Metiu 3:7 - Madak

⁷ At loxonaleng ne Jon ga ven buaang nedi lubung Parisi mi lubung Sadiusi diga vosiga i kusu neni na sep susu nedi, neni ga lok tidi xeretna, “Nemi laxamdak at lempasii. Kereva, mi lok do mina sixiro at lebelemamao at ne Moroa mo naba vot saparap limixin kakapmek?

Metiu 3:7 Iomraidhean Croise

Metiu 12:24

La lubung Parisi diga ronga i na la diga lok ti mo limixin, “Neni i riki asu lubunggas mi lololos at ne Belsebul, leeme gomgo at lubunggas.”

Metiu 12:34

Nemi laxamdak at lempasii. Nemi xopmen mina epovo na tong asu levelinga avukat mila nemi mi umsu mi laxakapmek. Levenngusno nimi i paase asuusu lempanga lebelen nimi i umsu min.

Metiu 15:12

Melemu luvuttadi loklok ka anasa diga vosiga i la diga lok, “Uklen pam i do lubung Parisi di suma xapmek ti levelinga ram?”

Metiu 16:1

Lubung Parisi mi lubung Sadiusi diga vosiga ne Iesu la diga vara i do neni na lok tavanga sangsangu xusu dina lok tong pen i.

Metiu 16:6

La ne Iesu ga lok tidi, “Mina lok tatao avukat nimi mumu laiis at lubung Parisi mi lubung Sadiusi.”

Metiu 22:15

La lubung Parisi diga vas kaxat basinge mo lenep la diga gagas kusu dina bala arup ne Iesu mi levelinga.

Metiu 22:23

Ap mo mun laaleng lentaba at lubung Sadiusi diga vosiga ne Iesu, diga lok do limixin diga met pam, di noxo roo xat amlong. Diga lok tong pen ne Iesu xeretna,

Metiu 22:34

Lubung Parisi diga ronga i do ne Iesu ga vaase pe lubung Sadiusi, la nedi diga vot eburu la diga vot pasa ne Iesu.

Metiu 23:33

Nemi laxasii xapmek. Nemi laxamdak at lempasii. Ixo epovo do mina sixiro basinge lebelemamao at ne Moroa mo naba riki nimi uto at lemenemen songsongot.

Metiu 5:20

A tong i rinimi. Mo do luruptuvuk atnimi noxo lox avukat ti luruptuvuk at luvuttadi loklox ase at Lenavolo la lubung Parisi, kopmen mi noxo vubeles at Linintoo, no vana at laxalibet.”

Lagale Lavavang At Ne Iesu Karisito Mak Ga Malagan I 12:13

Melemu nedi lubung amgomgo diga riki lubung Parisi mi larapen tangas at ne Erodes kusu dina lok tong pen ne Iesu mi levelinga.

Lagale Lavavang At Ne Iesu Karisito Mak Ga Malagan I 12:18

La lubung Sadiusi diga vosiga ne Iesu diga lok do limixin diga met pam, di noxo roo xat amlong. Di ga lok tong pen ne Iesu xeretna,

Lagale Lavavang At Ne Iesu Karisito Mak Ga Malagan I 8:15

La ne Iesu ga lok tidi xeretna, “Mina lok tatao avukat nimi basinge laiis at lubung Parisi mi ne Erodes.”

Lagale Lavavang At Ne Iesu Karisito Luk Ga Malagan i 16:14

Lubung Parisi diga ronga i na; la diga lok kalise ne Iesu, mila diga vavara aleng lempilas.

Lagale Lavavang At Ne Iesu Karisito Luk Ga Malagan i 18:11

La mo la Parisi ga ru kaxat upana la ga sing mi lodoxoma keretna, ‘Moroa, nenia a emi asu minu, mila nia xopmen anak morong, la ana xaxarang, la anang longka tixin, kerekngan limixin petpes; a tong avukat tu mila nia xopmen ana lok ngan na laradi loklok ka pilas.

Lagale Lavavang At Ne Iesu Karisito Luk Ga Malagan i 7:30

Ketla lubung Parisi eburu mi luvuttadi loklox ase at Lenavolo diga ronga xepe lesep susu at ne Jon, la kerepmo diga sok tixirixes losoxovo at ne Moroa ridi.

Lagale Lavavang At Ne Iesu Karisito Jon Ga Malagan I 1:24

La lentaba lubung Parisi, luvuttadi amgomgo diga riki di, diga vot pasa ne Jon.

Lagale Lavavang At Ne Iesu Karisito Jon Ga Malagan I 8:44

Nemi laxamdak at ne temen nimi, ne Satan. La mi vavara i do mina mumu asu lavavara at ne temen nimi. Ga ru ka i at lurutu kaxat neni laradi sepsev amet tadi. La neni xopmen na tu at luruturun, mila kopmen turuturun keneng teren. Do neni i vaase laxaxarang, neni ik lok mene levempanga i epovo rin, mila neni laradi xaxarang, la neni lavasuun at laxaxarang.

Lagale Lavavang At Ne Iesu Karisito Jon Ga Malagan I 9:40

Leventaba lubung Parisi digak lok go eburu min, diga ronga na levelinga, la diga sue i, “U doxoma i do nema bok lengkatli atnama i main?”

Leven Gugu 15:5

Ketla lentaba luvuttadi nuunu, nedi lubung Parisi diga xatu kaxat la diga vaase lolos keretna, “Nedi mo limixin kopmen di me Judaia dina rivit kepe lengkontuxu atnedi la ata tong box i ridi do dina mumu asu Lenavolo at ne Moses.”

Leven Gugu 20:31

Mina lok tatao avukat nemi. Mina doma bilong ti mo lavantun maares nenia aga paase lolos tinemi axap at levenaleng kangking la kanimin, la agang teng mu nimi.

Leven Gugu 26:5

Buaang levenmaares digakleklen ia. La nanga dikleklen i do aga nemen keneng at lara libinam tadi at lotu atnama mo di mumu asu aleng Lenavolo. Di tong nedi do lubung Parisi. Di epovo do dina tong i do na levelinga rak i ruturun, mo do di vara i.

Leven Gugu 5:17

Ketla lamaasa gomgo at lavamaasa ga xatu kaxat eburu minedi limixin teren; mo limixin diga tong nedi do lubung Sadiusi, diga umsu mi levereven peves ti luvuttadi vavang.

Lovoang At Ne Pol Ti Limixin Nunu to Rom 1:18

Moroa ira lox axasep pam i ri limixin axap dola neni ixot kis epen mi leveloklok kakapmek at limixin, atla nom loklok kakapmek atnedi i sasar angtang kaka di basinge luruturun at ne Moroa, kuren la ni naba lox asi nom lebelemamao ren ti sev asongot di.

Lovoang At Ne Pol Ti Limixin Nunu to Rom 5:9

Moroa ga lox asepmus dik mi lada at ne Karisito, kuren la keneng teren i epovo rinotno do nedik taba roo suu basinge lebelemamao at ne Moroa.

1 Tesalonia 1:10

La di tong i do nemi mit kis tangais ne Nitna, mo naba ravasi boro vana at laxalibet. Moroa ga lox arooro amlong ne Iesu basinge lanmet, la ni naba lox arooro bok dik basinge lebelemamao at ne Moroa, mo naba rupot.

Ibru 11:7

Noa ga ruuna lunuunu, kuren la at laaleng ne Moroa ga tong i rin do laran naba vot, ni ga ronga res la ga lok lavattaaxup silok kusu na lox arooro nedi loxoetemen. Neni ga ruuna lunuunu la kerepmo ga lox asuusu i do loklok at limixin ap mo levenaleng ga lok kapmek, la neni ga ravasu ngan laradi mokmokso at lemeren ne Moroa mila neni ga ruuna lunuunu saparap ne Moroa.

Ibru 6:18

Legepu vanga mo ik lok kusu na lox amuat levelinga ren, i lok keretna; lavapaase alii ren la lavangpangpe ren, la ixo epovo do ne Moroa na xarang limixin. Kuren la ne Moroa ga lox i na xusu na lox alolos lunuunu atnedi diga on basinge laxakapmek kusu dina rebeng kaka mo levempanga nunuan ne Moroa ga vaase alii min.

1 Jon 3:10

Anai i lox axasep dik do nege di luvutnitna ne Moroa, la nege bok di luvutnitna ne Satan. Lara do i lok tavanga kopmen nak mokso, kopla kopmen na balamu neton, neni xopmen ne nitna ne Moroa, ketla neni ne nitna ne Satan.