Metiu 5:17 - Madak

¹⁷ La ne Iesu ga lok bok tidi, “Nemen gat mita nua i do aga vot kusu ana lok pes Lenavolo at ne Moses la levenanasa at lavaeme vapaase alii. A goxo vot kusu ana lok pes i, ketla aga vot ti lox epovo levelinga ren.

Metiu 5:17 Iomraidhean Croise

Metiu 3:15

Ketla ne Iesu ga vorang i rin keretna, “Una lok lavanga salai nia ara tong pam i, mila at na mun i langas la neda ata ba lox asorun lempanga sai ik mokso ne Moroa i vara i.” Kuren la ne Jon ga mu asu lodoxoma at ne Iesu.

Metiu 7:12

Leveloklok axap mina lox i ri lentaba vetpes, na lok ngan mun leveloklok mi vara i do dina lox i rinimi. Anai ni lavasuun tinotno at Lenavolo at ne Moses la levelinga at lavaeme vapaase alii.”

Lagale Lavavang At Ne Iesu Karisito Luk Ga Malagan i 16:17

Kopmen na lolos do laxalibet mi na lavatkangka naba xap, ketla i lolos aleng ti tamangkot lixilik keneng at levelinga at Lenavolo xusu naba sonao.

Lagale Lavavang At Ne Iesu Karisito Jon Ga Malagan I 8:5

At Lenavolo, ne Moses ga raba lara lavapaase lolos do tara tatkin na lok na loklok, taba lu amer i mi laxanuat. Ua levelinga ram ti na loklok?”

Leven Gugu 18:13

Diga lok, “Na laradi i lok tong pen i do na lok pes lunuunu at limixin di lotu saparap ne Moroa la i anasa di mi lara langas petpes kopmen na sixit emu mi Lenavolo.”

Leven Gugu 21:28

Digap kup keretna, “Nemi limixin me Israel. Ude nimi la mina lok tooro nama. Anai laradi na it pas tangtagap at lengkot axap la ik lox ase limixin do dina lox abulubun kepe limixin me Judaia la dina ke xepe Lenavolo atdik la na loogu laplavang. La ana nga ira lok ka laradi xopmen me Judaia ukeneng at loogu laplavang la kerepmo i lok puvula na loogu xaala!”

Leven Gugu 6:13

La diga lox abeles lentaba luvuttadi xusu ti xarang taba i. Diga lok, “Na laradi i paase vupu ri na loogu laplavang at ne Moroa la Lenavolo at ne Moses.

Lovoang At Ne Pol Ti Limixin Nunu to Rom 10:4

La ne Karisito gara lox epovo vam Lenavolo, kusu nege i nuunu, neni laradi mokmokso.

Lovoang At Ne Pol Ti Limixin Nunu to Rom 3:31

Kereva ba Lenavolo? Ata lok kepe nga i mila ata nuunu xusuk ta? Kopmen la kopmen tinotno, ketla ata su auru Lenavolo.

Lovoang At Ne Pol Ti Limixin Nunu to Rom 8:4

Moroa ga lox i na xusu neni naba lox epovo leventaangas avukat at Lenavolo tinedik, kopmen ata mumu asu lavavara at labantuxu, ketla di mumu asu lodoxoma at Loroonan Kaala.