Metiu 3:2 - Madak

² Neni ga vavang keretna, “Mina leeng basinge leveloklok kakapmek atnimi, mila langas ti Linintoo no vana at laxalibet mo nga ira auret!”

Metiu 3:2 Iomraidhean Croise

Metiu 10:7

At lavatpas atnimi, mina vavang ti limixin do Linintoo boro vana at laxalibet monga ira auret!

Metiu 11:20

Melemu Iesu ga ru ka i xusu na vaase mukmusak ti limixin ap mo laramenemen ua neni ga lok buaang lempanga sangsangu e, mila limixin ap mo laramenemen kopmen di goxo leeng basinge laxakapmek atdi.

Metiu 12:41

At laaleng ete limixin boro Nineve dinaba xatu kaxat upana la dina tong asu laxakapmek atnimi, mila diga leeng basinge laxakapmek atdi at nom laaleng diga ronga ne Jona ga vavang tidi; la lara laradi ik lok kantubu atnimi, neni i silok ti ne Jona.

Metiu 13:11

La ne Iesu ga vorang i ridi xeretna, “Moroa ira raba vam nimi mi lakleklen at Linintoo no vana at laxalibet; gano ga nemen alipe; ketla tinedi limixin petpes kopmen.

Metiu 13:24

Iesu ga tong bok lara lavapaase poovo ridi, ni ga lok, “Linintoo no vana at laxalibet i lok ngan laradi gatlotlo levenit piao avukat to at laraamang teren.

Metiu 13:31

Iesu ga vaase bok tidi mi lara lavapaase poovo xeretna, “Linintoo no vana at laxalibet i lok ngan lara laradi ga lok ka levenit mastet la gatlotlo i ro xataamang teren.

Metiu 13:33

Melemu ne Iesu ga vaase bok di mi lara lavapaase poovo xeretna, “Linintoo no vana at laxalibet i ngan laiis. Latkin i lok ka i la i lox eburu i mi loxompalava solo kusu na lok lengkongkide min. Laiis i vubeles axap uto xeneng at loxompalava xusu na so xat.”

Metiu 13:47

La ne Iesu ga lok bok tidi, “Linintoo no vana at laxalibet i lok ngan laxatkat; limixin sepsep mat di loloa min to at laras la dira sao ka laxanasen mat solo min.

Metiu 13:52

La ni ga lok, “Kuren la nedi axap luvuttadi loklox ase at Lenavolo do dina mumu asu levelinga at Linintoo no vana at laxalibet, nedi di lok ngan laradi at loogu i xip asu lempanga maxat mi lempanga maut boro xeneng at loogu lili ren kusu na raba limixin min.”

Metiu 18:23

Ana vaase u mi na, mila Linintoo no vana at laxalibet i lok keretna. Lara loorong silok mo ga doxoma i do nakling lugugu pilas ap mo luvuttadi gugu ren.

Metiu 20:1

La ne Iesu ga lok bok ti luvuttadi loklok ka anasa ren, “Linintoo no vana at laxalibet i lok keretna. Lara laradi mo ga suubu suu maxantamak, kusu na lok ka tuvuttadi kusu dina gugu ro at laraamang vaen teren.

Metiu 22:2

“Linintoo no vana at laxalibet i lok ngan loorong silok ga gagas li leluxa ri loklox epot at lamdak teren.

Metiu 23:13

Naba lok kapmek aleng tinimi, luvuttadi loklox ase at Lenavolo eburu minemi lubung Parisi. Nemi lavapen aala. Mik soxoba pe lumusaragu ri Linintoo no vana at laxalibet kusu limixin kopmen dina epovo dina beles teren. Ketla nemi xa xopmen minoxo beles teren la mi tu pe mo lumusaragu ri limixin dik lok tong i xusu dina beles.

Metiu 25:1

La ne Iesu ga tong bok lavapaase poovo. Ni ga lok keretna, “At laaleng at lovotpot tarak, Linintoo no vana at laxalibet ba lok ngan lasangaun lovosono maxat diga lok ka levenbabao atdi la digat pas kusu dina ekip tangarang mi laradi ga gagas kusu na epot.

Metiu 25:14

La ne Iesu ga tong bok lavapaase poovo. Ni ga lok, “Ap mo laaleng Linintoo no vana at laxalibet naba lok keretna. Lara leeme silok gat pas uto vaxalom. Avot at lavatpas kaxat teren, neni ga xup kaka lavasaxaruki ren la ga lok taba di mi levempanga ren kusu dinak lok tatao i.

Metiu 4:17

Ga ru ka i ap mo levenaleng ne Iesu ga vavang ti limixin keretna, “Mina leeng basinge leveloklok kakapmek atnimi, mila langas ti Linintoo no vana at laxalibet mo nga ira auret!”

Metiu 4:23

Iesu gat pas at lengkot axap Galili, ga anasa limixin mi levenanasa at ne Moroa ro xeneng at laraugu singising atdi; la ga vavang mi Lagale Lavavang mumu Linintoo, la gak lox aroo limixin basinge laxanasen anmeres axap.

Metiu 5:10

Luvukat mo ik lok tinedi dip kip levesongsongot mumu loklok mokmokso at ne Moroa, mila diba ruuna ka lixitkis to xeneng at Linintoo no vana at laxalibet.

Metiu 5:3

Iesu ga lok keretna, “Luvukat mo ik lok tinedi dikleklen i do labaroonan atdi ik pakes ti ne Moroa, mila limixin erepmo dinaba vubeles at Linintoo no vana at laxalibet.

Metiu 6:10

Linintoo ram na vot, lavavara ram limixin dina mu asu i nade xopok at na lavatbung menemen, i ngan mun di mu asu i ro vana at laxalibet.

Metiu 6:33

Ketla mavana at lempanga axap, mina lolos avot be ri puse ka Linintoo at ne Moroa la leveloklok mokmokso ren, la neni naba raba bok nemi mi nom lempanga mik pakes tin.

Lagale Lavavang At Ne Iesu Karisito Mak Ga Malagan I 1:15

Neni ga vavang keretna, “Levenaleng ngangais ira xap ta. Langas ti Linintoo at ne Moroa mo nga i auret. Mina leeng basinge leveloklok kakapmek atnimi la mina nuunu at Lagale Lavavang.”

Lagale Lavavang At Ne Iesu Karisito Mak Ga Malagan I 1:4

La ne Jon, laradi sep susu ga rupot to at lamatbin la ga sep susu limixin la ga vavang keretna, “Mina leeng basinge laxakapmek atnimi la mina lok ka lesep susu, la ne Moroa naba doxoma xepe leveloklok kakapmek atnimi.”

Lagale Lavavang At Ne Iesu Karisito Mak Ga Malagan I 6:12

La luvuttadi loklok ka anasa ren diga vas kaxat uto at levenmenemen la diga vavang do limixin dina leeng.

Lagale Lavavang At Ne Iesu Karisito Luk Ga Malagan i 1:16

Neni naba sat ka amlong buaang nedi limixin me Israel saparap ne Moroa, Leeme Silok atdi.

Lagale Lavavang At Ne Iesu Karisito Luk Ga Malagan i 11:20

Ket do a lox asu di mi lololos at ne Moroa, Linintoo at ne Moroa monga ira vot pam parap nimi.

Lagale Lavavang At Ne Iesu Karisito Luk Ga Malagan i 13:3

Kopmen tinotno! Ketla a tong i rinimi do, mo do mi noxo leeng basinge laxakapmek atnimi, nemi bok miba seeve.

Lagale Lavavang At Ne Iesu Karisito Luk Ga Malagan i 13:5

Kopmen tinotno! Ketla a tong i rinimi do, mo do mi noxo leeng basinge laxakapmek atnimi, nemi bok miba seeve.”

Lagale Lavavang At Ne Iesu Karisito Luk Ga Malagan i 15:10

A tong i rinimi do, kerepmo lubung angelo at ne Moroa diba momo aleng do tegesaradi xapmek neni i leeng basinge laxakapmek teren.”

Lagale Lavavang At Ne Iesu Karisito Luk Ga Malagan i 15:7

Kuren mun, la a tong i rinimi, do langsangan lomomo aleng kantubu atnedi di nemen to vana at laxalibet mila tegesa radi xapmek neni i leeng basinge laxakapmek teren; ketla ti lavasik sangaun mi lavasik, lomomo lixilik mun tinedi ro vana at laxalibet; mila nedi dirak mokso vam la dixok pakes ti leeng.

Lagale Lavavang At Ne Iesu Karisito Luk Ga Malagan i 16:30

Laradi nopnovos ga lok, ‘Tamak ne Abaram; kopmen na epovo! Ket do tara na xatu kaxat amlong basinge lanmet la nat pas uto saparap di, agut diba leeng ba basinge laxakapmek atdi.’

Lagale Lavavang At Ne Iesu Karisito Luk Ga Malagan i 21:31

Mo do mina ven mo lempanga xapmek na vot, mibaklen i do Linintoo at ne Moroa i auret na vot.

Lagale Lavavang At Ne Iesu Karisito Luk Ga Malagan i 24:47

La keneng at laasen teren diba tong asu Lagale Lavavang mumu loklok ti leeng la loklok ti doxoma xepe laxakapmek diba vavang min ti limixin axap at lavatbung menemen, ba ru ka i de Jerusalem.

Lagale Lavavang At Ne Iesu Karisito Luk Ga Malagan i 6:20

Iesu ga ven ti luvuttadi loklok ka anasa ren la ga lok, “Luvukat tinemi limixin banbalo, mila Linintoo at ne Moroa, neni atnimi!

Lagale Lavavang At Ne Iesu Karisito Luk Ga Malagan i 9:2

La neni ga lok do na riki asu di xusu dina vavang mi Linintoo at ne Moroa la dina lox aroo limixin mekmeres.

Leven Gugu 11:18

Diga ronga i na la lodoxoma atdi ga lok mulus la diga emi asu mi ne Moroa. Diga lok, “Moroa ira suang pam langas ti lorooro xusu limixin kopmen di me Judaia, dina leeng basinge laxakapmek atnedi la dina ruuna ka lorooro maxat.”

Leven Gugu 17:30

Gano ne Moroa goxo doma solo laxakapmek at limixin ap mo levenaleng limixin kopmen di goxokleklen i; ketla lingina i tong lolos i ri limixin at lengkot axap do dina leeng basinge laxakapmek atdi.

Leven Gugu 2:38

Pita ga lok tidi, “Nemi getgesara mina leeng basinge leveloklok kakapmek atnimi, la mina lok kaka lesep susu at laasen at ne Iesu Karisito kusu ne Moroa naba doxoma xepe leveloklok kakapmek atnimi la nemi minaba ruuna ka na laramtaba at Loroonan Kaala.

Leven Gugu 20:21

Ti leme Judaia la limixin kopmen di me Judaia bok aga vaase lolos tinedi do dina leeng basinge laxakapmek atnedi, la dina vot parap ne Moroa, la dina nuunu at Leeme Silok ne Iesu.

Leven Gugu 26:20

Aga vavang avot to Damasko la to bok Jerusalem, la melemu bok to at lengkot axap Judaia, la kantubu bok at limixin kopmen di me Judaia; aga vavang do dina leeng basinge laxakapmek atnedi la dina mumu asu ne Moroa la dina lok lempanga ri lox asuusu i do dira leeng pam.

Leven Gugu 3:19

Kuren la mina leeng basinge laxakapmek atnimi xusu ne Moroa naba doxoma xepe laxakapmek atnimi,

2 Korin 7:10

Lainbulu ne Moroa i lok kaxar i, ni ik lok leretepukus keneng at leveve at laradi la im gomgo nga i at langas ti lorooro, la neni noxo bulu mu mo lainbulu. Ketla lainbulu mede at lavatbung menemen im taba lanmet.

Kolosi 1:13

Neni naba raba nimi mi nom, mila ni ga lox arooro dik basinge lamain lolos at ne Satan, la neni ga lox arooro dik kusu tana vubeles at Linintoo at ne Nitna, mo ne Moroa i balamu i.

2 Timoti 2:25

Neni na lok ngan laradi mulus do ni nak lox akmokso nedi xopmen dina etaba belen min, kusu ne Moroa naba siam ka amlong di la ni na doxoma xepe laxakapmek atnedi la dinabaklen luruturun.

Ibru 6:1

Kuren la nemen mitam tebeng mun mo levenanasa miga lok ka avor i, i lox avukat kusu mina lolos ti lok kaka levenanasa at ne Karisito kusu miba ravasu ngan limixin mukun. Mina ke be mo levenanasa avot, i lok keretna, laanasa mumu loklok ti leeng basinge laxakapmek kusu mo laxakapmek noxo lox asuusu lanmet; laanasa mumu lunuunu ri ne Moroa;

2 Pita 3:9

Leeme Silok kopmen nak lok sila rik lok levempanga neni gara tong li vam i xuren, na ngan tepentaba go dim doma i xuren. Ketla neni ik lox atnaasan nemi, mila neni i xopara i xusu teta na seeve; neni i vara i xusu limixin axap dina leeng basinge laxapmek atnedi.

Lisilimet 2:21

Ara tong taba vam nom latkin mi levenaleng kusu ni na leeng basinge nom loklok kakapmek, ketla i xopara.

Lisilimet 2:5

Mina doma bilong ti mo labalamu avot atnimi ria, kusu miba ven kibis i do mira subu vam basinge ia. La mina leeng tinotno la minamlong ti mo leveloklok nunuan nemi miga lox avor i. Mo do mi noxo leeng, aba vot saparap nimi la ana lok kepe nom lababao atnimi.