Metiu 4:23 - Madak

²³ Iesu gat pas at lengkot axap Galili, ga anasa limixin mi levenanasa at ne Moroa ro xeneng at laraugu singising atdi; la ga vavang mi Lagale Lavavang mumu Linintoo, la gak lox aroo limixin basinge laxanasen anmeres axap.

Metiu 4:23 Iomraidhean Croise

Sam 103:3

Neni ga doxoma xepe lengkakapmek tarak la ni ga lok kepe levenanmeres axap tarak.

Sam 74:8

Diga lok do dina vas amdamda axap nema; la diga kotos asi lengkot axap i xaala at na lenep kangka.

Metiu 11:5

Nedi limixin mi lengkatli main, mo di reven manga; nedi lengkangkedek atdi ga lok kapmek, mo dit pas avukat; la nedi dik meres mi lanmeres gu, di lox avukat pam; la nedi levenbaalung atdi i repe, ding tonga manga; la nedi diga met pam mo di roo xat amlong pam; la limixin banbalo, mo ding tonga Lagale Lavavang.

Metiu 12:9

Iesu ga vas kaxat basinge mo loxot la ga vubeles uto at loogu singising atdi.

Metiu 13:19

Tinedi di ronga lempapaase mumu Linintoo, ketla dixo xasep teren, nedi di lok ngan levenit piao ga subu ro mun at langas. Satan i vot la i lok pes nom levelinga basinge lorooro atdi.

Metiu 13:54

la gamlong uto at lemenemen aulis teren. Ni ga anasa ro at loogu singising atdi. La limixin diga ronga i la diga sangu. Diga esue xeretna, “Ni ga lok ka na lakleklen solo meva? La ga lok ka lololos meva xusu ri lok na lempanga sangsangu?

Metiu 14:14

Se ne Iesu ga oso la ga ven nedi buaang limixin, ni ga balamu aleng di la ga lox aroo nedi, diga meres.

Metiu 24:14

La dinaba tong asu Lagale Lavavang mumu Linintoo ngan lavapaase asu ri limixin at lengkot axap, la melemu ba ren laxavaxap at na lavatbung menemen naba vot.”

Metiu 3:2

Neni ga vavang keretna, “Mina leeng basinge leveloklok kakapmek atnimi, mila langas ti Linintoo no vana at laxalibet mo nga ira auret!”

Metiu 9:35

Iesu gat pas kantubu at levenmenemen silok axap, eburu mi lengkonmenemen kakalik, ga anasa limixin to at laraugu singising atdi la ga vavang mi Lagale Lavavang mumu Linintoo at ne Moroa. La ne Iesu ga lox avukat limixin basinge levenasen anmeres axap.

Lagale Lavavang At Ne Iesu Karisito Mak Ga Malagan I 1:14

At lara laaleng diga ranga alis ne Jon la diga lok li i ro at loogu xokoxo, la melemu ren ne Iesu gamlong uto at lenep Galili la ga tong asu Lagale Lavavang at ne Moroa.

Lagale Lavavang At Ne Iesu Karisito Mak Ga Malagan I 1:21

La ne Iesu eburu mi luvuttadi loklok ka anasa ren diga onon uto at lemenemen Kaprenaum la at laaleng kaala diga vubeles at loogu singising la ne Iesu ga anasa limixin.

Lagale Lavavang At Ne Iesu Karisito Mak Ga Malagan I 1:39

La ne Iesu gat pas tangtagap at levengkot axap at lenep Galili. La ni ga vavang to at laraugu singising atdi la ni ga riki xepe lubunggas basinge limixin.

Lagale Lavavang At Ne Iesu Karisito Mak Ga Malagan I 3:10

Diga vot saparav i mila neni ga lox aroo buaang limixin. La limixin mi levenasen anmeres diga esi xakape ti long tu ren kusu levenanmeres atdi na xap.

Lagale Lavavang At Ne Iesu Karisito Mak Ga Malagan I 6:2

At laaleng kaala Iesu ga anasa ro at loogu singising la buaang limixin diga ronga i la diga sangu. La diga esue xeretna, “Na laradi ga lok ka na lakleklen solo meva? La neni ga lok ka lodoxoma nunuan meva xusu neni i epovo na lok lempanga sangsangu?

Lagale Lavavang At Ne Iesu Karisito Mak Ga Malagan I 6:6

La neni ga sangu aleng mila di goxo nuunu.

Lagale Lavavang At Ne Iesu Karisito Luk Ga Malagan i 10:9

Mina lox aroo levenanmeres ap mo lemenemen, la mina lok tinedi limixin mego do, ‘Langas ti Linintoo at ne Moroa monga i auret.’

Lagale Lavavang At Ne Iesu Karisito Luk Ga Malagan i 13:10

At lara laaleng kaala ne Iesu ga anasa limixin to xeneng at loogu singising.

Lagale Lavavang At Ne Iesu Karisito Luk Ga Malagan i 16:16

Lenavolo at ne Moses la levenmamalagan at lavaeme vapaase alii ga nemen se at levenaleng at ne Jon laradi sep susu. Ga ru ka i go Lagale Lavavang mumu Linintoo at ne Moroa ga lok kun i min, la buaang nedi limixin getgesara di lolos do ukeneng di.

Lagale Lavavang At Ne Iesu Karisito Luk Ga Malagan i 20:1

At lara laaleng ne Iesu ga nemen to xeneng at loogu laplavang, ga anasa limixin la ga vavang bok tidi mi Lagale Lavavang; la lavamaasa silok eburu mi luvuttadi loklox ase at Lenavolo, la loxongkulao silok diga vot posiga i,

Lagale Lavavang At Ne Iesu Karisito Luk Ga Malagan i 4:14

Melemu, Iesu gamlong uto Galili, la lololos at Loroonan Kaala ga nemen teren la ga lok tooro i mi lugugu ren. Levelinga mumu ne Iesu, ga rem teles ap mo lengkot ga nemen saparap Galili.

Lagale Lavavang At Ne Iesu Karisito Luk Ga Malagan i 5:17

At lara laaleng ne Iesu ga anasa; lentaba lubung Parisi la luvuttadi loklox ase at Lenavolo mo digat kis, diga laa boro at laramenemen axap to Galili la boro bok Judaia, la boro bok Jerusalem. Lololos at ne Moroa ga umsu ren kusu na lox aroo levenanmeres.

Lagale Lavavang At Ne Iesu Karisito Luk Ga Malagan i 6:17

La ne Iesu eburu mi luvuttadi loklok ka anasa ren diga si boro vana at lakaana, la ne Iesu ga ru ro at loxot mamana eburu minedi buaang limixin loklox ase. Buaang nedi limixin mo digak lok go, boro at lengkot axap Judaia, la boro bok Jerusalem, la boro loxon bok saparap lumenemen Taia la Sidon.

Lagale Lavavang At Ne Iesu Karisito Luk Ga Malagan i 6:6

At lara laaleng kaala manga, Iesu ga beles to xeneng at loogu singising la ga anasa. Lara laradi mo ga nemen lekngen tino ga molo.

Lagale Lavavang At Ne Iesu Karisito Luk Ga Malagan i 7:21

Ap mo laaleng Iesu ga lox aroo buaang nedi limixin basinge levenanmeres la ga riki asu lubunggas basinge limixin la ni ga lox arepalas bok levengkatli atnedi buaang limixin, levengkatli atdi ga main.

Lagale Lavavang At Ne Iesu Karisito Luk Ga Malagan i 7:22

Neni ga vorang luradi vapaase at ne Jon mi levelinga keretna, “Munamlong la muna tong i ri ne Jon mumu lempanga mu ven i la mu ronga i; nedi limixin mi lengkatli main, mo di reven manga; nedi lengkangkedek atdi ga lok kapmek, mo dit pas avukat; la nedi dik meres mi lanmeres gu, mo di lox avukat; nedi levenbaalung i repe, ding tonga manga; la nedi diga met pam, mo di roo xat amlong; la Lagale Lavavang mo a vavang min ti limixin banbalo.

Lagale Lavavang At Ne Iesu Karisito Luk Ga Malagan i 8:1

Melemu at lentaba levenaleng manga, Iesu gat pas kantubu at levenmenemen silok la lengkonmenemen kakalik, ga vavang mi Lagale Lavavang at Linintoo at ne Moroa. Lasangaun legepura luvuttadi loklok ka anasa diga emu min,

Lagale Lavavang At Ne Iesu Karisito Luk Ga Malagan i 9:11

Se limixin diga ronga i na, diga mumu asu i. La neni ga siam ka di mi lomomo, la ga paase ridi mumu Linintoo at ne Moroa, la neni ga lox aroo nedi, diga meres.

Lagale Lavavang At Ne Iesu Karisito Luk Ga Malagan i 9:60

Ketla ne Iesu ga vorang i rin keretna, “Una ke nedi limixin kopmen toxot tidi xeneng at Linintoo, dinak mit limixin nedi di met pam. Unat pas at laramenemen la una vavang mi Linintoo at ne Moroa.”

Lagale Lavavang At Ne Iesu Karisito Jon Ga Malagan I 18:20

La ne Iesu ga lok, “Aga paase at lasaxaven ti limixin axap, la levenanasa rak aga lox i ro xeneng at laraugu singising la loogu laplavang; la limixin me Judaia digat pot buru amisik. A goxo vaase alipe tepanga.

Lagale Lavavang At Ne Iesu Karisito Jon Ga Malagan I 6:59

Iesu ga tong asu mo levelinga at laaleng neni ga anasa ro at loogu singising to Kaprenaum.

Lagale Lavavang At Ne Iesu Karisito Jon Ga Malagan I 7:1

Melemu at nai, Iesu gat pas at levenmenemen to Galili; ni goxo vara i xusu nat pas to Judaia, mila luvuttadi amgomgo diga vara i xusu dina sev amer i.

Leven Gugu 10:38

Nemi miklen i do ne Iesu me Nasaret, ne Moroa ga lox anarong i mi Loroonan Kaala la ga raba box i mi lolos teren. Ni gat pas at lengkot axap la ga lok lempanga nunuan la ga lox aroo nedi bok ne Satan ga xoxo di, mila ne Moroa ga nemen eburu min.

Leven Gugu 18:4

Ni ga vavang amisik to at loogu singising at levenaleng kaala, gak lok tong pen i do na lok limixin me Judaia la me Grik dina nuunu.

Leven Gugu 20:25

Agarat pas tangtagap pam kantubu atnimi, aga tong asu langas ti Linintoo at ne Moroa. La na a tong tuturun i rinimi; aklen i do kopmen tara atnimi noxo ven bok ba ia.

Leven Gugu 28:31

Ni ga vavang mi Linintoo at ne Moroa la ga vanasa bok mi laasen at Leeme Silok, ne Iesu Karisito la kopmen tara goxo ru pe lugugu ren; ni ga paase mi lolos la kopmen gita marat.

Lovoang At Ne Pol Ti Limixin Nunu to Rom 10:15

La tevelinga naba ravasu xereva mo do dixo riki asu taradi ri vavang min? I ngan Lovoang Kaala i tong i xeretna, “I lox avukat tinotno lavatpas atnedi di vot mi Lagale Lavavang.” Ais 52:7