Metiu 5:11 - Madak

¹¹ Luvukat mo ik lok tinemi do limixin diba vaase aksaksa rinimi la diba sev asongot nimi la diba paase mumu nimi mi levelinga xaxarang mila nemi limixin tarak.

Metiu 5:11 Iomraidhean Croise

Sam 35:11

Limixin kakapmek di vaxaru ia at lavapaase la dik sok taba ia mi leveloklok kakapmek mo nenia xopmen anaklen i.

Sam 44:22

Nema limixin taram, kuren la amisik dip sep amet nema. Amisik dip sep amet etaba nema ngan ta lubung sipsip, mo kopmen tara ri tupe di.

Metiu 10:18

Diba vaxaru nimi ro melamgo at luvuttadi amgomgo la to bok melamgo at lavaorong silok mila mi mumu asu ia, la miba tong asu Lagale Lavavang tidi la ti limixin kopmen di me Judaia.

Metiu 10:22

Limixin axap diba belemamao nimi mila mi mumu asu ia. Ketla lara do i tu lolos keneng at levesongsongot ise at laxavaxap ap mo levenaleng, ne Moroa naba lox arooro i.

Metiu 10:25

I epovo do lamdak loklox ase na ngan mun leeme loklox ase ren; la lasaxaruki na ngan mun laradi gomgo ren. Mo do limixin dina so asen laamgomgo at lixitkis koetemen mi ne Belsebul, diba so asen gilipu levenasen atdi axap di nemen keneng ap mo loogu mi levenasen kapmek!”

Metiu 10:39

Do nege i vara i do na ranga alis lorooro ren, neni naba sang apkav i; ket do nege i soxope lorooro ren ti lok luvukat tarak, neni naba lok kaka lorooro avolo.”

Metiu 19:29

La nedi axap diga on basinge laraugu atdi, luvutneton di, luvurinen di, luvuttemen di, luvutnen di, laxamdak mi laxaalik kakalik atdi, la leventaamang atdi kusu dina lok lugugu rak, nedi dinaba ruuna ka laxampanga solo la dinaba rooro amisik at lorooro melemu.

Metiu 24:9

Melemu limixin diba ranga alis nimi la dina lox asongot nimi la lentaba atnimi diba sev amet di la limixin at lengkot axap diba belemamao nimi mila nemi limixin tarak.

Metiu 27:39

Limixin digat pas polo go la diga pirapat lempatlak atdi la diga lok kalise ne Iesu.

Lagale Lavavang At Ne Iesu Karisito Mak Ga Malagan I 13:13

La limixin axap diba belemamao nimi mila mi mumu asu ia. Ketla lara do i tu lolos keneng at levesongsongot ise at laxavaxap ap mo levenaleng, ne Moroa naba lox arooro i.”

Lagale Lavavang At Ne Iesu Karisito Mak Ga Malagan I 13:9

Ketla mina lok tatao avukat nimi. Tentaba diba ranga alis nimi la miba tu at lavapaase ro melamgo at lavaeme silok la dibak pixis nimi ro at laraugu singising. La miba tu at lavapaase ro melamgo at lavaeme amgomgo mi lavaorong silok mila nemi mi nuunu rak, ketla miba tong asu Lagale Lavavang tidi.

Lagale Lavavang At Ne Iesu Karisito Mak Ga Malagan I 4:17

Ketla ixo vubeles ukeneng at lorooro atdi, la lunuunu atdi ixo nemen abao solo. Kuren la ise do levenmumuat i vot eburu mi levesongsongot mumu levelinga at ne Moroa, lunuunu atnedi i subu soso mun.

Lagale Lavavang At Ne Iesu Karisito Mak Ga Malagan I 8:35

Do nege i vara na ranga alis lorooro ren, neni naba sang apkav i; ket do nege i soxope lorooro ren ti mumu asu ia la ti tong asu Lagale Lavavang, neni naba lok kaka lorooro avolo.

Lagale Lavavang At Ne Iesu Karisito Luk Ga Malagan i 21:12

Avot ti na lempanga naba vot, diba ranga alis nimi la dina lox asongot nimi; diba song araba nimi ri lavapaase ro xeneng at laraugu singising la dina lok li nimi at loxokoxo; la diba lok kaka nimi uto melamgo at lavaorong silok la luvuttadi amgomgo xusu dina lok li nimi at lavapaase mila nemi mi nuunu rak.

Lagale Lavavang At Ne Iesu Karisito Luk Ga Malagan i 21:17

Limixin axap diba belemamao nimi mila nemi mi nuunu rak.

Lagale Lavavang At Ne Iesu Karisito Luk Ga Malagan i 6:22

Luvukat tinemi, mo do limixin kapmek dina ven nimi mina mumu asu ia, Laradi Mevana, la dina musak nimi, la dina sok tixirixes nimi, la dina vaase kapmek tinimi, la dina lok tinimi do nemi limixin kapmek.

Lagale Lavavang At Ne Iesu Karisito Luk Ga Malagan i 9:24

Do nege i vara i do na ranga alis lorooro ren, neni naba sang apkav i; ket do nege i soxope lorooro ren ti lok luvukat tarak, neni naba lok kaka lorooro avukat.

Lagale Lavavang At Ne Iesu Karisito Jon Ga Malagan I 15:21

Diba lok na levempanga rinimi mila mi nuunu rak la dixoklen mo lara ga riki ia.

Lagale Lavavang At Ne Iesu Karisito Jon Ga Malagan I 9:28

Diga vaase kapmek tin la diga lok tin keretna, “Nenu laradi loklok ka anasa ren, nema luvuttadi loklok ka anasa at ne Moses.

Leven Gugu 9:16

La nia aba lox ase i mi mo lempanga ni naba songot teren mumu lunuunu ren saparav ia.”

Lovoang At Ne Pol Ti Limixin Nunu to Rom 8:36

I ngan Lovoang Kaala i vaase i xeretna, “Nema mak lok keneng at lurube at lanmet at laxanaleng axap mumu u; dik lok nema ngan laxasipsip dit pas kusu dina sev amet di.” Sam 44:22

1 Korin 4:10

Limixin at na lavatbung menemen di tong i do nema luvuttadi baulang mun, mila ma gugu at laasen at ne Iesu. Ketla nemi mi lok do mi nemen avukat keneng at ne Iesu. Limixin at na lavatbung menemen di lok do nema luvuttadi gamasa la nemi mi doma i do nemi limixin silok at lorooro at ne Iesu. Limixin at na lavatbung menemen dik lox abulubun nama, ketla dik lok ngangao atnimi.

2 Korin 4:11

At lorooro axap atnema, ma nemen amisik keneng at levenmumuat at lanmet mumu laasen at ne Iesu, kusu mo lorooro ren limixin diba ven box i at labantuxu atnama, mo noxo nemen abao.

Pilipai 1:29

Moroa ga raba nimi mi lugugu at ne Karisito, kopmen do at lunuunu xusuk ketla minaba ekip tangarang bok mi losongsongot.

1 Pita 2:23

At loxonaleng diga paase aksaksa rin, neni goxo vorang di mi teloklok bok kuren; la at laaleng neni ga lok kaka loklox asongot, neni goxo lok tepanga, ketla neni ga lok li levendoxoma axap teren at ne Moroa neni laradi rongtonga linga la na lugugu ren ik mokso rinotno.

1 Pita 4:14

La do limixin di paase aksaksa rinimi mumu laasen at ne Karisito, luvukat nabat pas tinemi. Lavasuun at na keretna, mo loroonan i lox asuusu lisisixam, ni Loroonan at ne Moroa la ik lok keneng atnemi.

Lisilimet 2:3

Aklen i do nemi mira tu tuxuruxun pam at lunuunu atnimi, la migap kip levesongsongot mi lomomo, mo levesongsongot mumu laasen tarak, la mixo molo xape lunuunu atnimi.