Metiu 27:4 - Madak

⁴ Ni ga lok, “Nia ara lok pam laxakapmek silok, la ara raba vam limixin esep mi laradi xopmen taxakapmek teren, la i auret ta loxonaleng kusu dina sev amer i.” La diga lok tin, “Kopmen tekot at nom atnama. Lavanga nga nom taram!”

Metiu 27:4 Iomraidhean Croise

Sam 94:21

Dik lok li levenmumuat mavana at luvuttadi avukat, la di tong aurut liina ti luvuttadi sepsen.

Metiu 27:19

Ap mo loxonaleng Paelat gat kis at loxot kitkis at laradi rongtonga linga; la latkin teren ga lox aonon na levelinga rin, ga lok keretna, “Nemen gat uta lok tavanga ri na laradi kopmen taxakapmek teren, mila itinongo at laxanimin nia ata robo i la labalak ixo xis aulis tino.”

Metiu 27:54

Ap mo loxonaleng laasesep at luvuttadi esep eburu mi limixin esep teren diga tu la diga suma langne la levempanga axap ga vot ap mo loxonaleng, diga marat aleng la diga lok, “Neni lamdak tuturun pam at ne Moroa.”

Lagale Lavavang At Ne Iesu Karisito Luk Ga Malagan i 23:22

Paelat ga vaase manga ridi ga sev avantun, “Ketla laxapmek salai neni ga lox i? Axo vuse ka tevelinga xusu neni naba met teren! Anak pixis mene i la ana soxomus asu manga i.”

Lagale Lavavang At Ne Iesu Karisito Luk Ga Malagan i 23:41

La lumumuat tida ik mokso mila taga lok laxakapmek, i epovo ri na lumumuat; ketla neni laradi goxo lok taxakapmek.”

Lagale Lavavang At Ne Iesu Karisito Luk Ga Malagan i 23:47

La laasesep ga ven i na la ni ga emi asu mi ne Moroa la ga lok, “I ruturun tinotno, neni laradi mokmokso.”

Lagale Lavavang At Ne Iesu Karisito Jon Ga Malagan I 19:7

Luvuttadi amgomgo diga lok tin keretna, “I epovo do neni na met mila ni ga los polo Lenavolo atnama, i lok do neni ne Nitna ne Moroa.”

Leven Gugu 13:28

La nedi xopmen di goxo vuse ka tavasuun kusu dina sev amet ne Iesu, diga sing mun ne Paelat kusu na sev amer i.

Lovoang At Ne Pol Ti Limixin Nunu to Rom 3:19

Anaa ba nedik taklen i do, levempanga axap keneng at Lenavolo, ik lok mu asu nedi dik lok maxopok at Lenavolo, kusu ri lok pepe levempapaase vepe at limixin, la na lok kaka limixin at lavatbung menemen axap kusu dinak lok maxopok at lavapaase ro melamgo at ne Moroa.

1 Timoti 4:2

Na levenanasa xerepmo luvuttadi xaxarang dinaba lox ase limixin min; no levendoxoma avukat atdi gara sonao vam, i lok ngan din boo i mi lavaruat liplivi la kopmen dina suma i.

Taitas 1:16

Di tong i do di nuunu at ne Moroa, ketla kopmen na ruturun; mila levempanga nunuan kopmen na ravasu at lorooro atdi. Loklok atdi i lok kapmek at lemeren ne Moroa la at lemeren limixin. Nedi limixin tongtonga xepe mun, la dixo epovo na lok tevempanga i nunuan.

Ibru 7:26

Lamaasa gomgo xerepmo i lox epovo lavakpakes atdik; luruptuvuk teren i nunuan axap, neni xopmen goxo ronga xepe levelinga at ne Moroa, goxopmen taxakapmek gak lok teren. Ap mo levenaleng neni ga nemen de at na lavatbung menemen neni goxo vubeles ti laxakapmek eburu mi limixin kapmek; la melemu ne Moroa ga lox asilox i ro vana at laxalibet.

1 Pita 1:19

ketla ne Moroa ga un ka nemi mi lada, ni luunun silok at ne Karisito kopmen taxakapmek teren la kopmen bok tibira at Lanasip at ne Moroa.

1 Jon 3:12

Nemen dik ta lok ka loklok at ne Kaen. Neni laradi at ne Satan la neni ga sev amet neton, laasen teren ne Abel. Tila ba ne Kaen ga sev amet ne Abel? Lavasuun teren do ne Kaen ga ven kibis i do luruptuvuk teren ga lok kapmek la luruptuvuk at ne Abel ga lox avukat.

Lisilimet 11:10

La limixin axap at lavatbung menemen diba momo aleng mumu lanmet atdu. Diba lok larapeluxa silok la diba etaba ela mi leventamtaba atdi. Lavasuun teren do na luradi vapaase duba lok buaang levempanga songsongot mavana at limixin.