne Iesu ga vorang i rin keretna, “I ruturun, ketla nedi mun di ronga levelinga at ne Moroa la di mumu asu i, Moroa naba lox anarong di.”

Lagale Lavavang At Ne Iesu Karisito Luk Ga Malagan i 18:14

La ne Iesu ga lok, “A tong i rinimi do, ana laradi, kopmen mo la Parisi, gak mokso at lemeren ne Moroa se neni gamlong ukolonu. Do nege i lox asilox i, Moroa naba lok alixilix i la do nege i lox alixilix i, Moroa naba lok asilox i.”

Lagale Lavavang At Ne Iesu Karisito Luk Ga Malagan i 22:29

Ne Tamak ga lok li ia xusu ri vaxaxis avukat limixin, la ana lok li nimi xusu ri vaxaxis avukat limixin.

Lagale Lavavang At Ne Iesu Karisito Luk Ga Malagan i 22:30

Kuren la miba anan la mina inin to at loxot kitkis tarak to xeneng at Linintoo rak, la mibat kis at liinin orong la miba ronga linga at lasangaun legepura larabibinat boro Israel.”

Lagale Lavavang At Ne Iesu Karisito Luk Ga Malagan i 4:18

‘Loroonan Kaala at ne Moroa i nemen tarak, mila ira soxolik ka vam ia xusu ana vavang mi Lagale Lavavang tinedi limixin banbalo. Ira sak tiki vam ia xusu ana tong asu langas ti soxomus asu limixin di nemen at loxokoxo, la ana lox arepalas lengkatli atnedi luvuttadi mi lengkatli atdi i main; la ana soxomus asu limixin di baava mi laxanmumuat at na lavatkangka;

Lagale Lavavang At Ne Iesu Karisito Jon Ga Malagan I 20:29

La ne Iesu ga lok tin, “Ura ven pam ia, kuren la u nuunu rak. Luvukat bak lok tinedi di xovisi na ven ia, ketla di nuunu rak.”

Jems 1:10

Ketla do laradi nuunu i ruuna buaang levempanga, neni naba lok momo mo do ne Moroa na lox asi i. Neni i lok ngan mun lempusuvus aaxa i nemen lixilik mun la ia met ta.

Jems 1:12

I lox avukat aleng do laradi nuunu na tu tuxuruxun maxopok at leveloklok tong pen. Mo do laradi ira sak tup pam mi leveloklok tong pen, i lox avukat mila ne Moroa naba raba i mi lavatbungorong, i lok ngan luunun tin la neni lorooro avolo. Ganoxa ne Moroa ga paase alii i do ni naba raba i ri mo limixin di balamu i.

Jems 2:5

Luvutnetak mi luvurinuk orong. Nemi axap mina ronga ia. Luvuttadi mo di lok ngan lavanga gamasa at lemeren limixin at na lavatkangka, Moroa ga soxolik ka vam di kusu diba umsu mi lunuunu la dina nemen ngan lavaanat too at Linintoo ren. Neni ga paase alii i do nedi limixin di balamu i, diba lok ka loxot at Linintoo ren.

Lisilimet 19:9

La mo laangelo ga lok tia, “Una malagan i na, ‘Luvukat tinedi limixin ne Moroa ba xup ka di ri leluxa at loklox epot at Lanasip.” La ni ga lok bok tia, “Anai, ni levelinga ruturun boro at ne Moroa.”

Lisilimet 22:14

Luvukat tinedi dira gos adadat pam levesingsiga atdi, kusu lorooro atdi naba epovo xusu dina anan at lempeven una boro at luuna at lorooro, la dina beles keneng at levenngas povolo uto at lemenemen silok.

Lisilimet 3:17

Nemi mi tong i do, ‘Nema mo map novos aleng la ma ruuna lempanga axap la maxok pakes bok ti tempanga.’ Ketla mixoklen i do nemi limixin etaba la mi baava. Nemi mi lok ngan limixin pakpakes, lengkatli atdi i main, la dik lok beleben.